ADផ្ទាំងផ្សព្វផ្សាយពាណិជ្ជកម្ម

Picture

លោក​អធិការរង​ម្នាក់ ចាប់​មុខសញ្ញា​បង្ខំ​ឲ្យ​ឆ្លើយ រួច​ជំរិត​ទារប្រាក់ ចុង​ក្រោយ​ជាប់​បណ្តឹង​នៅ​អយ្យការ

1 ខែ មុន

ខេត្តកំពង់ស្ពឺ ៖ អធិការរង​ស្រុក​សាមគ្គី​មុនី​ជ័យ មួយ​រូប រង​ការ​រិះគន់​រឿង​ឃាត់ខ្លួន​មុខសញ្ញា​គ្រឿងញៀន​ម្នាក់ វាយ​បង្ខំ​យក​ចម្លើយ ហើយ​ចុង​ក្រោយ ជំរិត​ទារ​លុយ​ទៀត ក្រោយ​រួចខ្លួន​ជនសង្ស័យ ក៏​ដាក់​បណ្តឹង…

ខេត្តកំពង់ស្ពឺ ៖ អធិការរង​ស្រុក​សាមគ្គី​មុនី​ជ័យ មួយ​រូប រង​ការ​រិះគន់​រឿង​ឃាត់ខ្លួន​មុខសញ្ញា​គ្រឿងញៀន​ម្នាក់ វាយ​បង្ខំ​យក​ចម្លើយ ហើយ​ចុង​ក្រោយ ជំរិត​ទារ​លុយ​ទៀត ក្រោយ​រួចខ្លួន​ជនសង្ស័យ ក៏​ដាក់​បណ្តឹង តែ​ម្តង ។

យោង​តាម​ប្រភព​ព័ត៌មាន​បាន​ឲ្យ​ដឹង​ថា លោក សាវ សុភ​ក្តី អធិការរង​ស្រុក​សាមគ្គី​មុនី​ជ័យ ដែល​រង​នូវ​បណ្តឹង​ពេល​នេះ តំណាង​អយ្យការ កំពុង​តែ​ចាត់ការ​ហើយ ។

តាម​ប្រភព​ដដែល លោក សាវ សុភ​ក្តី ទំនងជា​មិន​អាច​រួចខ្លួន គេច​ផុត​ពី​សំណាញ់​ច្បាប់​នោះ​ទេ ព្រោះ​នេះ គឺជា​បទ​លើ្ម​ស ដែល​ផ្ទុយ​ពី​ច្បាប់​។ ម្ចាស់​បណ្តឹង ដែល​ហ៊ាន​ប្តឹង​លោក សាវ សុភ​ក្តី ត្រូវ​បាន​ស្គាល់​មានឈ្មោះ ខន ខេ​ម ត្រូវ​លោក​អធិការរង ចាប់​ឃាត់ខ្លួន កាលពី​ថ្ងៃ​ទី​៣០ ខែតុលា ឆ្នាំ​២០២៣ ក្នុង​បទល្មើស​គ្រឿងញៀន ហើយ​ការ​ឃាត់ខ្លួន​នោះ​ទៀត​សោត លោក​អធិការរង គ្រឿងញៀន​រូប​នេះ មិន​បាន​រាយការណ៍ មក​តំណាង​អយ្យការ​ឡើយ ។

យោង​តាម​ប្រភព​ដដែល​បន្ត​ថា ក្រោយ​ពី​ឃាត់ខ្លួន​មុខសញ្ញា​បាន លោក សាវ សុភ​ក្តី បាន​ជំរិត​ទារប្រាក់​ពី​ជនសង្ស័យ ប្រមាណ​ជិត​១០​លាន​រៀល ជា​ថ្នូរ​នឹង​ការ​មិន​កសាង​សំណុំរឿង​បញ្ជូន​ទៅ​តុលាការ ។

មហាជន​ក៏​ដូច​ជា​ម្ចាស់​បណ្តឹង កំពុង​រង់ចាំ​មើល​ថា តើ​វាសនា​លោក សាវ សុភ​ក្តី នឹង​ទៅ​ជា​យ៉ាងណា ? ទោះជា​យ៉ាងណា​ក៏​ដោយ តំណាង​អយ្យការ ក៏​ធ្លាប់​បាន​កោះហៅ​លោក​អធិការរង​រូប​នេះ មក​ធ្វើការ​សាកសួរ​ខ្លះ​ៗ​ហើយ​ដែរ ជុំវិញ​បញ្ហា​ខាងលើ ។

ដោយឡែក​ប្រភព​ពី​មន្ត្រី​នគរបាល​ស្រុក​សាមគ្គី​មុនី​ជ័យ ក៏​បាន​បង្ហើប​ប្រាប់​ផង​ដែរ​ថា សកម្មភាព​របស់​លោក​អធិការរង​រូប​នេះ មិនមែន​ជា​លើក​ទី​មួយ​នោះ​ទេ គឺ​ច្រើន​ដង​ណាស់​មក​ហើយ ដោយ​លោក​នឹក​ស្មានថា ថ្នាក់លើ​មិនដឹង ។

ពាក់ព័ន្ធ​នឹង​ការ​ដាក់​ពាក្យបណ្តឹង​ចោទប្រកាន់​លោក​អធិការរង​នគរបាល​ស្រុក​សាមគ្គី​មុនី​ជ័យ ទៅ​អយ្យការ​អម​សាលាដំបូង​ខេត្តកំពង់ស្ពឺ​នេះ​ដែរ លោក សាវ សុភ​ក្តី បានឱ្យ​ដឹង​តាម​ទូរ​សព្ទ នៅ​ល្ងាច​ថ្ងៃ​ទី​២៨ ខែកុម្ភៈ ឆ្នាំ​២០២៤​នេះ​ថា លោក​បាន​ឃាត់​ក្រុម​ជនសង្ស័យ ចំនួន​០៣​នាក់ តាម​ដីកា​បង្គាប់​ឱ្យ​ចាប់ខ្លួន​កាលពី​ថ្ងៃ​ទី​៣០ ខែតុលា ឆ្នាំ​២០២៣ មែន ប៉ុន្តែ​០២​នាក់​ទៀត អត់​ពាក់ព័ន្ធ​លោក​ក៏​បាន​ធ្វើការ​អប់រំ ឱ្យ​ត្រឡប់​ទៅ​ផ្ទះ​វិញ ដោយនៅ​ក្នុង​រង្វង់​ប្រតិបត្តិការ គឺ​ឃាត់​សិន ហើយ​លោក​ក៏​បាន​រាយការណ៍​ជូន​ថ្នាក់លើ​។ ចំពោះ​រឿង​ឈ្មោះ ខន ខេ​ម ដាក់​ពាក្យ​ប្តឹង​លោក​ទៅ​អយ្យការ​នោះ សង្ស័យ​គាត់​រត់​ដួល​ផង ក៏​មិនដឹង លោក​មិន​ទាន់​បាន​ទទួល​ព័ត៌មាន​ជាក់លាក់ ដែរ​ទេ ៕

អត្ថបទសរសេរ ដោយ

កែសម្រួលដោយ