ADផ្ទាំងផ្សព្វផ្សាយពាណិជ្ជកម្ម

Picture

​បុរស​ជនជាតិ​អាមេរិក​អាយុ​១០៦​ឆ្នាំ​ទទួល​សញ្ញា​ប័ត្រ​បាក់​ឌុប​កិត្តិយស

1 ខែ មុន

ទី​ក្រុង​វ៉ាស៊ីនតោន៖ បុរស​ជន​ជាតិ​អាមេរិកាំង​ម្នាក់​ដែល​មាន​អាយុ​រហូត​ដល់​១០៦​ឆ្នាំ​រស់​នៅ​រដ្ឋ​ខារ៉ូ​ឡាយ​ណា​ខាង​ត្បូង (South Carolina) ​ទើប​តែ​ទទួល​បាន​សញ្ញា​ប័ត្រ​មធ្យម​សិក្សា​ទុតិយ​ភូមិ​ (​បាក់​ឌុប)​ កាល​ពី​ពេល​ថ្មី​ៗ​​​ដែល​នេះ​ជា​ប្រភេទ​សញ្ញា​ប័ត្រ​កិត្តិ​យស​។​ គាត់​ឈ្មោះ​ហ្វ្រេត​ អាឡឹន​ ស្មល…

ទី​ក្រុង​វ៉ាស៊ីនតោន៖ បុរស​ជន​ជាតិ​អាមេរិកាំង​ម្នាក់​ដែល​មាន​អាយុ​រហូត​ដល់​១០៦​ឆ្នាំ​រស់​នៅ​រដ្ឋ​ខារ៉ូ​ឡាយ​ណា​ខាង​ត្បូង (South Carolina) ​ទើប​តែ​ទទួល​បាន​សញ្ញា​ប័ត្រ​មធ្យម​សិក្សា​ទុតិយ​ភូមិ​ (​បាក់​ឌុប)​ កាល​ពី​ពេល​ថ្មី​ៗ​​​ដែល​នេះ​ជា​ប្រភេទ​សញ្ញា​ប័ត្រ​កិត្តិ​យស​។​ គាត់​ឈ្មោះ​ហ្វ្រេត​ អាឡឹន​ ស្មល (Fred Allen Smalls) ហៅ​ក្រៅ​ថា​​ក្រេម (Gramps) ​ត្រូវ​វិទ្យាល័យ​ចច​ថោន (Georgetown High School) ផ្ដល់​សញ្ញា​ប័ត្រ​កិត្តិយស​នេះ​នៅ​ក្នុង​ពិធី​ដែល​ចូល​រួម​ដោយ​មនុស្ស​ជាង​មួយ​រយ​នាក់​។​

លោក​តា​ស្មល​កើត​ថ្ងៃទី​៥ ខែ​កុម្ភៈ ឆ្នាំ​១៩១៨​ នៅ​តំបន់​ចច​ថោន​។ គាត់​ឈប់​រៀន​​តាំង​ពី​​ថ្នាក់​ទី​៨ ហើយ​បាន​ផ្លាស់​ទៅ​រស់​នៅ​​ទី​ក្រុង​វ៉ាស៊ី​ន​តោន​ដើម្បី​ជួយ​ធ្វើ​កិច្ច​ការ​​នៅ​ក្នុង​គ្រួសារ​​​។ ​ចៅ​ស្រី​របស់​លោក​តា​ស្មល​ឈ្មោះ​បឺត​ដេឡា ឃីន​នី (Birdella Kinney) ក៏​ខិត​ខំ​រៀន​សូត្រ​យ៉ាង​ខ្លាំង​ក្លា​ផង​ដែរ​អស់​រយៈ​ពេល​​ជាង​មួយ​ឆ្នាំ​មក​ហើយ​ដើម្បី​ធ្វើ​ទទួលបាន​សញ្ញា​ប័ត្រ​ជុំ​គ្នា​​ជា​មួយ​គាត់​។​

ចៅ​ស្រី​រូប​នេះ​បង្ហើប​ឱ្យ​ដឹង​ថា​​​ជីដូន​ និង​ម្ដាយ​មីង​របស់​លោក​តា​ស្មល​ជា​អ្នក​ចិញ្ចឹម​បី​បាច់​លោក​តា​ស្មល​​រហូត​ដល់​ធំ​ដឹង​ក្ដី​។ ដូច្នេះ នៅ​ក្នុង​​ឱកាស​នេះ លោក​តា​ស្មល​ក៏​​​សូម​​ឧទ្ទិស​កុសល​ផល​បុណ្យ​ជូន​ចំពោះ​ពួក​គាត់​ផង​ដែរ​ដែល​ជួយ​បី​បាច់​គាត់​រហូត​ដល់​អាយុ​ជាង​១០០​ឆ្នាំ​។ ចៅ​ស្រី​រូប​នេះ​ប្រាប់​ថា​លោក​តា​ស្មល​កើត​នៅ​ក្នុង​គ្រួសារ​មួយ​ដែល​មាន​កូន​ទាំង​អស់​៧​នាក់​។​

