ខេត្តកំពត ៖ នគរបាលគ្រប់ប៉ុស្តិ៍ទាំង៩៣ឃុំ ក្នុងស្រុក និងក្រុងទាំង៩ក្នុងខេត្តកំពត កាលពីព្រឹកថ្ងៃទី១៧ ខែកុម្ភៈ ឆ្នាំ២០២៤ បានចុះទៅសំដៅទីតាំង ដែលក្រុមហ៊ុនជួលផ្ទះប្រជាពលរដ្ឋ…
ខេត្តកំពត ៖ នគរបាលគ្រប់ប៉ុស្តិ៍ទាំង៩៣ឃុំ ក្នុងស្រុក និងក្រុងទាំង៩ក្នុងខេត្តកំពត កាលពីព្រឹកថ្ងៃទី១៧ ខែកុម្ភៈ ឆ្នាំ២០២៤ បានចុះទៅសំដៅទីតាំង ដែលក្រុមហ៊ុនជួលផ្ទះប្រជាពលរដ្ឋ ឬតូបលក់ដូរដាក់ល្បែ.ងស៊ីសងអនឡាញ មានឆ្នោតឡូតូជល់មាន់នោះ ត្រូវបាននគរបាលមូលដ្ឋានចុះធ្វើកិច្ចសន្យាជាមួយម្ចាស់ផ្ទះអោយបញ្ឃប់ជាបន្ទាន់ ។
នៅឃុំស្ដេចគង់ខាងលិច ស្រុកបន្ទាយមាស មានដាក់ល្បែងអនឡាញតាមតូប លក់ដូរចំនួន៧កន្លែង ត្រូវបាននគរបាលចុះធ្វើកិច្ចសន្យាបញ្ឃប់រួចរាល់អស់ហើយ ។
លោកវរសេនីយឯក នាក់ ឌឹម អធិការនគរបាលស្រុកបន្ទាយមាសបានប្រាប់អោយដឹង កាលពីរសៀលថ្ងៃទី១៧ ខែកុម្ភៈ ឆ្នាំ២០២៤ថានគរបាលកំពង់ចុះពិនិត្យ និងធ្វើបច្ចុប្បន្នភាព មានប៉ុន្មានកន្លែងទីតាំង ។
រីឯលោកវរសេនីយឯកហ៊ន ប៊ុនស៊ីដេត អធិការនគរបាលស្រុកអង្គរជ័យបាននិយាយថា ចំនួនដាក់ល្បែ.ងស៊ីសងតាមអនឡាញតាមតូបលក់ដូរ លោកមិនផ្ដល់អោយអ្នកកាសែតដឹងចំនួនទេ តែបើមានលេងលោកនឹងបញ្ជាអោយទៅចាប់ ។
ចំណែកឯស្រុកដងទង់ មានល្បែងអនឡាញជាង១០០កន្លែង តែត្រូវបាននគរបាលដើរប្រាប់អោយបញ្ឃប់អស់ហើយ ។ ចំណែកឯលោកវរសេនីយឯក ប៉ាយ៉ា អធិការនគរបាលស្រុកឈូកមិនអាចធ្វើការទំនាក់ទំនងបាន កាលពីរសៀលថ្ងៃទី១៧ ខែកុម្ភៈ ឆ្នាំ២០២៤នេះ ។
លោកវរសេឯកមី សុខុម អធិការនគរបាលស្រុកជុំគីរី និយាយប្រាប់អោយដឹងថា ស្រុកជុំគីរីមានល្បែងដាក់តាមអនឡាញនេះ មានតែ៧កន្លែងទេ តែបានឈប់អស់ហើយ ។
លោកវរសេនីយឯក សូរ ប៊ុនធឿន អធិការនគរបាលស្រុកទឹកឈូបាននិយាយប្រាប់អោយដឹងថា ចំនួនទីតាំងដាក់អនឡាញមិនទាន់ដឹងចំនួនទេ ព្រោះនគរបាលកំពុងចុះធ្វើកំណត់ហេតុ ។
ចំណែកឯលោកវរសេនីឯក សេង សុគន្ធ ចាត់អធិការនគរបាលស្រុកកំពង់ត្រាច និយាយថា ល្បែ.ងតាមអនឡាញទាំងនោះ ត្រូវបានគេឈប់ខ្លួនគេអស់ហើយ ។ លោកវរសេនីយឯក រូបនោះនិយាយថា ចំនួនអនឡាញដាក់តាមទីប្រជុំជននោះមិនដឹងប៉ុន្មានកន្លែងនោះទេ ។ ប៉ុន្តែបើតាមការអោយដឹងពីមន្ត្រីនគរបាលនិយាយថា គ្រាន់តែក្នុងភូមិសាស្ត្រ ឃុំបឹងសាលាខាងជើងមួយ មានល្បែ.ងអនឡាញ ដាក់តាមតូបលក់ដូរ ចំនួន១៥កន្លែង ។
ដោយឡែកលោកវរសេនីយឯក ហោវណ្ណា អធិការនគរបាលក្រុងកំពតបាននិយាយប្រាប់អោយដឹងថា ល្បែ.ងអនឡាញនៅក្រុងកំពតមានប្រហែល២០កន្លែង តែបិតអស់ហើយ ។ និងលោកវរសេនីយឯកព្រាបសាមិត្ត អធិការនគរបាលក្រុងបូកគោនិយាយប្រាប់អោយដឹងថា ល្បែ.ងអនឡាញ នៅក្រុងបូកគោ មាន៧កន្លែង តែពួកអ្នកលេងឈប់លេងយូរហើយ ព្រោះអត់លុយ ៕
ចែករំលែកព័តមាននេះ