រាជធានីភ្នំពេញ ៖ ការចិញ្ចឹមកូនឱ្យឆ្លាត និងមានសុខភាពល្អ គឺជារឿងសំខាន់ ប៉ុន្តែវារឹតតែសំខាន់ក្នុងការចិញ្ចឹមកូនឱ្យមានសន្តានចិត្តល្អ អត់ឱន និងមិនខ្លាចក្នុងការប្រកាន់យកនូវអ្វីដែលត្រឹមត្រូវ ។ ប៉ុន្តែ…
រាជធានីភ្នំពេញ ៖ ការចិញ្ចឹមកូនឱ្យឆ្លាត និងមានសុខភាពល្អ គឺជារឿងសំខាន់ ប៉ុន្តែវារឹតតែសំខាន់ក្នុងការចិញ្ចឹមកូនឱ្យមានសន្តានចិត្តល្អ អត់ឱន និងមិនខ្លាចក្នុងការប្រកាន់យកនូវអ្វីដែលត្រឹមត្រូវ ។ ប៉ុន្តែ តើឪពុកម្តាយអាចចាប់ផ្តើមចែករំលែកតម្លៃដ៏ធំបែបនេះទៅកាន់កូនតូចដោយរបៀបណា ? នៅពេលនិយាយដល់ការបង្រៀនកូនតូចៗអំពីការធ្វើមិត្តដ៏ល្អ ការប្រឆាំងនឹងការធ្វើបាប និងក្រោកឈរឡើងសម្រាប់អ្វីដែលត្រឹមត្រូវ ក៏ជាមេរៀនចាំបាច់ ដែលឪពុកម្តាយគួរដាំគ្រាប់ពូជនេះដោយសន្សឹមៗ ។ ចូរធ្វើឱ្យខួរក្បាលតូចរបស់ពួកគេកាន់តែបើកចំហ ចំពោះមេរៀនដែលអ្នកកំពុងព្យាយាមបង្រៀន ។
១. ដើរតួ ៖ ប្រើតុក្កតា ដើម្បីធ្វើសកម្មភាព ។ ឧទាហរណ៍ អ្នកអាចឱ្យតុក្កតាធ្វើអ្វីដែលគេអាចធ្វើបាន ប្រសិនបើពួកគេឃើញមិត្តម្នាក់មិនពេញចិត្ត ឬរើសអើងពណ៌ស្បែកខ្មៅរបស់ពួកគេ ។ ដើរតួកាន់តែច្រើន វាជាមេរៀនជីវិតដ៏សំខាន់សម្រាប់កូនរបស់អ្នក ហើយគេនឹងរៀនលឿនជាងមុននូវអ្វីដែលត្រូវ និងខុស ។ ពួកគេនឹងចងចាំវា ហើយធ្វើរឿងត្រឹមត្រូវនាពេលអនាគត ។
២. ប្រាប់រឿង ៖ អ្នកអាចបង្កើតរឿងនិទានផ្ទាល់ខ្លួនរបស់អ្នក ដើម្បីបង្រៀនកូនអំពីរបៀបដែលការប្រព្រឹត្តចំពោះអ្នកដទៃដោយអយុត្តិធម៌ គឺខុស ឬអំពីសារៈសំខាន់នៃការនិយាយចេញមក នៅពេលអ្នកឃើញនរណាម្នាក់ត្រូវបានគេធ្វើបាប ។
៣. អានសៀវភៅចម្រុះ ៖ សៀវភៅ គឺជាការចាប់ផ្តើមការសន្ទនាដ៏អស្ចារ្យ ។ ទិញសៀវភៅឱ្យបានច្រើនឱ្យកូនអាន ហើយចាប់ផ្តើមការពិភាក្សាសមស្របតាមអាយុអំពីការធ្វើបាប ការបំពាន និងការរើសអើងជាតិសាសន៍ និងការរើបម្រាស់ ការប្រឆាំងតបការជាមួយកូនរបស់ពួកគេ ។
៤. មើលអ្នកដទៃធ្វើបានល្អ ៖ នៅពេលអ្នកឃើញអ្នកដទៃជាមិត្តភក្តិល្អ សូមចង្អុលបង្ហាញ
ប្រាប់កូនអ្នក ។ នេះមិនមែនជាការបង្រៀនធំដុំទេ គ្រាន់តែជាមតិធម្មតាខ្លះៗអំពីអ្វីដែលអ្នកឃើញមនុស្សធ្វើនៅក្នុងសៀវភៅ ទូរទស្សន៍ ឬក្នុងជីវិតពិត ។
៥. យកគំរូតាមអាកប្បកិរិយាដែលអ្នកចង់ឃើញ ៖ ឪពុកម្តាយ គឺជាវីរបុរសដ៏ធំបំផុតរបស់ក្មេងៗ ពួកគេចង់ធ្វើដូចអ្នក ។ នោះហើយជាមូលហេតុដែលវាមានសារៈសំខាន់ខ្លាំងណាស់ដែលសកម្មភាពរបស់អ្នកអាចបង្រៀនកូននូវរឿងជាច្រើន ។ អនុញ្ញាតឱ្យកូនរបស់អ្នកមើលឃើញសកម្មភាពល្អៗរបស់អ្នក ហើយចូលរួមក្នុងសកម្មភាពនោះ ។
៦. កុំខ្មាសអៀនពីការពិភាក្សាដ៏លំបាក ឬតានតឹង ៖ ចូរពិភាក្សាជាមួយកូនអ្នក អំពីរឿងរ៉ាវរសើប ឬភាពខុសប្លែករបស់កូនអ្នកជាមួយគ្នា ។ ឧទាហរណ៍ ជំនួសឱ្យការគិតថា កូនជាមនុស្សខុសគេ ឬប្លែកពីគេ ចូរនិយាយថា តើភាពខុសគ្នាទាំងនេះអស្ចារ្យ និងពិសេសប៉ុនណា ៕ ប្រភព ៖ happiestbaby
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។ វគ្គសិក្សាថ្មីចូលរៀនថ្ងៃទី ២៩ ខែមករា ឆ្នាំ ២០២៤ ខាងមុខនេះ ។ សាលារៀនផ្តល់ជូនអាហារូបករណ៍រហូតដល់ ៤០% និងធានារ៉ាប់រងគ្រោះថ្នាក់ បុត្រធីតា និងការការពារសិក្សារហូតដល់ ៥ ឆ្នាំ ។
លើពីនេះ សាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