ខេត្តកំពង់ចាម: សកម្មភាពចាក់ដីធ្លាប់ទៅកើតមានចាក់លុបសមុទ្រតែប្លែកអីលោកឧកញ៉ាទន់ ឆៃអ៊ាង បែរជាធ្វើសកម្មភាពចាក់ថ្មចូលទន្លេមេគង្គនៅចំណុចភូមិព្រៃទទឹង ឃុំឬស្សីស្រុក ស្រុកស្រីសន្ធរ។បានបង្កឲ្យមានការភ្ញាក់ផ្អើលចុះផ្សាយព្រងព្រាតតាមបណ្ដាញសង្គមនិងសារព័ត៌មានតូចធំ ព្រោះជាទង្វើមួយខុសច្បាប់ទាំងស្រុង។ ជាក់ស្ដែង នៅព្រឹកថ្ងៃទី២មីនា ឆ្នាំ២០២៤…
ខេត្តកំពង់ចាម: សកម្មភាពចាក់ដីធ្លាប់ទៅកើតមានចាក់លុបសមុទ្រតែប្លែកអីលោកឧកញ៉ាទន់ ឆៃអ៊ាង បែរជាធ្វើសកម្មភាពចាក់ថ្មចូលទន្លេមេគង្គនៅចំណុចភូមិព្រៃទទឹង ឃុំឬស្សីស្រុក ស្រុកស្រីសន្ធរ។បានបង្កឲ្យមានការភ្ញាក់ផ្អើលចុះផ្សាយព្រងព្រាតតាមបណ្ដាញសង្គមនិងសារព័ត៌មានតូចធំ ព្រោះជាទង្វើមួយខុសច្បាប់ទាំងស្រុង។
ជាក់ស្ដែង នៅព្រឹកថ្ងៃទី២មីនា ឆ្នាំ២០២៤ ឯកឧត្តមអ៊ុន ចាន់ដា អភិបាលខេត្តនិងប្រធានសាលាដំបូងខេត្ត ព្រមទាំងសហការីបានអញ្ជើញចុះពិនិត្យពីសកម្មភាពកាយយកថ្មចេញពីក្នុងទឹកទន្លេដោយមិនឃើញមានវត្តមានរបស់ឧកញ៉ារូបនេះទេគឺ លឹបក្បាលដូចអណ្ដើកយ៉ាងដូច្នោះ។
បន្ទាប់ពីបានចុះពិនិត្យមើលសកម្មភាពកាយថ្មចេញពីក្នុងទឹកទន្លេដាក់លើសាឡង់ហ្នឹងដាក់រថយន្ត ឯកឧត្តមអ៊ុនចាន់ដា អភិបាលខេត្ត មានប្រសាសន៍ឲ្យដឹងថា: ក្រោយពីមានសកម្មភាពបែបនេះកើតឡើងគឺអាជ្ញាធរខេត្តបានយកចិត្តទុកដាក់ព្រមទាំងបានត្រួតពិនិត្យជាប្រចាំ។
ជាមួយនោះក៏មានការឯកភាពពីប្រធានសាលាដំបូងខេត្តដោយបានចុះពិនិត្យមើលពីវឌ្ឍនៈភាពជាក់ស្ដែងនៃសកម្មភាពកាយថ្មដោយគ្រឿងចក្រពីក្នុងទឹកទន្លេដាក់លើសាឡង់ គឺមានលោកស្រី សុភ័ក្ត្រអភិបាលរងខេត្ត ដែលតែងតែចុះតាមដានជាប្រចាំ។ ចំពោះថ្មដែលចាក់ចូលក្នុងទឹកទន្លេមកដល់ពេលនេះត្រូវកាយចេញបានប្រមាណ៧០% និងនៅសល់ប្រមាណ៣០% ទៀតតែប៉ុណ្ណោះ។
