ខេត្តកំពត ៖ អាជ្ញាធរខេត្តកំពត ដឹកនាំដោយឯកឧត្តមង៉ាន់ ថារិទ្ធ អភិបាលរងខេត្តកំពត រួមទាំងប្រធានមន្ទីរពាក់ព័ន្ធខេត្ត ក្នុងឱកាសនោះ ក៏មានឈ្មោះលោកស្រីងិន ផលរត្ន័…
ខេត្តកំពត ៖ អាជ្ញាធរខេត្តកំពត ដឹកនាំដោយឯកឧត្តមង៉ាន់ ថារិទ្ធ អភិបាលរងខេត្តកំពត រួមទាំងប្រធានមន្ទីរពាក់ព័ន្ធខេត្ត ក្នុងឱកាសនោះ ក៏មានឈ្មោះលោកស្រីងិន ផលរត្ន័ អភិបាលក្រុងបូកគោផងដែរ តាមការអញ្ជើញរបស់នាយករដ្ឋបាលខេត្ត តែត្រូវបានជំនួសលោកអភិបាលរងក្រុងទៅវិញ និងលោកឧកញ៉ាជា សុខហេង ប្រធានក្រុមហ៊ុនដែលរដ្ឋបានអនុញ្ញាត មកធ្វើការអភិវឌ្ឍន៍លើផ្ទៃដីជាង200ហិកតា នៅតាមបណ្ដោយឆ្នេរសមុទ្រ ក្នុងភូមិកែបថ្មី និងភូមិទទឹងថ្ងៃ សង្កាត់បឹងទូក ក្រុងបូកគោ ខេត្តកំពត ។
បន្ទាប់ពីមានកិច្ចប្រជុំមួយ នៅសាលាសង្កាត់បឹងទូក កាលពីព្រឹកថ្ងៃទី០១ កុម្ភៈ ២០២៤ និងបន្តដំណើរទៅពិនិត្យជាក់ស្ដែងលើគម្រោងដីអភិវឌ្យន៍របស់ក្រុមហ៊ុនឯកជនមួយដែលមានលោកឧកញ៉ាម្នាក់ ជាប្រធានក្រុមហ៊ុន មានការអនុញ្ញាតពីរាជរដ្ឋាភិបាល មកធ្វើការអភិវឌ្ឍន៍លើគម្រោងដីជាង200ហិកតា ។
លោកឧកញ៉ាជា សុខហេង ប្រធានក្រុមហ៊ុនបាននិយាយ កាលពីព្រឹកថ្ងៃទី០១ ខែកុម្ភៈ ថា ក្រុមហ៊ុនគាត់បានបន្តការងារអភិវឌ្ឍន៍តាំងពីឆ្នាំ2008មកម្ល៉េះ រហូតមកដល់ពេលនេះ ធ្វើបានកន្លែងដើរកម្សាន្តលើខ្សាច់តាមបណ្ដោយមាត់សមុទ្រ និងកន្លែងលំហែកាយជាច្រើនកន្លែងទៀត ។ លោកឧកញ៉ាជា សុខហេង បានមានប្រសាសន៍បន្តថា ក្រុមហ៊ុនរបស់លោកបានចំណាយទុនច្រើនណាស់មកធ្វើការអភិវឌ្ឍន៍នៅខេត្តកំពតនេះ តែមិនទាន់បានអ្វីអោយដុំកំភួនមកវិញទេ ។
លោកឧកញ៉ាបានត្អូញត្អែពីសេដ្ឋកិច្ចពីភពលោកធ្លាក់ចុះ ហើយអ្វីៗដែលនៅលើដីសម្រាប់គម្រោងអភិវឌ្ឍន៍ពុំបានធ្វើហើយរួចរាល់ទេ ព្រោះលោកកំពុងស្វះស្វែងរកដៃគូមកធ្វើការអភិវឌ្ឍន៍ ។ លោកឧកញ៉ាបានមានប្រសាសន៍ថា ការអភិវឌ្ឍន៍មិនថាតូច-ធំ សុទ្ធតែមានផលអាក្រក់និងល្អ និងប៉ះពាល់ទៅលើអ្វីមួយមិនខាន និងសូមអោយមានការយោគយល់ពីអាជ្ញាធរខេត្តនិងក្រុង។
ឯកឧត្តមង៉ាន់ ថារិទ្ធ អភិបាលរងខេត្តមានប្រសាសន៍ថា ការចុះពិនិត្យនិងធ្វើបច្ចុប្បន្នភាពនៅលើក្រុមហ៊ុននោះ តើមកដល់ពេលនេះ ខាងក្រុមហ៊ុនធ្វើអ្វីបានខ្លះ នៅលើដីក្រុមហ៊ុនរបស់ខ្លួន និងតំឡើងផែនទីលើដីក្រុមហ៊ុនអោយច្បាស់ថា តើមានប៉ុន្មានហិកតាអោយពិតប្រាកដងាយស្រួលរាយការណ៍ដល់ឯកឧត្តមអភិបាលខេត្ត ។
ឯកឩត្តមអភិបាលរងខេត្តមានប្រសាសន៍ទៀតថា ហាមដាច់ខាតព្រៃកោងកាង ត្រូវនាំគ្នាថែរក្សា បើវាងាប់ឬទឹកប្រៃចូលមិនដល់ជលផល និងខាងកសិកម្មត្រូវតែធ្វើការរឿងនេះអោយបានឆាប់ ។
ចែករំលែកព័តមាននេះ