(អាមេរិក)៖ សហស្ថាបនិកក្រុមហ៊ុន Microsoft លោក Bill Gates មានទ្រព្យសម្បត្តិ ១២៦.៨ពាន់លានដុល្លារ ទោះបីជាមានទ្រព្យសម្បត្តិច្រើនក៏ដោយ លោក Bill Gates មិនបានបង្ហាញ ឬអួតសម្ងែង ទ្រព្យសម្បត្តិហ៊ឺហាអ្វីឡើយ ជាពិសេសនាឡិកាដែលភាគច្រើនជាម៉ូតសាមញ្ញ និងមានតម្លៃទាប។

Casio គឺជាម៉ាកនាឡិកាដែលលោក Bill Gates ចូលចិត្តជាពិសេស នាឡិកាដៃ Casio 200M Duro Analog (MDV106-1AV) ធ្លាប់បានបង្ហាញខ្លួននៅលើកដៃមហាសេដ្ឋីនេះ។ ចំណុចលេចធ្លោគឺធន់នឹងទឹកដល់ជម្រៅ ២០០ម៉ែត្រ ស័ក្តិសមសម្រាប់ប្រើប្រាស់នៅពេលចូលរួមក្នុងកីឡាទឹកដូចជាហែលទឹក ឬមុជទឹកជាដើម។ ម៉ូដែល​នេះ​បច្ចុប្បន្ន​ត្រូវ​បាន​ចុះ​បញ្ជី​ក្នុង​តម្លៃ ៦៩,៩ ដុល្លារ​អាមេរិក​នៅ​លើ​គេហទំព័រ​របស់ Casio។

ចំណែក Casio MRW-200H-1B2VDF គឺជាម៉ូដែលនាឡិកា Casio មួយទៀតដែលលោក Bill Gates ចូលចិត្តពាក់។ ក្នុងនាមជាអ្នកគាំទ្រសកម្មភាពកីឡាក្នុងទឹក លោក Bill Gates បន្តជ្រើសរើសម៉ាស៊ីននាឡិកាដែលមានភាពធន់នឹងទឹកដល់ជម្រៅ ១០០ ម៉ែត្រ។ តម្លៃ Casio MRW-200H-1B2VDF គឺ ២៥,៣៣ ដុល្លារ ។

Casio W214H-1AV Illuminator Sports Digital Chrono Watch មានតម្លៃត្រឹមតែ ២៤ដុល្លារប៉ុណ្ណោះ នេះជានាឡិកាថោកបំផុតរបស់ Bill Gates ។

នាឡិការបស់ Bill Gates មួយទៀតគឺ Tag Heuer Professional 2000 តម្លៃ ប្រហែល ១៤០០ ដុល្លារគឺជាម៉ូដែលនាឡិកាថ្លៃបំផុតមួយក្នុងចំណោមនាឡិការបស់លោកដែលមាន៕ ប្រភព៖ VNExpress