តាមទីភ្នាក់ងារព័ត៌មានបារាំង AFP ឱ្យដឹងថា នៅថ្ងៃទី៣០ ឧសភា កម្ពុជាបានចាប់ផ្តើមការតស៊ូផ្នែកច្បាប់របស់ខ្លួននៅចំពោះមុខតុលាការយុត្តិធម៌អន្តរជាតិទីក្រុងឡាអេ ដែលជាតុលាការជាន់ខ្ពស់បំផុតរបស់អង្គការសហប្រជាជាតិដោយស្នើដល់តុលាការនេះបញ្ជាឱ្យប្រទេសថៃដកកងទ័ពរបស់ខ្លួនចេញពីតំបន់ប្រាសាទព្រះវិហារ
តាមទីភ្នាក់ងារព័ត៌មានបារាំង AFP ឱ្យដឹងថា នៅថ្ងៃទី៣០ ឧសភា កម្ពុជាបានចាប់ផ្តើមការតស៊ូផ្នែកច្បាប់របស់ខ្លួននៅចំពោះមុខតុលាការយុត្តិធម៌អន្តរជាតិទីក្រុងឡាអេ ដែលជាតុលាការជាន់ខ្ពស់បំផុតរបស់អង្គការសហប្រជាជាតិដោយស្នើដល់តុលាការនេះបញ្ជាឱ្យប្រទេសថៃដកកងទ័ពរបស់ខ្លួនចេញពីតំបន់ប្រាសាទព្រះវិហារ ។
តុលាការយុត្តិធម៌អន្តរជាតិទីក្រុងឡាអេ (ICJ) ដែលមានមូលដ្ឋាននៅក្នុងទីក្រុងឡាអេ ប្រទេសហូឡង់ នៅថ្ងៃទី៣០ ឧសភា បានចាប់ផ្តើមបើកសវនាការលើករណីពាក្យបណ្តឹងរបស់កម្ពុជា ដែលស្នើឱ្យបកស្រាយឡើងវិញ នូវការសម្រេចរបស់ខ្លួនកាលពីឆ្នាំ១៩៦២ ស្តីអំពីបញ្ហាប្រាសាទព្រះវិហារ ដែលកាលនោះតុលាការនេះបានសម្រេចថា ប្រាសាទព្រះវិហារជារបស់កម្ពុជាតែមួយគត់ ។ សវនាការនេះប្រព្រឹត្តទៅរហូតដល់ថ្ងៃទី៣១ ឧសភា ។
ទីភ្នាក់ងារព័ត៌មាន AFP បានដកស្រង់ប្រសាសន៍លោកឧបនាយករដ្ឋមន្ត្រីហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ដែលតំណាងឱ្យកម្ពុជា ចូលរួមក្នុងសវនាការនេះ ថ្លែងថា «យើងនឹងស្នើដល់តុលាការយុត្តិធម៌អន្តរជាតិក្រុងឡាអេ (ICJ) ឱ្យផ្តល់វិធានការបណ្តោះអាសន្នជាបន្ទាន់ ដើម្បីការពារសន្តិភាព និងបញ្ចៀសការប៉ះទង្គិចគ្នាដោយអាវុធនៅតំបន់ប្រាសាទព្រះវិហារ ដែលមានជម្លោះជាមួយសៀម» ។ លោកឧបនាយករដ្ឋមន្ត្រីបានថ្លែងប្រាប់តុលាការក្រុងឡាអេ ដែលមានចៅក្រម១៦រូបថា «ថៃ គឺមានកាតព្វកិច្ចដកកងទ័ពចេញពីតំបន់ជុំវិញប្រាសាទព្រះវិហារ» ។ AFP បានឱ្យដឹងទៀតថា ក្នុងឱកាសនោះដែរ កម្ពុជាស្នើឱ្យមានបទបញ្ជាជាបន្ទាន់បង្ខំឱ្យថៃដកកងទ័ពរបស់ខ្លួនឱ្យអស់ពីតំបន់ជុំវិញប្រាសាទព្រះវិហារ។
តាមប្រភពព័ត៌មានពីទីក្រុងឡាអេឱ្យដឹងថា កាលពីព្រឹកថ្ងៃទី៣០ ឧសភា កម្ពុជាបានដាក់ឯកសារច្បាប់ និងសេចក្តីថ្លែងការណ៍មួយចំនួនជូនតុលាការយុត្តិធម៌អន្តរជាតិ (ICJ) ហើយភាគីថៃក៏ដាក់ជូនឯកសារអំណះអំណាងរបស់ខ្លួននៅថ្ងៃដដែលនោះដែរ ។
ដោយឡែក បណ្តាញព័ត៌មានថៃនៅថ្ងៃទី៣០ ឧសភា នោះដែរ ផ្សាយថា នាយករដ្ឋមន្ត្រីចាំផ្ទះថៃ លោកអាប់ភីស៊ីត វ៉េចាជីវ៉ា ថ្លែងអះអាងថា ថៃនឹងឈ្នះក្នុងសវនាការរបស់តុលាការយុត្តិធម៌អន្តរជាតិក្រុងឡាអេ ដោយលោកថ្លែងថា ក្រុមអ្នកច្បាប់របស់លោកបានត្រៀមខ្លួនរួចជាស្រេចនូវគោលជំហរសម្រាប់បញ្ហាជម្លោះជាមួយកម្ពុជានៅតុលាការនេះ។ ចំណែករដ្ឋមន្ត្រីការបរទេសប្រទេសនេះលោកកាស៊ីត ភីរម្យ ថ្លែងថា តុលាការក្រុងឡាអេ ពុំមានយុត្តាធិការសម្រេចកាត់ក្តីចំពោះបន្ទាត់ព្រំដែនរវាងប្រទេសថៃ និងប្រទេសកម្ពុជាទេ។ ទោះបីជាបែបណា ការអះអាងរបស់ប្រមុខថៃរូបនេះគឺខុសឆ្គងរួចស្រេចទៅហើយ ព្រោះការអះអាងថា ប្រាសាទព្រះវិហារស្ថិតក្នុងបូរណភាពទឹកដីកម្ពុជា បានន័យថា តុលាការបានកំណត់យកផែនទីព្រំដែនរវាងប្រទេសទាំង២រួចទៅហើយ ៕
ចែករំលែកព័តមាននេះ