ខេត្តបាត់ដំបង ៖ ជនសង្ស័យដៃឆើតចំនួន០៣នាក់ ត្រូវបានកម្លាំងកងរាជអាវុធហត្ថឃាត់ខ្លួនភ្លាមៗ ក្រោយលួចដោះយកគ្រឿង និងសម្ភារអេស្ការវ៉ាទ័រដឹកតាមរ៉ឺម៉កសណ្ដោងនៅវេលាម៉ោង៤ទៀបភ្លឺថ្ងៃទី ០១ មីនា នៅចំណុចភូមិរំចេក៤ សង្កាត់រតនៈ…
ខេត្តបាត់ដំបង ៖ ជនសង្ស័យដៃឆើតចំនួន០៣នាក់ ត្រូវបានកម្លាំងកងរាជអាវុធហត្ថឃាត់ខ្លួនភ្លាមៗ ក្រោយលួចដោះយកគ្រឿង និងសម្ភារអេស្ការវ៉ាទ័រដឹកតាមរ៉ឺម៉កសណ្ដោងនៅវេលាម៉ោង៤ទៀបភ្លឺថ្ងៃទី ០១ មីនា នៅចំណុចភូមិរំចេក៤ សង្កាត់រតនៈ ក្រុងបាត់ដំបង ជាមួយនឹងវត្ថុតាងជាច្រើន ដែលក្រុមចោរចិត្តស្លុយទាំង០៣នាក់នេះ បំរុងដឹកយកទៅលក់នៅកន្លែងទិញអេតចាយ ។
សេចក្ដីរាយការណ៍បានឲ្យដឹងថា ជនសង្ស័យទាំង០៣នាក់នេះមាន ១-ឈ្មោះ ផល វិចិត្រ អាយុ៣៥ឆ្នាំ ២-ឈ្មោះ ឈីវ ភិរ័ត្ន អាយុ៣៥ឆ្នាំ និង៣-ឈ្មោះ ថន ស៊ីវហេង អាយុ១៧ឆ្នាំ ពួកគេមានមុខរបរដើរប្រព្រឹត្តអំពើរចោរកម្ម ។ ក្រុមនេះត្រូវបានកម្លាំងកងរាជអាវុធហត្ថខេត្តធ្វើការឃាត់ខ្លួនភ្លាមៗ នៅពេលកំពុងប្រព្រឹត្តបទល្មើស ហើយថែមទាំងដកហូតវត្ថុតាងមួយចំនួនធំ ។
បើតាមមន្ត្រីកងរាជអាវុធហត្ថបានឲ្យដឹងថា ក្រុមជនសង្ស័យដៃឆើតទាំង០៣នាក់នេះ បានធ្វើសកម្មភាពលួចដោះយកគ្រឿង និងសម្ភារមួយចំនួនចេញពីគ្រឿងចក្រ(អេស្ការទ័រ) ដែលម្ចាស់ទុកនៅចំណុចខាងលើ ដើម្បីជួសជុល ។ ហេតុការណ៍នេះបានកើតឡើង មុនពេលកម្លាំងជំនាញចុះឃាត់ខ្លួនប្រហែលមួយម៉ោង ក្រោយទទូលបានសេចក្ដីរាយការណ៍ពីម្ចាស់គ្រឿងចក្រ ។
ពោល គឺសមត្ថកិច្ចចុះទៅឃាត់ខ្លួនក្រុមចោរនេះ ពេលពួកគេកំពុងរៀបចំដឹករបស់របរដែលពួកគេលួចបានចេញពីកន្លែងកើតហេតុ បំរុងយកទៅលក់នៅកន្លែងទិញអេតចាយ ។ ដូច្នេះហើយទើបសមត្ថកិច្ចចាប់បានទាំងមនុស្ស កហូតបានទាំងមធ្យោបាយដឹកជញ្ជូន និង វត្ថុតាងដែលពួកគេលួចបាន ។
យោងលើរបាយការណ៍វត្ថុតាងដែលកម្លាំងបងរាជអាវុធហត្ថដកហូតបានរួមមាន«ម៉ូតូ០១គ្រឿង មានសណ្ដោងរ៉ឺម៉ក អាគុយចំនួន០២គ្រាប់កម្លាំង១៥០អំពែ ស្នប់បាញ់ខ្លាញ់គោចំនួន០១ ច្រវ៉ាក់០១ខ្សែ កន្ត្រៃកាត់ដែកចំនួន០២ ធ្មេញអេស្ការទ័រចំនួន០៤គ្រាប់ ទុយោអេស្ការទ័រចំនួន០១ខ្សែ និងសម្ភារពាក់ព័ន្ធមួយចំនួនទៀត ។
សមត្ថកិច្ចបានឲ្យដឹងថា បើតាមការសាកសួរ ក្រុមនេះមានប្រវត្តិប្រព្រឹត្តអំពើចោរកម្មច្រើនលើកណាស់ ។ ពួកគេដើរជួបអ្វីលួចហ្នឹងឱ្យតែលក់បានលុយ គឺលួចទាំងអស់។ ពេលនេះ មន្ត្រីជំនាញកំពុងសូរនាំ ដើម្បីចាត់ការតាមនីតិវិធីហើយ ៕
ចែករំលែកព័តមាននេះ