រាជធានីភ្នំពេញ ៖ ក្រោមមេឃតែមួយ តែវាសនាខុសគ្នា ពោលជីវិតមនុស្សបើមិនលំបាករកកន្លែងល្អមិនឃើញឡើយ ទោះក្រទោះអត់យ៉ាងណាក្តីមានតែចំណេះវិជ្ជាតែមួយមុខគត់អាចធ្វើអោយមនុស្សប្រែលប្រួលប្រែពីល្ងិតល្ងង់មកជាមានចំណេះប្រែពីស្គមមកធាត់ ប្រែអាក្រក់មកល្អជា ។ មែនទែនទៅ តាមរយៈរូបភាពទាំងអស់នេះធ្វើអោយមហាជនសម្តែងការសង្វេគចិត្តជាខ្លាំង…
រាជធានីភ្នំពេញ ៖ ក្រោមមេឃតែមួយ តែវាសនាខុសគ្នា ពោលជីវិតមនុស្សបើមិនលំបាករកកន្លែងល្អមិនឃើញឡើយ ទោះក្រទោះអត់យ៉ាងណាក្តីមានតែចំណេះវិជ្ជាតែមួយមុខគត់អាចធ្វើអោយមនុស្សប្រែលប្រួលប្រែពីល្ងិតល្ងង់មកជាមានចំណេះប្រែពីស្គមមកធាត់ ប្រែអាក្រក់មកល្អជា ។
មែនទែនទៅ តាមរយៈរូបភាពទាំងអស់នេះធ្វើអោយមហាជនសម្តែងការសង្វេគចិត្តជាខ្លាំង ក្រោយបានឃើញដូច្នេះ ក្មេងខ្លះបញ្ចុកបាយមិនចង់ញាំមានទាំងសម្ភារៈសិក្សាល្អ ហើយបែរជាមិនប្រឹងប្រែងរៀនសូត្រ ឪពុកម្តាយមានធនធានហើយបែរជាមិនខំ តែក៏មិនដូច្នេះទាំងអស់នោះដែរ សំខាន់មានចិត្តចង់រៀន ទោះយើងដើរយឺតដូចជា អណ្តើកក៏អាចចិញ្ចឹមក្រពះរស់នោះ ។
គួរបញ្ជាក់ដែរថា តាមរយៈរូបភាពទាំងនេះ ត្រូវបានចែកចាយដោយលោក ស្រេនវុធថា«នៅតំបន់ដាច់ស្រយាលមានសិស្សក្រីក្រជាច្រើន កំពង់ត្រូវកាជំនួយ ពីបងប្អូន សូមបងប្អូនជួយដល់ពួកគាត់ផងពួកគាត់ខ្វះខាតនៅសម្ភារៈសិក្សា សៀវភៅវ ប៊ិច ខ្មៅដៃ កាតាប សំលៀកបំពាក់ និងស្ទែនទឹកស្អាតសម្រាប់សិស្សប្រើប្រាស់ សិស្សសរុប១៧៧នាក់ ស្រី៨០នាក់ គ្រូ៤នាក់ ស្រី២នាក់នៅសាលាបឋមសិក្សាពោធិ៍បឹង ភូមិពោធិ៍បឹង ឃុំដងពែង ស្រុកស្រែអំបិល ខេត្តកោះកុង សូមបងប្អនជួយដល់ពួកគាត់ផង»។
តាមរយៈបទសម្ភារៈជាមួយសារព័ត៌មានកោះសន្តិភាព លោក ស្រេន វុធថា សាលាមួយនេះនៅតំបន់ជនបទដាច់ស្រយាលមានការខ្វះខាតខ្លាំង ដោយជំហានទីមួយនេះលោកថា ពួកគាត់ត្រូវការអណ្តូងទឹក សាទែនទឹក និងបន្ទាប់ទឹក ព្រោះនៅអ្វីទាំងអស់នេះជាតម្រូវការចាំបាច់ខ្លាំងសម្រាប់ពួកគាត់នោះ។
ឪពុកម្តាយក្មេងដែលរស់នៅតំបន់ ភូមិពោធិ៍បឹង ឃុំដងពែង ស្រុកស្រែអំបិល ខេត្តកោះកុងនេះ ភាគច្រើនពួកគាត់ស៊ីឈ្នូលធ្វើការអោយគេ រកមួយថ្ងៃបានមួយត្រឹម ដូច្នេះអាចថាលំបាកសម្រាប់ពួកគាត់ ដូចដែលបានឃើញស្រាប់ ខោអាវកូនសិស្សដែលមកសាលាពណ៌សប្រែជាពណ៌ប្រផះ ខ្វះខោរហែក អាចចាស់ ពោលពិតជាខ្វះខាតរកពាក្យមកបរិយាយស្ទើរមិនបាននោះ ។
បើងាកមកសភាពសាលាបឋមសិក្សាពោធិ៍បឹងនេះវិញ សាលាមួយនេះកន្លែងខ្លះក៏មានភា ពធ្លុះធ្លាយផងដែរ ដូច្នេះអាចថារៀងលំបាកបន្តិចសម្រាប់ប្អូនៗផ្ទាល់ ដោយការសិក្សាតែមានឧបសគ្គសម្រាប់ប្អូនៗនោះ ។
គួរបញ្ជាក់ដែរថា ក្មេងតូចទាំងអស់នេះពួកគាត់ចង់បានសម្ភារៈសិក្សា ជាពិសេសសម្លៀកបំពាក់អាវស សំពត់ខៀវ ខោខៀវ ដូច្នេះសង្ឃឹមថា បងប្អូនអាចនឹងបានជួបពួកគាត់ ព្រោះមានមហាជនបានសម្តែងការអាណិតដល់ប្អូនៗជាពន់ពេក ខណៈប្អូនមានការខ្វះសម្ភារៈទាំងនេះ តែនៅប្អូននៅតែមានចិត្តចង់សិក្សា ជំនះភាពល្ងង់ខ្លៅ និងស្រវ៉ាការសិក្សាជាធំនោះ ៕ ដោយ៖លីហួ គីមឆាយ
ចែករំលែកព័តមាននេះ