ADផ្ទាំងផ្សព្វផ្សាយពាណិជ្ជកម្ម

Picture

អ្នក​លក់​គ្រឿង​អេត​ចាយ​ក្លាយ​ជា​សេដ្ឋី​សង់​វិមាន​មាស​នៅ​វៀតណាម

1 ខែ មុន

ទី​ក្រុង​ហាណូយ៖ នេះ​ជា​រឿង​គួរ​ឱ្យ​ភ្ញាក់​ផ្អើល​មួយ​ដែល​អ្នក​លក់​គ្រឿ​ងអេត​ចាយ​​ម្នាក់វៀតណាម​ម្នាក់​អភិវឌ្ឍ​ខ្លួន​យ៉ាង​ឆាប់​រហ័ស​ក្លាយ​ជា​អ្នក​សល់​ប្រាក់​ច្រើន។​​ គ្រាន់​តែ​​​ចំណាយ​ប្រាក់​​​សង់​វិមាន​មាស​នៅ​​​វៀតណាម​​កណ្ដាល​​អស់​២,៨៥​លាន​ដុល្លារ​​។ ​មិន​មែន​មាន​ន័យ​ថា​​វិមាន​នេះ​ធ្វើ​ពី​មាស​សុទ្ធ​ទេ។ ​ប៉ុន្តែ​ប៉ាត​ទឹក​មាស់​ពី​ខាង​ក្រៅ​ជញ្ជាំង​ផ្នែក​ខ្លះ​​។ វិមាន​កម្ពស់​ជិត​៤០​ម៉ែត្រ​មួយ​ខ្នង​នេះ​សាង់​សង់​តាម​បណ្ដោយ​ផ្លូវ​ជាតិ​​​ខេត្ត​ញ៉ែ​អាន (Nghe An) និង​​ស្រោប​ជញ្ជាំង​​ដោយ​មាស​២៤​ខេ (24K)​​។…

ទី​ក្រុង​ហាណូយ៖ នេះ​ជា​រឿង​គួរ​ឱ្យ​ភ្ញាក់​ផ្អើល​មួយ​ដែល​អ្នក​លក់​គ្រឿ​ងអេត​ចាយ​​ម្នាក់វៀតណាម​ម្នាក់​អភិវឌ្ឍ​ខ្លួន​យ៉ាង​ឆាប់​រហ័ស​ក្លាយ​ជា​អ្នក​សល់​ប្រាក់​ច្រើន។​​ គ្រាន់​តែ​​​ចំណាយ​ប្រាក់​​​សង់​វិមាន​មាស​នៅ​​​វៀតណាម​​កណ្ដាល​​អស់​២,៨៥​លាន​ដុល្លារ​​។ ​មិន​មែន​មាន​ន័យ​ថា​​វិមាន​នេះ​ធ្វើ​ពី​មាស​សុទ្ធ​ទេ។ ​ប៉ុន្តែ​ប៉ាត​ទឹក​មាស់​ពី​ខាង​ក្រៅ​ជញ្ជាំង​ផ្នែក​ខ្លះ​​។ វិមាន​កម្ពស់​ជិត​៤០​ម៉ែត្រ​មួយ​ខ្នង​នេះ​សាង់​សង់​តាម​បណ្ដោយ​ផ្លូវ​ជាតិ​​​ខេត្ត​ញ៉ែ​អាន (Nghe An) និង​​ស្រោប​ជញ្ជាំង​​ដោយ​មាស​២៤​ខេ (24K)​​។

​លោក​ង្វៀន​វិញ​ធាន់ (Nguyen Vinh Thoan) អាយុ​៤៦​ឆ្នាំ​ជា​ម្ចាស់​វិមាន​មាស​​​បាន​ប្រើ​ប្រាស់​ពាក់​កណ្ដាល​នៃ​ដី​របស់​គាត់​ទំហំ​៧ពាន់​ម៉ែត្រ​ការ៉េ​​ដើម្បី​សាង​សង់​​​ចាប់​​ពី​​​​ខែ​កុម្ភៈ ឆ្នាំ​២០២២​ត​ទៅ។​​ ពោល​គឺ​​នៅ​ក្នុង​ខែ​តែ​មួយ​ ឆ្នាំ​តែ​មួយ​នឹង​​ការ​ផ្ទុះ​ឡើង​នៃ​សង្គ្រាម​អ៊ុយ​ក្រែន​។ ​​​វិមាន​នេះ​សាង​សង់​​ជិត​ចប់​​​ហើយ​​នៅ​ឡើយ​តែ​សង្គ្រាម​អ៊ុយក្រែន​ប៉ុណ្ណោះ​។ លោក​ង្វៀន​វិញ​ធាន់​ចំណាយ​​ថវិកា​ផ្ទាល់​ខ្លួន​​៧០​ពាន់​លាន​​ដុង​ ឬ​ជាង​២លាន ៨​សែន​ដុល្លារ​អាមេរិក​ដើម្បីសាង​សង់​។