គាត់​ចូល​​រៀន​នៅ​ក្នុង​​សាលា​រៀន​មួយ​កន្លែង។ ​កាល​ជំនាន់​កម្សត់​ណាស់​ជា​ប្រភេទ​សាលា​សង់​អំពី​ឈើ​។​​​ គាត់​ភ្លេច​បាត់​ហើយ​មិន​ដឹង​​​សាលា​រៀន​នោះ​ឈ្មោះ​អ្វី​ទេ​។​ គាត់​រៀន​ចាប់​ពី​ថ្នាក់​ទី​១​ដល់​ថ្នាក់​ទី៥​ជា​មួយ​លោក​​គ្រូ​ឈ្មោះ​ជីម​ ស្គីន​ណឺ (Jim Skinner)។ ក្រោយ​មក​ លោក​តា​ស្មល​ក៏​ផ្លាស់​ទៅ​តំបន់​មូលីន (Mullins) ដើម្បី​រក​ការ​ងារ​ធ្វើ​នៅ​ក្នុង​រោង​ចក្រ​ផលិត​បារី។ នៅទី​នោះ គាត់​រស់​នៅ​ និង​ធ្វើ​ការ​ជុំ​គ្នា​ជា​មួយ​លោក​ឪ​ពុក អ្នក​ម្ដាយ​ និង​បង​ប្អូន​។​

លោក​តាស្មល​ចូល​រៀន​បន្ត​នៅ​វិទ្យាល័យ​មូលីន (Mullins High School)។ រហូត​ដល់​​រៀន​ចប់​ថ្នាក់​ទី​៨​ គាត់​ក៏​ផ្លាស់​ទៅ​រស់​នៅ​ទី​ក្រុង​វ៉ាស៊ីនតោន​។ គាត់​ហែល​ឆ្លង​ជីវិត​ការ​ងារ​ជា​ច្រើន​កន្លែង​ទម្រាំ​​រក​បាន​ការ​ងារ​ជា​អចិន្ត្រៃយ៍​នៅ​ស្រុក​កូឡុំបៀ (District of Columbia)។ ​ក្រោយ​មក​ នៅ​អំឡុង​ទស​វត្ស​ឆ្នាំ​១៩៦០​ប្លាយ ​គាត់​​ក៏​ស្នើ​សុំ​គេ​ចូល​និវត្ត​ពី​ការ​ងារ​តែ​ម្ដង​​។ ពោល​គឺ​តាំង​ពី​ជំនាន់​លោក​ចន​អែហ្វ​កេណ្ណឺឌី​​កាន់​តំណែង​​ជា​ប្រធានា​ធិបតី​អាមេរិក (John F. Kennedy)​។

ចាប់​តាំង​ពី​ពេល​នោះ​មក​ លោក​តា​ស្មល​រស់​នៅ​ជួប​ជុំ​ជា​មួយ​ក្រុម​​គ្រួសារ​ដោយ​សារ​សេចក្ដី​សុខ​សប្បាយ​ជា​មួយ​ឃីន​នី និង​ឆ្កែ​មួយ​ក្បាល​​ឈ្មោះ​បេឡា (Bella)។ គាត់​ចូល​ចិត្ត​មើល​បាល់​ទាត់​, ប្រដាល់​, ខ្សែ​ភាពយន្ត​បស្ចិម​ប្រទេស​ និង​បរិ​ភោគ​​អាហារ​ដែល​ជួយ​ទ្រទ្រង់​សុខ​ភាព​។​​​ ​ឃីន​នី​ប្រាប់​ថា​លោក​តា​ស្មល​ក៏​ជា​មនុស្ស​​ប្រសព្វ​និយាយ​កំប្លែង​ផង​ដែរ​៕​

ប្រភព៖ UPI និង​ប្រភព​ដទៃ​ទៀត​
https://nbcmontana.com/news/offbeat/106-year-old-man-receives-honorary-diploma-from-georgetown-south-carolina-high-school-plantersville-mullins-marion-county-house-of-prayer-holiness-church-washington-dc-district-of-columbia
https://www.upi.com/Odd_News/2024/02/21/106-year-old-man-high-school-diploma-Fred-Allen-Smalls/9501708541891/

អត្ថបទសរសេរ ដោយ

កែសម្រួលដោយ