«បុណ្យមាឃបូជា» មានពុទ្ធបរិស័ទជាង៧ពាន់នាក់បានទៅគោរពនិងព្យាបាលជំងឺនៅវត្តសុត
ខេត្តកំពង់ឆ្នាំង ៖ កាលពីថ្ងៃ១៥ កើតខែមាឃ ឆ្នាំថោះ បញ្ចសក័ ព.ស ២៥៦៧ ត្រូវនឹងថ្ងៃទី២៤ ខែកុម្ភៈ…
ខេត្តកំពង់ឆ្នាំង ៖ កាលពីថ្ងៃ១៥ កើតខែមាឃ ឆ្នាំថោះ បញ្ចសក័ ព.ស ២៥៦៧ ត្រូវនឹងថ្ងៃទី២៤ ខែកុម្ភៈ ឆ្នាំ ២០២៤ មានពុទ្ធបរិស័ទ ប្រមាណ៧ពាន់នាក់មកពីបណ្ដាខេត្តនានា និងខេត្តកំពង់ឆ្នាំង បាននាំគ្នាសម្រុកទៅវត្តចន្ទប្បជោត្តនារាម ហៅវត្តសុត ដើម្បីឲ្យព្រះអង្គព្យាបាលជំងឺ ក៏ដូចជាចូលរួមក្នុងពិធីបុណ្យមាឃបូជាផងដែរ ។
ចាប់ពីម៉ោង៧ព្រឹកថ្ងៃទី២៤ ខែកុម្ភៈ មានពុទ្ធបរិស័ទបានសម្រុកទៅជាច្រើនសំដៅទៅវត្តតាសុតនៅក្នុងភូមិប៉ាតឡាង ឃុំក្រាំងលាវ ស្រុករលាប្អៀរ ដើម្បីរង់ចាំឲ្យព្រះអង្គបក់ផ្លិតព្យាបាលជំងឺតាមជំនឿ ក៏ដូចជាចូលរួមបុណ្យបបុណ្យ មាឃបូជា ដែលពុទ្ធបរិស័ទប្រទេសតែងប្រារព្ធឡើងនៅយប់ថ្ងៃទី១៥កើត ខែមាឃ ជារៀងរាល់ឆ្នាំ ។
យោងតាមរបាយការណ៍របស់អធិការនគរបាលស្រុករលាបៀរបានឲ្យដឹងថា ចាប់តាំងពីម៉ោង៧ព្រឹក រហូតដល់ម៉ោង៣រសៀលថ្ងៃទី២៤ ខែកុម្ភៈ មានពុទ្ធបរិស័ទចូលទៅវត្តហៅវត្តសុតចំនួនប្រមាណ៧៣០០នាក់ (ភ្ញៀវមានចំនួនច្រើនជាងនេះ ព្រោះខ្លះបានសម្រុកនៅពេលរសៀលនិងយប់) ។
របាយការណ៍ដដែលបានបញ្ជាក់ថា ក្នុងនោះរថយន្តតូចធំមានចំនួន៥២៧គ្រឿង ម៉ូតូ៦៧គ្រឿង កង់ ៣៣៥គ្រឿង ។
អ្វីដែលជាទីចាប់អារម្មណ៍ ពុទ្ធបរិស័ទដែលមានចំនួនយ៉ាងច្រើនក្រៃលែងបានអង្គុយដាក់ភ្លើងទៀនពីមុខតាមជួរមានរបៀបរៀបរយរង់ចាំព្រះអង្គច័ន្ទមុនី បក់ផ្លិត ព្យាបាលជំងឺ ប៉ុន្តែក្រោយពីគោរពកិច្ចបែបព្រះពុទ្ធសាសនានៃបុណ្យមាឃបូជារួចហើយព្រះអង្គចាន់មុន្នីក៏បានសូត្រកិច្ច តាមឧឃោសនៈស័ព រួចក៏បាញ់កាំជ្រួច បង្ហោះគោម ដែលជាកម្មវិធីត្រូវបានបញ្ចប់ ដោយគណៈកម្មាធិការបានបញ្ជាក់ថា ព្រះអង្គមិនបាននិមន្តបក់ផ្លិតជូនបងប្អូនប្រជាពលរដ្ឋទេ ព្រោះពុទ្ធបរិស័ទច្រើនពេក ។ ព្រះអង្គក៏បានប្រោសព្រំតាមឧឃោសស័ពរួចហើយដែរ ។
ពុទ្ធបរិស័ទដែលបានទៅក្នុងថ្ងៃបុណ្យមាឃបូជា ដើម្បីព្យាបាលជំងឺមានមកពីខេត្តតាកែវ ព្រៃវែង ស្វាយរៀង កំពង់ចាម កំពង់ស្ពឺ កំពង់សោម ដែលសុទ្ធសឹងតែរថយន្តឈ្នួល ខ្លះរថយន្តជាប់ខ្លួន បាននាំគ្នាវិលត្រឡប់ទៅផ្ទះវិញដោយនាំយកនូវទឹកសុទ្ធប្រេងក្រឡា ប្រេងខ្យល់ ដែលពួកគាត់បានដាក់ពីមុខពួកគាត់ដើម្បីទទួលមន្តព្រះអង្គបក់ផ្លិតក្នុងគោលបំណងយកទៅព្យាបាលជំងឺរៀងៗខ្លួន ៕
ចែករំលែកព័តមាននេះ