លោកគ្រូ គូ សុភាព ប្រទានដំបូន្មានអំពីវិធីរម្ងា.ប់កំហឹ.ង
រាជធានីភ្នំពេញ ៖ មនុស្សយើងម្នាក់ៗនៅពេលជួបបញ្ហា ឬរឿងរ៉ាអ្វីមួយធ្វើឱ្យទាស់ចិត្ត នាំឱ្យយើង
រាជធានីភ្នំពេញ ៖ មនុស្សយើងម្នាក់ៗនៅពេលជួបបញ្ហា ឬរឿងរ៉ាអ្វីមួយធ្វើឱ្យទាស់ចិត្ត នាំឱ្យយើងមានកំហឹង ឬកើតទោសៈដែលជាភ្លើង ដុតយើងឱ្យក្ដៅក្រហាយ ហើយអ្នកដែលសម្បូរខឹងក្រេវក្រោធច្រើន ធ្វើឱ្យមានសេចក្ដីទុក្ខនៅក្នុងផ្លូវចិត្ត ។
យើងគួរចេះរម្ងាប់កំហឹង ដោយស្តាប់ធម៌ ដែលព្រះពុទ្ធសាសនាតែងយកធម៌មេត្តាជាគោលធម៌ដ៏ចម្បងក្នុងការស្រោចស្រង់អាយុជីវិតសត្វលោកឱ្យបានសុខទាំងអស់គ្នា។
ព្រះភិក្ខុ វជិរប្បញ្ញោ គូ សុភាព បានមានថេរដីកាថា ចិត្តយើងម្នាក់ៗមានអកុសល ដេកត្រាំ គ្រប់ៗគ្នាទាំងអស់។ អ្នកខ្លះទៅខឹងក្រេវក្រោធច្រើន ដល់អ៊ីចឹងទៅប៉ះមិនបាន ច្រឡោតខឹង រឿងអីទាស់ចិត្ត មួរម៉ៅ។ វាធ្វើឱ្យយើងមានសេចក្ដីទុក្ខទៅតាមផ្លូវចិត្ត ទាល់តែយើងរៀនសូត្រកំណត់ដឹងថា ទោសៈនឹងវាជាភ្លើង វាដុតយើងឱ្យក្ដៅ។ ម្យ៉ាងទៀតយើងសេពគប់មនុស្សល្អ ជាអ្នកមានចិត្តត្រជាក់ ជួយបង្ក្រាបយើង ហើយ ត្រូវរៀនចម្រើនចិត្តមេត្តានឹងជារឿយៗ ដូចជាសូមឱ្យខ្ញុំបានសុខរួចផុតពីទុក្ខ សូមកុំឱ្យខ្ញុំខឹងគេ កុំឱ្យខ្ញុំចងពារនឹងគេ សូមឱ្យសព្វសត្វទាំងអស់បានសុខ រួចផុតពីទុក្ខ កុំឱ្យមានពារ កុំឱ្យមានភ័យ ចិត្តវាត្រជាក់នឹងវាឡើង កម្ដៅនឹងវាថយទៅ ។
បើនិយាយអ្វី ក៏កុំសូវនិយាយរឿងនាំឱ្យក្ដៅក្រហល់ក្រហាយ និយាយរឿងឱ្យចិត្តត្រជាក់ ឱ្យចិត្តល្អ ឱ្យចិត្តទន់អ៊ីចឹងទៅ ។ ទោសៈនេះកើតឡើង ដោយសារយើង យករឿងមកជជែកដែរ ប្រធានបទនោះវាក្ដៅក្រហាយ យើងក៏ក្ដៅក្រហាយតាមប្រធានបទដែរ ។
ការស្តាប់ ការមើលជាប្រចាំក៏អ៊ីចឹងដែរ ឧទាហរណ៍យើងមើលហ្វេសប៊ុក មើលរឿងរ៉ាវអ្វី វាធ្វើឱ្យទោមនស្ស ខឹងអ្នកនេះ ស្អប់អ្នកនោះ អានឹងក៏ធ្វើយើងក្ដៅក្រហាយដែរ ទាល់តែ យើងព្យាយាមណាស់ ដូចថា យើងព្យាយាមសិក្សារៀនសូត្រ ឱ្យដឹងថា ទោសៈនឹងវាជាកំហឹង ភ្លើង វានាំឱ្យកើតទុក្ខបច្ចុប្បន្នផង មានពារវេរាទៅខាងមុខផង ។
ម្យ៉ាងទៀត យើងសេពគប់មនុស្សចិត្តត្រជាក់ ចិត្តល្អ មួយចំណុចទៀត យើងរៀនផ្សាយ មេត្តាជារឿយៗទៅ ហើយមួយចំណុចទៀត យើងរើសប្រធានបទ មកនិយាយ មកពិភាក្សា នឹងប្រយ័ត្នប្រយ៉ែង រើសរឿងដែលវាមានប្រយោជន៍ដល់ផ្លូវចិត្ត ចំណេះដឹងដែលធ្វើឱ្យយើងមិនក្ដៅក្រហាយ ហើយនឹងការធ្វើទុក្ខក្នុងចិត្ត បើធ្វើទុក្ខក្នុងចិត្តខុសទំនង គិតដល់ អ្នកនឹងក្ដៅ គិតដល់អ្នកនឹងមួរម៉ៅ។ អ៊ីចឹងយើងរៀនដូរប្រធានបទ យើងដូរការគិតនឹងទៅ ទាំងនឹងយើងមិនសូវយកភ្លើងមកដាក់ក្នុងចិត្ត ហើយស្តាប់ព្រះសុធម្មរឿយៗ ទើបយើងអាចទប់ស្កាត់កំហឹងនឹងពីក្នុងចិត្ត ។ វាមិនបានអីទាំងអស់ទេ យើងអាចនឹងរៀនបង្ក្រាប កុំឱ្យកំហឹងនឹងវាឆេះរាលដាល។ យើងបានសុខពីបច្ចុប្បន្នផង ហើយវា អត់មានពារវេរា ទៅជាតិមុខ ជាតិក្រោយ មិនសូវមានសត្រូវ ។
បើយើងសម្បូរខឹងក្រេវក្រោធច្រើន មុខក្រង៉ូវ មុខមិនស្រស់ ជាតិមុខ ជាតិក្រោយ កើតមកសម្បូរសត្រូវ សម្បូរគេស្អប់ ឥតដឹងរឿងក៏គេស្អប់ដែរ ដោយសារយើងសន្សំចិត្តខឹង ច្រើននឹងឯង ។ ថ្នាំព្យាបាលដោយចំពោះ ជាថ្នាំមេត្តាព្យាបាលទោសៈ ប៉ុន្តែនៅមានថ្នាំជួយ ឧបត្ថម្ភគាំទ្រផ្សេងទៀតមានដូចជាខន្តី មានសតិ មានបញ្ញាជាដើម ៕
ចែករំលែកព័តមាននេះ