ADផ្ទាំងផ្សព្វផ្សាយពាណិជ្ជកម្ម

Picture

​ប្រទះ​ឃើញ​ស.ព​ស្ត្រី​ម្នាក់​អណ្ដែ.ត​ទឹក​ទន្លេ ខណៈសមត្ថកិច្ចប្រកាសរកសាច់ញាតិ

1 ខែ មុន
  • ភ្នំពេញ

រាជធានីភ្នំពេញ ៖ មានការ​ភ្ញាក់ផ្អើល​មួយ​បាន​កើតឡើង បន្ទាប់​ពី​ប្រជាពលរដ្ឋ​បាន​ប្រទះ​ឃើញ​ស.ព​

រាជធានីភ្នំពេញ ៖ មានការ​ភ្ញាក់ផ្អើល​មួយ​បាន​កើតឡើង បន្ទាប់​ពី​ប្រជាពលរដ្ឋ​បាន​ប្រទះ​ឃើញ​ស.ព​ស្ត្រី​វ័យ​ចំណាស់​ម្នាក់​អណ្ដែត​ទឹក​នៅ​មាត់ច្រាំង​ទន្លេ​ និង​នាំ​គ្នា​រាយការណ៍​ទៅ​សមត្ថកិច្ច​ភ្លាម​​ៗ ដើម្បីស្រង់សពឡើងលើគោក ។​

ហេតុការណ៍ខាងលើនេះ​កាលពី​វេលា​ម៉ោង​៩​និង​៥០​នាទី​យប់​ថ្ងៃ​ទី​២៥ ខែកុម្ភៈ ឆ្នាំ​២០២៤ ក្នុង​សង្កាត់​ច្រាំង​ចម្រេះ​ទី​២ ខណ្ឌឫស្សីកែវ រាជធានី​ភ្នំពេញ​ ។

​តាម​ប្រភព​ព័ត៌មាន​ពី​ប្រជាពលរដ្ឋ​ដែល​ជា​អ្នក​នេសាទត្រី​​ពេល​យប់​បានឱ្យ​ដឹង​ថា​ មុន​ពេល​កើតហេតុ​ គាត់​បាន​ទៅ​នេសាទ​ត្រី​នៅ​លើ​ដង​ទន្លេ​ក្បែរ​ច្រាំង ដោយ​ធ្វើការ​ដាក់​មង បង់សំណាញ់​តាម​ធម្មតា ដូច​សព្វមួយ​ដង ។ តែ​យប់​នេះ​កំពុង​តែ​ឆួល​ពិល​រក​ត្រី ស្រាប់តែ​ប្រទះ​ឃើញ​ស.ព​ស្ត្រី​ចំណាស់​ម្នាក់ ពេល​នោះ​ស្ត្រី​ដែល​ជា​ប្រពន្ធ​អ្នកនេសាទ​បាន​ប្រាប់​ប្ដី​ឱ្យ​ជិះទូក​ទៅ​ជិត​ស.ព​នោះ ហើយ​នាំ​គ្នា​ពិនិត្យ​មើល​ឱ្យ​ច្បាស់​ក៏​ឃើញ​ថា សព​ស្ត្រី​ចំណាស់​ខាងលើ​មាន​ពាក់​វែ​នតា អាវ​ផ្កា​ពណ៌​ខៀវ លា​យស​ខ្មៅ ស្លៀកខោ​ពណ៌​ខ្មៅ និង​មានពាក់​​ស្រោមជើង​ខ្លី​ពណ៌​ខ្មៅ ព្រមទាំង​មាន​ចងក្រមា​នៅ​ចង្កេះ​ផង​ដែរ​។

អ្នក​ឃើញ​ហេតុការណ៍​បាន​បន្ត​ថា បន្ទាប់ពីប្រទះឃើញ​ដូច្នេះ​ ពួក​គាត់​បាន​នាំ​គ្នា​ទៅ​រាយការណ៍​ជូន​សមត្ថកិច្ច​ភ្លាម​ៗ ហើយ​ក៏​នាំ​គ្នា​សណ្ដោង​ស.ព​ឡើង​មក​ច្រាំង រួច​ដាក់​សព​លើ​កន្ទេល ដោយ​ខ្លះ​ទៀត​នាំ​គ្នា​ដុត​ធូប និង​ប្រគល់​សព​ជូន​សមត្ថកិច្ច​ដើម្បី​ធ្វើ​កោសល្យ​វិ​ច្ឆ័​យ​តាម​ជំនាញ​។

ក្រោយ​ទទួល​ព័ត៌មានខាងលើ​​នេះ​ភ្លាម ​មន្ត្រី​មូលដ្ឋាន​បាន​ចុះ​មក​ដល់ទី​តាំង​កើតហេតុ និង​ធ្វើការ​ទាក់ទង​ទៅ​កាន់​សមត្ថកិច្ច​ជំនាញ​ខាង​កោសល្យ​វិ​ច្ឆ័​យ​ដើម្បី​ធ្វើការ​ត្រួតពិនិត្យ រក​មូលហេតុ​នៃ​ការ​​បាត់បង់ជីវិត​របស់​ស្ត្រី​ចំណាស់​ខាងលើ​។ បន្ទាប់​ពី​ត្រួតពិនិត្យ​រួច​ មន្ត្រី​ជំនាញ​បាន​អះអាង​ថា ស្ត្រី​ចំណាស់​រងគ្រោះខាងលើ​ខាងលើ ពិតជា​បាន​ស្លា.ប់​ដោយសារ​ល.ង់ទឹក ។

បច្ចុប្បន្ន ស.ពស្ត្រីចំណាស់រងគ្រោះ ត្រូវបានសមត្ថកិច្ច​​យក​ទៅ​តម្កល់​ទុកនៅ​វត្ត​ទួល​អស់លោក​ រង់ចាំ​សាច់ញាតិ​មក​ទទួលយក​ទៅ​ធ្វើបុណ្យ​តាម​ប្រពៃណី ។ បើសិន​ជា​បងប្អូន​​បាត់​សាច់ញាតិ​ដែលមិន​ភិនភាគ​ដូច​​ការរៀបរាប់ខាងលើនេះ សូម​អញ្ជើញ​ទៅ​ពិនិត្យ​មើល​នៅ​វត្ត​ទួល​អស់លោក ដែល​​ស្ថិត​នៅ​ក្នុង​ខណ្ឌឫស្សីកែវ ​រាជធានីភ្នំពេញ ៕

អត្ថបទសរសេរ ដោយ

កែសម្រួលដោយ