ADផ្ទាំងផ្សព្វផ្សាយពាណិជ្ជកម្ម

Picture

អ៊ីស្រាអែល​រំដោះ​ចំណាប់​ខ្មាំង២​នាក់​ក្នុង​យុទ្ធ​នា​ការ​វា.យ​ឆ្មក់​យប់មិញ

2 អាទិត្យ មុន

ទី​ក្រុង​យេរូសាឡឹម៖ អ៊ីស្រាអែល​ថ្លែង​ថា​ខ្លួន​រំដោះ​បាន​​ចំណាប់​ខ្មាំង​ពីរ​នាក់​កាល​ពី​ព្រឹក​មិញ​នៅ​ក្នុង​យុទ្ធ​នា​ការ​វាយ​ឆ្មក់​មួយ​ទៅ​លើ​មូល​ដ្ឋាន​របស់​ក្រុម​ហាម៉ាស់​​នៅ​តំបន់​រ៉ាហ្វា (Rafah)។ ចំណាប់​ខ្មាំង​ម្នាក់​អាយុ​៦០​ឆ្នាំ​ និង​ម្នាក់​ទៀត​អាយុ​៧០​ឆ្នាំ​​​ត្រូវ​ក្រុម​ហាម៉ាស់​ចាប់​យក​ទៅ​បង្ខាំង​ទុក​អស់​រយៈ​ពេល​១២៨​ថ្ងៃ​​​មក​ហើយ​​ចាប់​តាំង​ពី​ថ្ងៃ​ទី​៧ ខែ​តុលា ឆ្នាំ​២០២៣​។​ ពួក​គាត់​មាន​សុខ​ភាព​ល្អ​ជា​ធម្ម​តា​​​ ​ហើយ​​ត្រូវគេ​បញ្ជូន​ទៅ​មន្ទីរ​ពេទ្យ​ភ្លាម​ៗ​។ នេះ​បើ​យោង​តាម​ការ​បញ្ជាក់​របស់​កង​ទ័ពអ៊ីស្រាអែល​។…

ទី​ក្រុង​យេរូសាឡឹម៖ អ៊ីស្រាអែល​ថ្លែង​ថា​ខ្លួន​រំដោះ​បាន​​ចំណាប់​ខ្មាំង​ពីរ​នាក់​កាល​ពី​ព្រឹក​មិញ​នៅ​ក្នុង​យុទ្ធ​នា​ការ​វាយ​ឆ្មក់​មួយ​ទៅ​លើ​មូល​ដ្ឋាន​របស់​ក្រុម​ហាម៉ាស់​​នៅ​តំបន់​រ៉ាហ្វា (Rafah)។ ចំណាប់​ខ្មាំង​ម្នាក់​អាយុ​៦០​ឆ្នាំ​ និង​ម្នាក់​ទៀត​អាយុ​៧០​ឆ្នាំ​​​ត្រូវ​ក្រុម​ហាម៉ាស់​ចាប់​យក​ទៅ​បង្ខាំង​ទុក​អស់​រយៈ​ពេល​១២៨​ថ្ងៃ​​​មក​ហើយ​​ចាប់​តាំង​ពី​ថ្ងៃ​ទី​៧ ខែ​តុលា ឆ្នាំ​២០២៣​។​

ចំណាប់​ខ្មាំង​ទាំង​ពីរ​នាក់​ដែល​អ៊ីស្រាអែល​រំដោះ​បាន​យប់​មិញ

ពួក​គាត់​មាន​សុខ​ភាព​ល្អ​ជា​ធម្ម​តា​​​ ​ហើយ​​ត្រូវគេ​បញ្ជូន​ទៅ​មន្ទីរ​ពេទ្យ​ភ្លាម​ៗ​។ នេះ​បើ​យោង​តាម​ការ​បញ្ជាក់​របស់​កង​ទ័ពអ៊ីស្រាអែល​។ ការ​រំដោះ​ចំណាប់​ខ្មាំង​លើក​​នេះ​ជា​លទ្ធផល​នៃ​ការ​បើក​ប្រតិ​បត្តិ​​ការ​រួម​គ្នា​រវាង​កង​កម្លាំង​ពិសេសអ៊ីស្រាអែល និង​នគរ​បាល​អ៊ីស្រាអែល​។ រដ្ឋ​មន្ត្រី​ការ​ពារ​ជាតិ​អ៊ីស្រាអែល​អប​អរ​សាទរ​ការទទួល​បាន​ជោគ​ជ័យ​នៅ​ក្នុង​បេសក​កម្ម​លើក​នេះ​។ គាត់​បង្ហោះ​សារ​នៅ​លើ​ទ្វីត​ថឺ​ថា​គាត់​​ និង​នាយក​រដ្ឋ​មន្ត្រី​អ៊ីស្រាអែល​បន្ត​តាម​ដាន​ប្រតិ​បត្តិ​ការ​នេះ​ដោយ​យក​ចិត្ត​ទុក​ដាក់​។​

ចំណាប់​ខ្មាំង​ទាំង​​២​​នាក់​ត្រូវ​ក្រុម​ហាម៉ាស់​ចាប់​ពង្រត់​ចេញ​ពី​តំបន់​កៀក​​ព្រំ​ដែន​រវាង​អ៊ីស្រាអែល និង​តំបន់​ហ្កា​ហ្សា​។ ដំណឹង​ស្ដី​ពី​កា​ររំដោះ​ចំណាប់​ខ្មាំង​​នេះ​កើត​ឡើង​​នៅ​​​ពេល​​កង​ទ័ព​​ជើង​គោក​វាយលុក​​​ចូល​តំបន់​រ៉ាហ្វា​ និង​បណ្ដាល​ឱ្យ​ស្លាប់​មនុស្ស​ជាង​៦០​នាក់​។ ទី​នេះ​ជា​គោល​ដៅ​វាយ​ប្រហារ​ថ្មី​បំផុត​ដោយ​យោ​ង​តាម​ការ​សង្កេត​របស់​​​​អឌ្ឍ​ចន្ទ​ក្រហម​​ប៉ាឡេស្ទីន​។​

