អ្នកដំណើរលើយន្តហោះម្នាក់បានប្រាប់ DailyMail ថា បុគ្គលិកនៅលើយន្តហោះបានកំណត់អត្ត សញ្ញាណម្ចាស់វ៉ាលិស ដែលមានត្រីស្អុយរលួយដែលជាប្រភពនៃហ្វូងដង្កូវ ហើយបានឃាត់ខ្លួនអ្នកដំណើររូបនោះ ។ វាមិនច្បាស់ថា តើម្ចាស់ត្រី​ត្រូវបានផាកពិន័យ ឬក៏មានចំណាត់ការណាមួយនោះទេ ។

ប៉ុន្តែអ្នកដំណើរលើយន្តហោះ ដែលជួបហេតុការណ៍ត្រូវបានក្រុមហ៊ុនអាកាសចរណ៍ Delta ផ្តល់សំណងជំងឺចិត្ត សម្រាប់ការធ្វើដំណើរតាមយន្តហោះ​៨០០០ម៉ាយដោយឥតគិតថ្លៃ សំណងបន្ទប់​សណ្ឋាគារ និងគូប៉ុងអាហារ៣០ដុល្លារម្នាក់ ប្រសិនបើពួកគេត្រូវខកជើង​យន្តហោះរយៈ​ពេលមួយយប់នោះ ប៉ុន្តែការហោះហើរថ្មីត្រូវបានរៀបចំរួចរាល់រយៈពេល៣ម៉ោងក្រោយ ។

វាមិនមែនជាលើកទីមួយទេ ដែលក្រុមហ៊ុនអាកាសចរណ៍មួយនេះ ជួបបញ្ហាប្លែកៗ​កាលពីខែមុន យន្តហោះ Boeing របស់ក្រុមហ៊ុនអាកាសចរណ៍ Delta បានរបូតដាច់កង់មុខ ។ ក្នុងខែពីខែធ្នូ យន្ត​ហោះមួយគ្រឿង របស់ក្រុមហ៊ុន Deltaជួបហេតុការណ៍ហួសចិត្តជាយ៉ាងខ្លាំង ក្រោយពីក្មេងស្រីម្នាក់ដែលជិះលើយន្តហោះជាមួយក្រុមគ្រួសារ បែកអាចម៍ស្អុយពេញ យន្តហោះធ្វើឱ្យអ្នកដំណើរទាំងអស់ ទ្រាំបិទច្រមុះ និងហិតក្លិនស្អុយទម្រាំយន្តហោះដល់គោលដៅនិងចុះចត។

នៅថ្ងៃបុណ្យណូអែល ជើងហោះហើរ Delta ពីទីក្រុង Birmingham រដ្ឋ Alabama ទៅកាន់ទីក្រុង Atlanta រដ្ឋ Georgia ក្មេងស្រីអាយុប្រាំបីឆ្នាំម្នាក់បានលេចអាចដាក់ខោ នៅពេលយន្តហោះចេញដំណើរបានប្រហែល២០នាទីប៉ុណ្ណោះ ហើយក្លិនលាមករបស់ក្មេងស្រីនោះបានសាយភាយពាសពេញយន្តហោះ។ ក្រោយពេលយន្តហោះចុះចត អ្នកដំណើរបានឃើញលាមកប្រលាក់ពាសពេញកៅអីនិងកម្រាលយន្តហោះ៕ អត្ថបទ៖អោម ចែតច័ន្ទណារ៉ា