ខេត្តកំពង់ឆ្នាំង ៖ ពេលមេឃកំពុងធ្លាក់ភ្លៀងខ្លាំងមើលឆ្ងាយមិនច្បាស់ រថយន្ត៣គ្រឿងបានបុកបន្តគ្នាពេញទំហឹង បណ្តាលឱ្យអ្នកបើកបររថយន្តក្រុងដឹកអ្នកដំណើរស្លា.ប់នៅនឹងកន្លែងរួមទាំងមនុស្សចំនួន៧នាក់ផ្សេងទៀតរងរបួសធ្ងន់និងស្រាល ។ ហេតុការណ៍គ្រោះថ្នាក់ដ៏រន្ធត់នេះ បានកើតឡើងកាលពីវេលាម៉ោង៤និង៥នាទីរសៀលថ្ងៃទី២៩ ឧសភា
ខេត្តកំពង់ឆ្នាំង ៖ ពេលមេឃកំពុងធ្លាក់ភ្លៀងខ្លាំងមើលឆ្ងាយមិនច្បាស់ រថយន្ត៣គ្រឿងបានបុកបន្តគ្នាពេញទំហឹង បណ្តាលឱ្យអ្នកបើកបររថយន្តក្រុងដឹកអ្នកដំណើរស្លាប់នៅនឹងកន្លែងរួមទាំងមនុស្សចំនួន៧នាក់ផ្សេងទៀតរងរបួសធ្ងន់និងស្រាល ។ ហេតុការណ៍គ្រោះថ្នាក់ដ៏រន្ធត់នេះ បានកើតឡើងកាលពីវេលាម៉ោង៤និង៥នាទីរសៀលថ្ងៃទី២៩ ឧសភា នៅតាមបណ្តោយផ្លូវជាតិលេខ៥ចន្លោះគីឡូម៉ែត្រលេខ៤៣ និងលេខ៤៤ ស្ថិតក្នុងភូមិជន្លាត់ដៃ ឃុំស្វាយ ស្រុកសាមគ្គីមានជ័យ ។
លោកអៀរ ប៊ុនធឿន នាយការិយាល័យប៉ូលិសចរាចរផ្លូវគោកមានប្រសាសន៍ឱ្យដឹងថា រថយន្ត៣គ្រឿងដែលបុកគ្នាបន្តបន្ទាប់នេះគឺទី១-រថយន្តម៉ាកហ៊្វុយហ្សូ ដឹកដី ពាក់ស្លាកលេខភ្នំពេញ 3A-1358 ទី២-រថយន្តក្រុងដឹកអ្នកដំណើរពីខេត្តបាត់ដំបងទៅភ្នំពេញ ពាក់ស្លាកលេខបាត់ដំបង 3A-0124 និងទី៣-រថយន្តម៉ាកវីហ្គោ ពាក់ស្លាកលេខភ្នំពេញ 2Q-1646 ។ លោកបានបន្តថា ក្នុងហេតុការណ៍គ្រោះថ្នាក់ចរាចរណ៍នោះគឺរថយន្តក្រុងដែលធ្វើដំណើរពីខេត្តបាត់ដំបងទៅភ្នំពេញ បានបុកជាមួយរថយន្តម៉ាកហ្វុ៊យហ្សូដែលបើកបញ្ច្រាសទិសគ្នា នៅលើទ្រូងផ្លូវតែម្តង ។
ខណៈបុកគ្នាពេញទំហឹងនោះ រថយន្តក្រុងបានវិលបែរក្បាលបកត្រឡប់ទៅក្រោយវិញ និងបោកបុកជាមួយរថយន្តម៉ាកវីហ្គោដែលបើកស្របទិសគ្នាពីក្រោយយ៉ាងពេញទំហឹង ។ រថយន្តទាំង៣គ្រឿងសុទ្ធតែខូចខាតធ្ងន់ធ្ងរ ហើយក្រោយពីកើតហេតុអ្នកបើកបររថយន្តក្រុងស្លាប់ដោយកៀបជាប់នឹងរថយន្ត ចំណែកអ្នកជិះក្នុងរថយន្តក្រុងចំនួន៧នាក់បានរងរបួសធ្ងន់និងស្រាល ក្នុងនោះ២នាក់របួសធ្ងន់ធ្ងរ ត្រូវបានដឹកទៅសង្គ្រោះនៅភ្នំពេញ។
លោកអៀរ ប៊ុនធឿន ថ្លែងថា គ្រោះថ្នាក់នេះ គឺរថយន្តក្រុងបុកជាមួយរថយន្តហ៊្វុយហ្សូដឹកដីហើយរថយន្តក្រុងវិលក្បាលទៅក្រោយបុកជាមួយរថយន្តវីហ្គោមួយសាទៀត ។ ទោះបីជាបែបណា អ្នកជិះក្នុងរថយន្តវីហ្គោមិនមានរងរបួសធ្ងន់ធ្ងរទេ៕
ចែករំលែកព័តមាននេះ