តើអ្នកគួរបង្ខំកូនឱ្យលេងកីឡាទេ ?
- ភ្នំពេញ
រាជធានីភ្នំពេញ ៖ កុមារដែលលេងកីឡានឹងរីករាយនូវអត្ថប្រយោជន៍ជាច្រើន ។ កីឡា គឺអស្ចារ្យសម្រាប់ជំនាញសង្គម បង្កើតមិត្តភក្តិ ទំនុកចិត្ត ជំនាញភាពជាអ្នកដឹកនាំ សុខភាពផ្លូវកាយ…
រាជធានីភ្នំពេញ ៖ កុមារដែលលេងកីឡានឹងរីករាយនូវអត្ថប្រយោជន៍ជាច្រើន ។ កីឡា គឺអស្ចារ្យសម្រាប់ជំនាញសង្គម បង្កើតមិត្តភក្តិ ទំនុកចិត្ត ជំនាញភាពជាអ្នកដឹកនាំ សុខភាពផ្លូវកាយ និងផ្លូវចិត្ត និងកាត់បន្ថយភាពតានតឹង ។ ក្មេងខ្លះទាមទារការលើកទឹកចិត្តបន្តិចបន្តួច ដើម្បីជួយពួកគេស្វែងរកកីឡា ឬសកម្មភាពដែលពួកគេចូលចិត្ត ។
តើអ្នកគួរបង្ខំកូនរបស់អ្នកឱ្យលេងកីឡាទេ ? ការបង្ខំកុមារឱ្យលេងកីឡាដែលពួកគេមិនចង់ គឺខុស ហើយវាធ្វើឱ្យពួកគេមិនសប្បាយចិត្ត ។ ការមានអារម្មណ៍ស្ថិតនៅក្រោមសម្ពាធ ឬការបង្ខំឱ្យចូលរួមទំនងជាធ្វើឱ្យពួកគេមានអារម្មណ៍បាក់ទឹកចិត្ត និងអាក់អន់ចិត្ត ។ ប្រសិនបើវាមិនមែនជាសកម្មភាពដែលពួកគេចូលចិត្តទេ ពួកគេអាចនឹងមានអារម្មណ៍មិនគ្រប់គ្រាន់ ទំនុកចិត្តទាប ឬឃ្លាតឆ្ងាយពីគ្នា ។ ឪពុកម្តាយគួរសួរខ្លួនឯងថា ហេតុអ្វីបានជាពួកគេចង់ជំរុញកូនរបស់ពួកគេឱ្យលេងកីឡា ។ ប្រសិនបើវាជាហេតុផលផ្ទាល់ខ្លួនរបស់ឪពុកម្តាយ ឧទាហរណ៍ ប្រហែលជាឪពុកម្តាយចូលចិត្តកីឡាណាមួយ ហើយរំពឹងថា កូនរបស់ពួកគេនឹងស្វែងរកភាពរីករាយដូចគ្នា ដូច្នេះ វាមិនមែនជាហេតុផលត្រឹមត្រូវនោះទេ ។
ចូរលើកទឹកចិត្តកុមារក្នុងការលេងកីឡា មិនមែនបង្ខំនោះទេ ៖ មានពាក្យមួយហៅថា ការជំរុញជាវិជ្ជមាន ដែលមានន័យថា ផ្តល់ការលើកទឹកចិត្តក្នុងន័យស្ថាបនា ដែលផ្តល់ផលប្រយោជន៍ល្អបំផុតដល់កុមារ ។ ការជំរុញជាវិជ្ជមាន ជាការលើកទឹកចិត្តកុមារឱ្យដើរចេញពីតំបន់សុខស្រួលរបស់ពួកគេ ឬសាកល្បងអ្វីថ្មី ។ ពួកគេអាចបង្កើនភាពក្លាហានក្នុងការប្រាស្រ័យទាក់ទងជាមួយក្រុមថ្មី ឬបង្កើនការរៀនជំនាញថ្មី ។
ភ្ជាប់អត្ថប្រយោជន៍ ៖ កុមារប្រហែលជាមិនសូវដឹងអំពីអត្ថប្រយោជន៍នៃកីឡាទេ ដូច្នេះវាជាការងាររបស់ឪពុកម្តាយក្នុងការអប់រំពួកគេ ។ ការចូលរួមក្នុងកីឡានឹងជួយពួកគេបង្កើនទំនុកចិត្ត បង្កើនការផ្តោតអារម្មណ៍ ពង្រឹងឆ្អឹង និងសាច់ដុំ ពង្រឹងអារម្មណ៍ បន្ថយភាពតានតឹង និងកាត់បន្ថយឱកាសនៃការឈឺជំងឺរ៉ាំរ៉ៃនៅពេលចាស់ទៅ ។ នេះជាហេតុផលទូទៅមួយចំនួនដែលធ្វើឱ្យកុមារមិន