ឯកឧត្តមអភិបាលខេត្តមានប្រសាសន៍បន្តថា ចំពោះថ្មនៅបាទទន្លេដែលនៅសេសសល់ហ្នឹងត្រូវប្រើពេលរយៈពេលប៉ុន្មានថ្ងៃទៀត។ទើបនឹងរួចរាល់ជាស្ថាពរ។ធ្វើយ៉ាងណាម្ចាស់ទីតាំងនេះបន្ថែមគ្រឿងចក្រឱ្យបានច្រើនហើយការងាររួចរាល់មុនពេលកំណត់នោះគឺកាន់តែប្រសើរ។ សូមបញ្ជាក់ថាថ្មដែលនៅសេសសល់បាទទន្លេនោះភាគីខាងម្ចាស់ទីតាំងដោយសន្យាថានឹងប្រើពេល ១០ថ្ងៃទៀតនឹងឲ្យរួចរាល់១០០%។
ដូច្នេះសកម្មភាពកាយយកថ្មចេញអស់រឿងនេះគឺមិនទាន់ចប់នោះទេ។គឺស្ថិតនៅក្នុងកណ្ដាប់ដៃរបស់សាលាដំបូងខេត្ត ចាប់ពីពេលនេះទៅសូមឱ្យមេភូមិ នាយប៉ុស្តិ៍រដ្ឋបាល មេឃុំក្នុងស្រុកស្រីសន្ធរ ត្រូវតែតាមដានមើលសកម្មភាពមិនប្រក្រតីដែលកើតឡើងនៅកន្លែងណាមួយត្រូវរាយការណ៍មកអភិបាលស្រុក ដើម្បីមានចំណាត់ការជាបន្ទាន់កុំឲ្យសកម្មភាពល្មើសច្បាប់កើតមានបន្តទៀត។ ចំពោះសកម្មភាពចាក់ថ្មនេះបានកើតឡើងតាំងពីថ្ងៃទី២ មករា រហូតមកដល់ថ្ងៃទី២០កុម្ភៈឆ្នាំ ២០២៤ទើបរដ្ឋបាលខេត្តបានដឹងហើយនៅថ្ងៃទី២២កុម្ភៈ រដ្ឋបាលខេត្តបានចេញសេចក្តីប្រកាសព័ត៌មានជាផ្លូវការ ដើម្បីមានចំណាត់ការលើម្ចាស់ទីតាំងនេះ។
ឯកឧត្តមអ៊ុន ចាន់ដា អភិបាលខេត្តបានបញ្ជាក់ថា សកម្មភាពចាក់ថ្មចូលទន្លេធ្លាប់ទៅលើគេចាក់ចូលសមុទ្រតែសកម្មភាពបែបនេះបែរជាកើតមានឡើងនៅស្រុកស្រីសន្ធរ។ បន្ទាប់ពីប្រជុំចប់អភិបាលស្រុក ត្រូវកោះហៅមេឃុំទាំង ១៤ឃុំ នាយប៉ុស្តិ៍ មកប្រជុំនៅសាលាស្រុក ដើម្បីរៀបចំដាក់ផែនការត្រួតពិនិត្យមើលពីសកម្មភាពកាប់ដីព្រៃដោយខុសច្បាប់ ចាក់ថ្មចូលទន្លេ បើឃើញខុសនៅត្រង់ទីតាំងណាមួយសូមឱ្យផ្អាកសកម្មភាពនិងរាយការណ៍ជូនអាជ្ញាធរស្រុកដើម្បីមានវិធានការតាមផ្លូវច្បាប់។ ហើយត្រូវពង្រឹងវិន័យឲ្យបានល្អទាំងឃុំស្រុកធ្វើយ៉ាងណាយកចិត្តទុកដាក់ខិតខំបម្រើប្រជាពលរដ្ឋក្នុងមូលដ្ឋាន ចាប់ពីពេលនេះតទៅត្រូវលុបបំបាត់សកម្មភាពល្មើសច្បាប់ឲ្យអស់មិនឱ្យកើតមាននៅស្រុកស្រីសន្ធរបន្តទៀតទេ។
ឯកឧត្តមសួស ឡា ប្រធានសាលាដំបូងខេត្តកំពង់ចាមមានប្រសាសន៍ឲ្យដឹងដែរថា រដ្ឋបាលខេត្តមិនបានព្រងើយកន្តើយចំពោះរឿងសកម្មភាពចាក់ថ្មដោយខុសច្បាប់ចូលទន្លេនេះទេគឺសំណុំរឿង។
ចែករំលែកព័តមាននេះ