ព្រះអង្គ ជ្រួញ ពិសី ៖ ធ្វើបុណ្យហុតទឹកសម្លឹងកាក មិនបានបុណ្យទេ
- ភ្នំពេញ
រាជធានី ភ្នំពេញ ៖ មនុស្សជាច្រើនធ្វើបុណ្យដោយសុទ្ធចិត្តទេ ។ គេធ្វើបុណ្យ ព្រោះប្រាថ្នាចង់បាននេះ ចង់បាននោះ ។ ប៉ុន្តែព្រះអង្គ…
រាជធានី ភ្នំពេញ ៖ មនុស្សជាច្រើនធ្វើបុណ្យដោយសុទ្ធចិត្តទេ ។ គេធ្វើបុណ្យ ព្រោះប្រាថ្នាចង់បាននេះ ចង់បាននោះ ។ ប៉ុន្តែព្រះអង្គ…
រាជធានី ភ្នំពេញ ៖ មនុស្សជាច្រើនធ្វើបុណ្យដោយសុទ្ធចិត្តទេ ។ គេធ្វើបុណ្យ ព្រោះប្រាថ្នាចង់បាននេះ ចង់បាននោះ ។ ប៉ុន្តែព្រះអង្គ ជ្រួញ ពិសី ពន្យល់ថា ធ្វើបុណ្យហុតទឹកសម្លឹងកាក មិនបានបុណ្យទេ ។
តាមច្បាប់នៃកម្មផល បើយើងប្រព្រឹត្តអាក្រក់តិចប្រព្រឹត្តល្អបានច្រើន យើងទទួលផលអាក្រក់តិចផលល្អច្រើននាអនាគតជាតិ ។ ព្រះពុទ្ធជា ម្ចាស់នៃយើងព្រះអង្គបានលើកយកទ្រឹស្តីកម្មផលជាមូលដ្ឋានធំនៅ ក្នុងលទ្ធិព្រះពុទ្ធសាសនា ។ កម្ម គឺអំពើដែលមានចេតនា គឺការតាំង ចិត្តជាបច្ច័យ ។ បើគ្មានចេតនា គឺការតាំងចិត្តទេអំពើល្អ និងអាក្រក់ក៏ គ្មានដែរ ។ អំពើទាំងពីរនេះ ពុំអាចលុបលាង ឬស៊ីសងគ្នាបានជាដាច់ខាត ។
ជាក់ស្តែង កាលពីកន្លងមកនេះ ព្រះតេជគុណ ភិក្ខុអគ្គធម្មោជ្រួញ ពិសី មានសង្ឃដីកាពន្យល់អំពីការធ្វើបុណ្យកុំប្រាថ្នាដោយបញ្ជាក់ថា បុគ្គល កាលដែលយល់ច្បាស់ថា អ្វីជាបុណ្យ? កាលណាដែលយល់ច្បាស់ថា អ្វីជាបុណ្យហើយ គឺលែងចង់បានបុណ្យទៀតហើយពីព្រោះដឹងថា បុណ្យហ្នឹងជាអ្វី ។ ជាទូទៅពុទ្ធបរិស័ទយើងគ្រប់គ្នាធ្វើបុណ្យ តែងតែ ចង់បានបុណ្យ ដោយមិនដឹងថាបុណ្យនោះជាអ្វី0x017d7 សេចក្តីល្អ ទាំងឡាយចិត្តអនុគ្រោះទាំងឡាយនោះឯង គឺជាបុណ្យ ។ អ៊ីចឹងបើ ក្នុងចិត្តយើងនេះបរិបូណ៌ ដោយបុណ្យហើយ តើយើងត្រូវការបុណ្យ មកដើម្បីអ្វីទៀត? ហើយបុណ្យនេះភាគច្រើន យើងតែងតែស្វែងរក នៅមជ្ឃដ្ឋានខាងក្រៅ ដើម្បីបានបុណ្យ ។ តើបុណ្យពិតនៅទីណា បងប្អូន?