វិហារ​ឥស្លាម​​២​កន្លែង​ និង​ផ្ទះ​របស់​អ្នក​ស្រុក​រាប់​សិប​ខ្នង​​​រង​ការ​វាយ​ប្រហារ​​។ ​​អ៊ីស្រាអែល​ទទួល​ស្គាល់​ថា​ពិត​ជា​មាន​ការ​វាយ​ប្រហារ​យ៉ាង​ខ្លាំង​ក្លា​​ទៅ​លើគោល​ដៅ​មួ​យ​ចំនួន​នៃ​តំបន់​រ៉ាហ្វា​មែន​។ ទី​នេះ​ជា​កន្លែង​ជ្រក​កោន​ចុង​ក្រោយរបស់​ជន​ស៊ីវិល​ប៉ាឡេស្ទីន​ដែល​រត់​គេ​ច​​ខ្លួន​​ពី​ភាគ​ខាង​ត្បូង​​មក​សម្ងំ​នៅ​​ទីនោះ​។ គេ​ជឿ​ជាក់​ថា​​ជន​ជាតិ​ប៉ាឡេស្ទីន​ជាង​១,៣​លាន​នាក់​កំពុង​រស់​នៅ​​​តំបន់​រ៉ាហ្វា​​។ ភាគ​ច្រើន​ជា​អ្នក​ដែល​រត់​ចេញ​ពី​តំបន់​ហ្កាហ្សា​។ នេះ​បើ​​តាម​របាយ​ការណ៍​របស់​អង្គ​ការ​សហ​ប្រជា​ជាតិ​។

ឥឡូវ​នេះ បើ​រ៉ាហ្វា​ដែល​ជា​កន្លែង​ចុង​ក្រោយ​ក៏​ត្រូវ​ទាហាន​អ៊ីស្រាអែល​វាយ​ប្រហារ​ដែរ​ ដូច្នេះ ពួក​ប៉ាឡេស្ទីន​​​អស់​ទី​កន្លែង​​​សម្រាប់​ជ្រក​កោន​ត​ទៅ​ទៀត​ហើយ​។ ទី​នេះ​នៅជាប់​នឹង​ព្រំ​ដែន​ប្រទេស​អេហ្ស៊ីប​តែ​ម្ដង​។ ដូច្នេះ បើ​ស្ថាន​ការណ៍​​ពុះ​កញ្ជ្រោល​កាន់​តែ​ខ្លាំង​​ដល់​ដំណាក់​កាល​អត់​ទ្រាំ​លែង​បាន​ ពួក​គេ​ប្រហែល​ជា​​គ្មាន​ជម្រើស​អ្វី​ក្រៅ​ពី​រត់​ចូល​ទឹក​ដី​អេហ្ស៊ីប​នោះ​ទេ​។ អេហ្ស៊ីប​ក៏​ធ្លាប់​គិត​អំពី​សេណារីយោ​នេះ​តាំង​ពី​យូ​រ​មក​ហើយ​​ ហើយ​បាន​បិទច្រក​ព្រំ​ដែន​​ជិត​ឈឹង​តាំង​ពី​ច្រើន​ខែ​មុន​មក​ម៉្លេះ​។​

តាំង​ពី​មុន​ពេល​អ៊ីស្រាអែល​វាយ​ចូល​តំបន់​រ៉ាហ្វា (Rafah) សហ​គមន៍​អន្តរ​ជាតិ​​​ប្រកាស​ជា​បន្ត​បន្ទាប់​​​​កុំ​ឱ្យ​អ៊ីស្រាអែល​ធ្វើ​បែប​នេះ​។ ប្រមុខ​ដឹក​នាំ​អ៊ីស្រាអែល​ លោក​ណឺតាន់​យ៉ាហ៊ូ ច្រាន​ចោល​​ការ​ព្រួយ​បារម្ភ ឬ​ការ​រិះ​គន់​​ទាំង​នោះ​​​។ គាត់​និយាយ​ថា​ការ​អំពាវ​នាវ​ឱ្យ​អ៊ីស្រាអែល​កុំ​វាយ​លុក​ចូល​តំបន់​រ៉ាហ្វា​មាន​ន័យថា​ប្រាប់​ឱ្យ​អ៊ីស្រាអែល​ទម្លាក់​អាវុធ​ចុះ​ចាញ់​។ ប៉ុន្តែ​លោក​ណឺតាន់​យ៉ាហ៊ូ​ក៏​បាន​សន្យាថា​នឹង​បង្កើត​ច្រក​សុវត្ថិ​ភាព​សម្រាប់​ធ្វើ​ជា​កន្លែង​​ស្នាក់​អាស្រ័យ​របស់​ជន​ស៊ីវិល។ លោក​និយាយ​តែ​ប៉ុណ្ណឹង​ដោយ​មិន​បាន​​ធ្វើ​អត្ថា​ធិប្បាយ​លម្អិត​អំពី​ផែន​ការ​នេះ​ទេ​​៕

ប្រភព៖ CNN​​
https://edition.cnn.com/2024/02/12/middleeast/israel-hostages-rescued-gaza-rafah-intl-hnk/index.html

អត្ថបទសរសេរ ដោយ

កែសម្រួលដោយ