រីករាយនឹងកីឡា ៖ កុមារប្រហែលជាធ្លាប់មានបទពិសោធន៍អវិជ្ជមាននៅក្លឹបកីឡា ឬក្នុងការហ្វឹកហាត់, កម្មវិធីហ្វឹកហាត់កីឡានោះមិនរំភើប មិនសប្បាយរីករាយសម្រាប់កុមារ, បរិស្ថានខុស ដោយសារបរិយាកាសកីឡាយុវជនមួយចំនួនមានការប្រកួតប្រជែង និងមានការជំរុញខ្លាំង ហើយអ្នកផ្សេងទៀតផ្តោតលើផ្នែកកម្សាន្ត និងសង្គមនៃការលេងកីឡាប៉ុណ្ណោះ, ទំនុកចិត្តទាប ប្រសិនបើខ្វះទំនុកចិត្តកុមារអាចប្រឆាំងនឹងការចូលរួមក្នុងសកម្មភាពសង្គម ឬកីឡា ។
អ្វីដែលត្រូវធ្វើនៅពេលកូនរបស់អ្នកមិនលេងកីឡា ៖ ការឱ្យកូនចូលមើលកីឡានានានឹងបង្ហាញឱកាសជាច្រើន ដែលវា គឺល្អជាងក្នុងការបង្ខំកុមារឱ្យលេងកីឡាណាមួយ ។ ការបង្ហាញខ្លួនទៅនឹងកីឡាផ្សេងៗគ្នានឹងជួយកុមារឱ្យស្វែងរកកីឡាដែលសមរម្យសម្រាប់ពួកគេ ដោយធ្វើឱ្យពួកគេក្លាយជាកុមារដែលមានភាពសប្បាយរីករាយ ។ មើលលើសពីកីឡា ‘ធម្មតា’ ដូចជា បាល់ទាត់ បាល់ទះ វាយកូនបាល់ ឬបាល់ឱប ។ កីឡាផ្សេងទៀតដូចជា តេក្វាន់ដូ ហែលទឹក ឬវាយកូនហ្គោល ប្រហែលជាសាកសមជាងសម្រាប់កូនរបស់អ្នក ។ សាកល្បងកីឡាដែលមិនជាប់ពាក់ព័ន្ធនឹងទម្រង់យេនឌ័រ កីឡាទាំងអស់ គឺសម្រាប់កុមារទាំងអស់ ។ អនុញ្ញាតឱ្យពួកគេសម្រេចចិត្តលើពេលវេលា និងកីឡាណាដែលពួកគេលេង ។ ប្រសិនបើកូនមិនចូលចិត្តលេងជាក្រុម ដូចជាបាល់ទាត់ ឬបាល់បោះ សូមស្វែងយល់ពីកីឡាផ្សេងដូចជា បាញ់ធ្នូ ក្បាច់គុន ឬហែលទឹក ។
ទុកពេលឱ្យកូន ប្រសិនបើពួកគេមិនលេងពេលដំបូង សូមកុំទាន់បំភ្លេចចោល ចូរសាកល្បងម្តងពីរដងទៀតសិន ។ រំលេចអត្ថប្រយោជន៍សុខភាពផ្លូវកាយ និងផ្លូវចិត្តដ៏អស្ចារ្យនៃការលេងកីឡា ដូចជា សុខភាពប្រសើរឡើង ភាពតានតឹង និងការថប់បារម្ភតិច បង្កើនទំនុកចិត្ត ការរៀនធ្វើការងារជាក្រុម ។ល។ ជួយពួកគេឱ្យយល់ពីអ្វីដែលពួកគេធ្វើ ដើម្បីទទួលបានអត្ថប្រយោជន៍ជាច្រើន ។ ធ្វើឱ្យវាសប្បាយ ស្វែងរកក្លឹបកីឡាយុវជន និងកីឡាដោយមានភាពសប្បាយ ៕ ប្រភព ៖ premier
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ វគ្គសិក្សាថ្មីចូលរៀនថ្ងៃទី ២៩ ខែមករា ឆ្នាំ ២០២៤ ខាងមុខនេះ ។ សាលារៀនផ្តល់ជូនអាហារូបករណ៍រហូតដល់ ៤០% និងធានារ៉ាប់រងគ្រោះថ្នាក់ បុត្រធីតា និងការការពារសិក្សារហូតដល់ ៥ ឆ្នាំ ។
លើសពីនេះ សាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