មានការផ្ទុះយ៉ាងតិច៤លើកកើតមានកាលពីថ្ងៃទី៣០ ឧសភា ក្នុងទីក្រុងហេរ៉ាតរបស់អាហ្វហ្គានីស្ថាន ស្ថិតនៅចម្ងាយ៦៤០គីឡូម៉ែត្រខាងលិចក្រុងកាប៊ុលដែលបណ្តាលឱ្យមនុស្សស្លាប់ និងរបួសជាង៣០នាក់។
ពួកតាលីបង់បានវាយប្រហារមូលដ្ឋានយោធាមួយក្រោមបញ្ជាការរបស់អ៊ីតាលីនៅក្រុងហេរ៉ាតជាទីក្រុងធំមួយនៅភាគខាងលិចប្រទេសបណ្តាលឱ្យស្លាប់ជនស៊ីវិល៤នាក់ ហើយមនុស្ស២៧នាក់ទៀតត្រូវរបួស ក្នុងនោះរួមមានប៉ូលិស និងជនស៊ីវិល។
ពួកវាយប្រហារមួយក្រុមក្នុងនោះមានពួកជនអត្តឃាតផងបានធ្វើការវាយលុកលើមូលដ្ឋានយោធានេះដំណាលគ្នាដោយរថយន្តបង្កប់គ្រឿងផ្ទុះមួយបានផ្ទុះនៅកណ្តាលមូលដ្ឋាន។ ការវាយប្រហារអត្តឃាតមួយទៀតតាមរយៈរថយន្តបង្កប់គ្រឿងផ្ទុះដែរកើតមាននៅច្រកចូលមូលដ្ឋាន ចំណែកពួកជនប្រដាប់អាវុធ៣នាក់ស្ថិតក្នុងអគារជិតខាងមួយបានបាញ់ប្រហារដែលមានរយៈពេលជាច្រើនម៉ោង។ មនុស្សទាំង៣នាក់នេះបានត្រូវសម្លាប់។ ក្រៅពីពួកវាយប្រហារប៉ូលិសរៀបរាប់ពីមនុស្សស្លាប់៤នាក់ និងរបួស៣៧នាក់ដែលសុទ្ធតែជាជនសីុវិល។ ជនឈ្មោះការី យូស៊ូហ្វ អាហ៍ម៉ាឌី អ្នកនាំពាក្យរបស់ពួកតាលីបង់ដែលប្រកាសពីការវាយប្រហារនោះអះអាងថា មានការវាយប្រហារអត្តឃាត៤ត្រូវធ្វើ ៕
ចែករំលែកព័តមាននេះ