ខេត្តព្រៃវែង ៖ ក្របី៥៦ក្បាល ជិះលើរថយន្តយីឌុបកន្ទុយវែងមួយគ្រឿង បានក្រឡាប់បណ្តាលឱ្យខ្លះខ្ទាតចេញពីទ្រុង ខ្លះស្រងល់ និងងាប់៥ក្បាល កាលពីវេលាម៉ោង៤និង៣០នាទីទៀបភ្លឺថ្ងៃទី៣១ ឧសភា ២០១១ លើកំណាត់ផ្លូវជាតិលេខ១១ត្រង់ចំណុចផ្លូវកែង ស្ថិតក្នុងភូមិពាមកោះ ឃុំពាមរក៍ ស្រុកពាមរក៍
ខេត្តព្រៃវែង ៖ ក្របី៥៦ក្បាល ជិះលើរថយន្តយីឌុបកន្ទុយវែងមួយគ្រឿង បានក្រឡាប់បណ្តាលឱ្យខ្លះខ្ទាតចេញពីទ្រុង ខ្លះស្រងល់ និងងាប់៥ក្បាល កាលពីវេលាម៉ោង៤និង៣០នាទីទៀបភ្លឺថ្ងៃទី៣១ ឧសភា ២០១១ លើកំណាត់ផ្លូវជាតិលេខ១១ត្រង់ចំណុចផ្លូវកែង ស្ថិតក្នុងភូមិពាមកោះ ឃុំពាមរក៍ ស្រុកពាមរក៍ ។ គ្រោះថ្នាក់នេះមិនបណ្តាលឱ្យមនុស្សណាម្នាក់រងរបួសធ្ងន់ទេ ប៉ុន្តែមានការខូចខាតធ្ងន់ធ្ងរគួរសម ព្រោះរថយន្តក៏ខូច ក្របីក៏ងាប់ ។
រថយន្តនេះពាក់ស្លាកលេខ ភ្នំពេញ 3B-3387 ធ្វើដំណើរចេញពីខេត្តកំពង់ចាម ឆ្លងកាត់ខេត្តព្រៃវែង ឆ្ពោះទៅខេត្តស្វាយរៀង ត្រូវបានគេសន្និដ្ឋានថា បើកលឿន ដើម្បីឱ្យឆាប់បានទៅដល់គោលដៅ លុះដល់ផ្លូវបត់ (កែង) រថយន្តចាក់កួរខ្លាំងពេក ក៏បណ្តាលឱ្យក្រឡាប់…មកដល់ពេលព្រឹកថ្ងៃដដែល គេឃើញខាងក្រុមហ៊ុនជួញដូរក្របីបានយករថយន្តទៅផ្ទេរក្របីដឹកបន្តទៅមុខទៀត និងស្ទូចរថយន្តដែលក្រឡាប់យកទៅជួសជុល ។
ព័ត៌មានលម្អិតនឹងផ្សាយជូននៅពេលក្រោយ និងនៅលើទំព័រកាសែតកោះសន្តិភាព .
ចែករំលែកព័តមាននេះ