​​លោក​ធាន់​ប្រាប់​ថា​គាត់​រៀប​ការ​តាំង​ពី​អាយុ​២២​ឆ្នាំ​ ហើយ​​​ចាប់​ដៃ​គ្នា​ពីរ​នាក់​ប្ដី​ប្រពន្ធ​រក​ស៊ី​​ទិញ​​លក់​​អេត​ចាយ (scrap metal)​។ ឆ្នាំ​២០០៤​ គាត់​​សន្សំ​លុយ​ទិញ​បាន​ដី​មួយ​កន្លែង​ជាប់​នឹង​ផ្លូវ​ជាតិ​៧​អា (7A) ​ដើម្បីទុក​បើក​​ឃ្លាំង​លក់​គ្រឿង​បន្លាស់​រថ​យន្ត​​។ ដោយ​សារ​មុខ​របរ​​ត្រូវ​ប៉ាន់​​​ គាត់​​​រក​ស៊ី​ចេះ​តែ​កាក់​កប​ដូច​ឡើ​ងកាំ​ជណ្ដើរ​។ ​ជា​​ច្រើន​ឆ្នាំ​​ហើយ ​គាត់​ពិ​គ្រោះ​ជា​មួយ​ប្រពន្ធ​​ដើម្បី​​សន្សំ​លុយ​សង់​វិមាន​មាស និង​ដើម្បី​​ឱ្យ​កូន​ចៅ​ជំនាន់​ក្រោយ​​ដឹង​ថា​ប៉ាម៉ាក់​របស់​​​គេ​រក​ឃើញ​​ទ្រនំ​សុភ​​មង្គល​​ឱ្យ​​​ពួក​គេ​។​

ពីរ​នាក់​ប្ដី​ប្រពន្ធនេះ​មាន​កូន​ប្រុស​ពីរ​នាក់ និង​កូន​ស្រី​ពីរ​នាក់​។ ពួកគេ​សុទ្ធ​តែ​ធ្វើ​ការ​នៅទី​ក្រុងហាណូយ​ទាំង​អស់​គ្នា​។ ​ងាក​មក​មើល​វិមាន​មាស​របស់​គាត់​វិញ​ម្ដង​។ ផ្ទៃ​ខាង​ក្រៅ​​តុប​តែង​លម្អ​ដោយ​ចម្លាក់​​​ និង​ក្បាច់​​ភ្ញី​​មាន​​រចនា​បទ​​ដ៏​ល្អ​វិចិត្រ​​​។​​ ផ្ទៃ​ខាង​ក្នុង​នៃ​សាល​ធំ​បៀក​ដោយ​ប្រាក់​ និង​មាស​។​ លោក​ធាន់​ប្រាប់​ថា​ចម្លាក់​នេះ​រៀប​ចំ​ដោយ​ជាង​​ជំនាញ​ៗ​​របស់​​វៀតណាម​​។

ជាន់​ទី​ពីរ​តុប​តែង​លម្អ​ដោយ​​​តុ​​ និង​កៅ​អី​ពីរ​ឈុត​ ​និង​មាន​​ច្រក​ទ្វារ​ចេញ​ទៅ​​អង្គុយ​មើល​ទេស​ភាព​​នៅ​វែរ៉ង់​ដា​ខាង​ក្រៅ​។ លោក​ធាន់​ប្រាប់​ថា​មូល​ហេតុ​ដែល​លោក​​បញ្ជា​ឱ្យ​សង់​ម៉ូត​នេះ​​ដើម្បី​យក​ខ្យល់​អាកាស​ និ​ងអង្គុយ​លំហែ​កាយ​នៅ​ពេល​មាន​អារម្មណ៍​ស្ត្រែស​នឹង​ការ​ងារ​។ ​ជាន់​នី​មួយ​ៗ​​​មាន​បន្ទប់​គេង​ និង​បន្ទប់​ទទួល​ភ្ញៀវ​ ដែល​មាន​ផ្ទៃ​ធំ​ទូលាយ​ និង​មាន​ច្រក​ចេញ​។

នៅ​លើ​ផ្ទៃ​ខាង​ក្រៅ​​កម្ពស់​ពីរ​ម៉ែត្រ​នៃ​អគារ​នេះ​តុប​តែង​ដោយ​ចម្លាក់​ និង​ក្បាច់​បុរាណ​ព័ទ្ធ​ជុំ​វិញ​ត្រពាំង​ចិញ្ចឹម​ត្រី​​។ នៅ​ក្នុង​សួន​ច្បារ​មាន​​រៀប​ចំ​តុ​ថ្ម​។ តាម​មើល​ទៅ​ មិន​យូរ​ទេ​យ៉ាង​ខ្លាំង​ត្រឹម​តែ​​៦ ឬ​៨​​ខែ​ទៀត​​អាច​សាង​សង់​រួច​រាល់​ទាំង​ស្រុង​។​ ​មន្ត្រី​ថ្នាក់​មូល​ដ្ឋានម្នាក់​នៅ​ស្រុក​ភូមិ​ដែល​លោក​ធាន់​រស់​នៅ​ប្រាប់​ថា​វិមាន​​នេះ​​ស៊ី​ដាច់​គេ​នៅ​ក្នុង​ឃុំ​​​ទាំង​​ទំហំ​ និង​រចនា​បទដ៏​គួរ​ឱ្យ​ទាក់​ទាញ​។​ ​គ្រួសារ​លោក​ធាន់​មាន​ជីវភាព​ធូរ​ធារ​ដោយ​សារ​ពួកគេ​ចាប់​យក​មុខ​របរ​ត្រូវ​តាម​កាលៈ​ទេសៈ​​។ ​មុខ​របរ​​​ទិញ​​លក់​គ្រឿង​បន្លាស់​រថ​យន្ត​របស់​គាត់​អាច​ជួយ​ផ្ដល់​ការ​ងារ​រាប់​សិប​កន្លែង​សម្រាប់​អ្នក​រស់​នៅក្នុង​ឃុំ​នេះ និង​នៅ​កន្លែង​ដទៃ​ទៀត​៕​

ប្រភព៖ Vietnam Express
https://e.vnexpress.net/photo/news/scrap-dealer-builds-2-85m-gold-plated-castle-in-central-vietnam-4714928.html

អត្ថបទសរសេរ ដោយ

កែសម្រួលដោយ