ADផ្ទាំងផ្សព្វផ្សាយពាណិជ្ជកម្ម

Picture

​ម្តាយមកពីធ្វើការបា.ត់កូនតូច ទោះខំដើរ​រកយ៉ាង​ណាក៏មិនឃើញ លុះរកឃើញស្លុ.តចិត្ត

2 ខែ មុន
  • ប៉ៃលិន

ខេត្ត​ប៉ៃលិន​ ៖ ក្មេង​ប្រុស​តូច​ម្នាក់ បាន​ដើរ​តាម​ម្ដាយ​របស់​ខ្លួន​ទៅ​ស៊ីឈ្នួល​កា.ប់​ដើម​ដំឡូង​មី​ឱ្យ​គេ

ខេត្ត​ប៉ៃលិន​ ៖ ក្មេង​ប្រុស​តូច​ម្នាក់ បាន​ដើរ​តាម​ម្ដាយ​របស់​ខ្លួន​ទៅ​ស៊ីឈ្នួល​កា.ប់​ដើម​ដំឡូង​មី​ឱ្យ​គេ លុះ​​ស្ត្រីជាម្តាយ​​ធ្វើការ​ភ្លេចខ្លួន ក៏​បាត់​កូន​តូច ខណៈ​រូបគេ​ចុះ​លេង​ទឹកស្រះ​នៅ​ក្បែរ​នោះ​។ តែ​ក្រោយ​មក ​ម្ដាយ​ខំប្រឹង​ដើរ​រក និង​ប្តឹង​អាជ្ញាធរ​មូលដ្ឋាន​ឱ្យ​ជួយ​រក​ក៏​នៅ​តែ​មិនឃើញ រហូត​ដល់​ស.ព​ហើម​អណ្ដែត​ក្នុង​ស្រះ​ទឹក ទើប​បង្ក​ឱ្យ​មានការ​ភ្ញាក់ផ្អើល​តែ​ម្ដង​។

ហេតុការណ៍​ប្រទះ​ឃើញ​ស.ព​ក្មេង​ប្រុស​ល.ង់ទឹក​ស្លា.ប់​ខាងលើ​នេះ បាន​កើតឡើង​កាលពី​វេលា​ម៉ោង​៥ល្ងាចថ្ងៃ​ទី​៤ ខែមីនា ឆ្នាំ​២០២៤ នៅ​ចំណុច​ស្រះ​ទឹក​ប្រជាពលរដ្ឋ​ឈ្មោះ តា​រឿ​ន យាយ​ភាព ស្ថិត​នៅ​ភូមិ​ប៉ា​ង​រលឹម សង្កាត់​អូរ​តា​វ៉ៅ ក្រុងប៉ៃលិន​ ​ខេត្ត​ប៉ៃលិន​។

​តាម​ប្រភព​ព័ត៌មាន​បានឱ្យ​ដឹង​ថា ក្មេង​រង​គ្រោះ​ឈ្មោះ ប៉ង វិច្ឆិកា ភេទ​ប្រុស អាយុ​៥​ឆ្នាំ រស់នៅ​ភូមិ​ប៉ា​ង​រលឹម សង្កាត់​អូរ​តា​វ៉ៅ ក្រុង​បៃលិន ​ខេត្ត​ប៉ៃលិន​។

បើ​តាម​ការ​បំភ្លឺ​ពីស្ត្រីជា​ម្ដាយ​របស់ក្មេងប្រុសរងគ្រោះ​ឈ្មោះ ប្រៃ ស៊ី​ណាត អាយុ​៣០​ឆ្នាំ មុខរបរ​កសិករ រស់នៅ​ភូមិ​​ឃុំកើតហេតុ​ខាងលើ​បានឱ្យ​ដឹង​ថា មុនពេលកើតហេតុ ​នៅ​វេលា​ម៉ោង​១រសៀលថ្ងៃ​ទី​៣ ខែមីនា ឆ្នាំ​២០២៤ គាត់​បាន​ទៅ​កាប់​ដើម​ដំឡូង​ឱ្យ​គេ ដោយ​ទុក​កូន​ឱ្យ​នៅផ្ទះ​តែ​ម្នាក់ឯង ដោយ​មិនដឹង​ថា កូន​ដើរ​តាម​ពីក្រោយនោះទេ​​។

ស្ត្រីជាម្តាយបានបន្តថា រហូតវេលា​​ម៉ោង​៥ល្ងាច ម្ដាយ​​មក​ពី​ធ្វើការ​វិញ ទើបបាន​ដឹង​ថា​បាត់​កូន​ ហើយ​សាច់ញាតិ​បងប្អូន​ដើរ​រកដែរ តែ​រក​ពុំ​ឃើញ​ឡើយ លុះដល់​វេលា​ម៉ោង​៥និង​៣០​នាទី​ល្ងាច ថ្ងៃ​ទី​៤ ខែមីនា ឆ្នាំ​២០២៤ ​គាត់​​បាន​រាយការណ៍​ជូន​មក​លោក​មេ​ភូមិ​ប៉ា​ង​រលឹម និង​រាយការណ៍​មក​កម្លាំង​ប៉ុស្ដិ៍​រដ្ឋបាល​អូរ​តា​វ៉ៅ​។

ក្រោយ​ពី​ទទួល​​បាន​ព័ត៌មាន​ខាងលើនេះ​ភ្លាម​ កម្លាំង​ប៉ុស្ដិ៍​រដ្ឋបាល​សហការ​ជាមួយ​លោក​មេ​ភូមិ​កម្លាំង​ប្រជា​ការពារ​ភូមិ នាំ​គ្នា​ជួយ​ដើរ​រក​ពុំ​ឃើញ​ឡើយ​។ លុះ​ក្រោយមក ម្ដាយ​ដើរ​ស្វែងរ​កកូន​ ក៏​បាន​ប្រទះ​ឃើញកូន​ស្លា.ប់​អណ្តែតទឹក​ក្នុង​ស្រះ​ ​នៅ​ចំណុច​ដី​ឡូ​តិ៍ខាងលើ និងបង្កការភ្ញាក់ផ្អើល​តែម្តង ។

តាម​ប្រភពព័ត៌មាន​​បាន​បញ្ជាក់ថា ​ក្មេងប្រុសរងគ្រោះ​មានសតិមិនសូវគ្រប់ ​និង​មិនមានជាប់ពាក់ព័ន្ធករណីអ្វីផ្សេងឡើយ គឺ​ក្មេងប្រុសរងគ្រោះ​ពិតជាស្លា.ប់ដោយសារល.ង់ទឹកប្រាកដមែន។

សមត្ថកិច្ចនគរបាលក៏​បានប្រគល់ស.ពក្មេងប្រុសរងគ្រោះ​ទៅ​ឱ្យម្ដាយយកទៅធ្វើបុណ្យតាមប្រពៃណីនៅវត្តសិរីសួស្ដី សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ៕​

អត្ថបទសរសេរ ដោយ

កែសម្រួលដោយ