ព្រះតេជគុណជ្រួញ ពិសីបានមានសង្ឃដីកាបន្ថែមថា ៖ បុណ្យពិត គឺ នៅក្នុងចិត្តបើចិត្តនេះល្អ ហើយការធ្វើក្តី ការនិយាយក្តី តែងតែល្អ ហើយបណ្ឌិតទាំងឡាយរាល់ការបំពេញនូវសេចក្តីល្អទាំងឡាយ លោក ធ្វើលោកមិនដែលប្រាថ្នាចង់បានបុណ្យទេពីព្រោះក្នុងចិត្តលោកមានបុណ្យស្រេចទៅ ហើយនៅក្នុងសណ្តាន ។ អ៊ីចឹងលោកអត់មានត្រូវ ទៅប្រាថ្នាបុណ្យអីទៀតទេ ព្រោះក្នុងចិត្តលោកបរិបូណ៌ដោយបុណ្យ។ បណ្ឌិតទាំងឡាយការធ្វើនូវសេចក្តីល្អទាំងឡាយលោកមិនដែលប្រាថ្នា នូវសម្បត្តិសួគ៌ទេ ។ អរិយបុគ្គលទាំងឡាយការធ្វើនូវសេចក្តីល្អ ទាំងឡាយ លោកមិនដែលធ្វើ ដើម្បីប្រាថ្នាសម្បត្តិសួគ៌ទេ ពីព្រោះអី លោកបានយល់ថា ការធ្វើសេចក្តីល្អនេះមិនមែនធ្វើដើម្បីបានអ្វីមួយ ទេ គឺជាសេចក្តីល្អពិតៗសង្គ្រោះពិតៗ។ ប៉ុន្តែបុថុជ្ជនច្រើនតែឲ្យរបស់ ស្រណោះដៃ ឬក៏ពាក្យខ្មែរមួយទៀតថា ហុតទឹកសម្លឹងកាក ។ ហុត ទឹកសម្លឹងកាក ឬឲ្យរបស់ស្រណោះដៃសម្តៅដល់អ្នកធ្វើបុណ្យ ទាំងឡាយ រាល់ថ្ងៃមិនមែនធ្វើដោយភាពស្មោះត្រង់ទេ ធ្វើកុដ្ឋលោក មិនមែនដោយចិត្តអនុគ្រោះថា ដោយសារតែលោកមិនមានកុដ្ឋនៅ ទើបបានចិត្តល្អសាងកុដ្ឋមួយឲ្យលោកបានស្នាក់នៅស្រួលអត់សូវគិត ចឹងទេ ។
លើសពីនេះទៅទៀត ព្រះតេជគុណ បានមានសង្ឃដីកាបញ្ជាក់ថា ជា ធម្មតាបុណ្យ ចេតនាបុណ្យពិតប្រាកដធ្វើទៅហើយ មិនដែលគិតសូ ម្បីតែប្រាថ្នាផលថាឡើយឲ្យគេដឹងពីសេចក្តីល្អរបស់យើង សូម្បីតែការ ធ្វើនូវសេចក្តីល្អទាំងឡាយប្រាថ្នាសូមឲ្យបានចេះបានចុះក៏អត់ដែល ដែរពីព្រោះលោកបានដឹងច្បាស់ថា បុណ្យកើតចេញពីចេតនាដ៏ល្អ បរិសុទ្ធ ។ ភាគច្រើនញាតិញោមមនុស្សយើងរាល់ថ្ងៃច្រើនតែដើរស្វែងរកអ្នកមានបុណ្យ ហើយចុះខ្លួនឯងបើខ្វះបុណ្យស្មានតែកើតមកជា មនុស្សមែនទេញោម? ច្រើនតែស្វែងរកអ្នកមានបុណ្យអ្នកនេះមានបុណ្យអ្នកនេះមានបារមី ព្រះនេះ ព្រះនោះជួយ ។ តែសេចក្តីពិតអ្នកមានបុណ្យពិតប្រាក គឺខ្លួនឯងផ្ទាល់ហ្នឹងឯង ។ បើខ្វះបុណ្យស្មានតែ បានខ្សែកពាក់ បើខ្វះបុណ្យស្មានតែបានខ្សែដៃពាក់មែនទេ ញោម សុទ្ធតែមានបុណ្យហើយ បើខ្វះបុណ្យស្មានតែបានផ្ទះនៅល្អស្មានតែ មានឡានជិះ ស្មានតែមានមុខរបរត្រឹមត្រូវ ។ នេះ គឺជាផលរបស់ បុណ្យ ។ ប៉ុន្តែបើយើងហ្នឹងឯងមិនបានយល់អំពីបុណ្យច្បាស់យើង ច្រើន តែដើរស្វែងរកអ្នកមានបុណ្យហើយ ជឿទៅលើរឿងនេះជឿទៅ លើរឿងនោះ ដែលវាជាការខុសពីសេចក្តីពិត។
ព្រះតេជគុណ ជ្រួញ ពិសី បានសង្ឃដីកាបន្តថា ព្រះពុទ្ធព្រះអង្គមិន ដែលបង្រៀនយើងឲ្យជឿទេ ។ ព្រះពុទ្ធព្រះអង្គបង្រៀនឲ្យយើងចេះ គិតពិចារណាមុននឹងជឿមុននឹងធ្វើអ្វីមួយ ។ លោកអង្គខ្លះទេសនា ទៅ តែងតែពន្យុះញោម កុំធ្វើអានេះបាបធ្វើអានេះបានបុណ្យ ។ កុំបន្លាច មនុស្ស សំខាន់ពន្យល់សិន ៕
ចែករំលែកព័តមាននេះ