ឃើញមិត្តភក្ដិល.ង់ទឹក លោ.តទៅជួយ បែរជាជួបគ្រោះអកុសលយ៉ាងរន្ធ.ត់
- ភ្នំពេញ
រាជធានីភ្នំពេញ ៖ ក្មេងៗប្រមាណ១០នាក់បាននាំគ្នាសែងក្បូនទៅជិះលេងទឹករណ្ដៅដីមួយកន្លែង
រាជធានីភ្នំពេញ ៖ ក្មេងៗប្រមាណ១០នាក់បាននាំគ្នាសែងក្បូនទៅជិះលេងទឹករណ្ដៅដីមួយកន្លែង ក្រោយមកស្រាប់តែមានក្មេងប្រុសម្នាក់ល.ង់ទឹក ខណៈនោះមានក្មេងប្រុសម្នាក់ទៀត បានលោ.តចុះទៅជួយ ។ ប៉ុន្តែដោយសារតែអត់ចេះហែលទឹកក៏ល.ង់លិចបាត់ទៅក្នុងទឹកស្លា.ប់ខ្លួនឯង ចំណែកក្មេងប្រុសម្នាក់ដែលល.ង់ទឹកដំបូងគេ ត្រូវបានក្មេងប្រុសម្នាក់ចេះហែលទឹកជួយទាន់ពេល រួចផុតពីសេចក្ដីស្លា.ប់។
ហេតុការណ៍ខាងលើនោះបានបង្កការភ្ញាក់ផ្អើលកើតឡើងកាលពីវេលាម៉ោង១និង២០នាទីរសៀលថ្ងៃទី៣ ខែមិនា ឆ្នាំ២០២៤ នៅក្នុងរណ្ដៅដីមួយកន្លែង ដែលមានទីតាំងស្ថិតនៅក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពពីអ្នកភូមិខាងលើបានប្រាប់ឱ្យដឹងថា ក្មេងប្រុសរងគ្រោះដែលស្លា.ប់ខាងលើនោះឈ្មោះហេង អាយុ១៣ឆ្នាំ មានទីលំនៅក្នុងភូមិកើតហេតុខាងលើនោះ ។
តាមប្រភពពីអ្នកភូមិបានបន្តថា នៅមុនពេលកើតហេតុ ក្មេងប្រុសរងគ្រោះរួមជាមួយក្មេងៗច្រើននាក់ទៀតបាននាំគ្នាសែងក្បូន១យកទៅជិះលេងនៅក្នុងទឹករណ្ដៅដីខាងលើ។ ក្រោយពេលជិះលេងនិងលេងទឹកមួយសន្ទុះក្រោយមក ក៏ស្រាប់តែមានក្មេងប្រុសម្នាក់លង់ទឹក ខណៈនោះក្មេងប្រុសរងគ្រោះឈ្មោះហេង កំពុងនៅលើដើមឈើមាត់រណ្ដៅដី ហើយពេលឃើញបែបនេះក៏បានលោតចុះទៅក្នុងទឹកដើម្បីជួយក្មេងប្រុសម្នាក់ដែលកំពុងល.ង់ទឹកនោះ។
តាមប្រភពដដែលបានប្រាប់ឱ្យដឹងបន្តទៀតថា ប៉ុន្តែដោយសារតែក្មេងប្រុសរងគ្រោះឈ្មោះហេង អត់ចេះហែលទឹក ក៏បានលង់លិចបាត់ទៅក្នុងទឹកខ្លួនឯង ចំណែកឯក្មេងប្រុសម្នាក់ដែលល.ង់ទឹកដំបូងត្រូវបានក្មេងប្រុសម្នាក់ទៀតចេះហែលទឹកជួយទាន់រួចផុតពីសេចក្ដីស្លា.ប់។ បន្ទាប់មកអ្នកភូមិបាននាំគ្នារាវរកនិងបង់សំណាញ់ រហូតដល់វេលាម៉ោងជាង៣រសៀលថ្ងៃដដែល ទើបប្រទះឃើញសាកស.ពក្មេងប្រុសរូបនោះ រួចបានស្រង់ឡើងគោកនាំយកទៅផ្ទះភ្លាមដើម្បីធ្វើបុណ្យតាមប្រពៃណី ។
អ្នកភូមិខាងលើនោះបានបញ្ជាក់បន្ថែមទៀតថា កន្លងមកក្រុមក្មេងៗខាងលើតែងតែនាំគ្នាទៅលេងទឹកនៅត្រង់ចំណុចកើតហេតុនោះជារៀងរាល់ថ្ងៃ ទោះចាស់ៗក្នុងភូមិបានហាមឃាត់ក៏មិនស្ដាប់ឡើយ ប៉ុន្តែក៏មិនដែលមានគ្រោះថ្នាក់កើតឡើងដែរ ទើបតែថ្ងៃនេះក៏ល.ង់ស្លា.ប់ម្នាក់បែបនេះតែម្ដង៕
ចែករំលែកព័តមាននេះ