ខេត្តកំពង់ចាម ៖ គ្រាន់តែនៅរសៀលថ្ងៃទី២៩ ឧសភា ២០១១ នៅលើផ្លូវជាតិលេខ៧ ស្ថិតនៅភូមិទន្លេបិទលើ ឃុំទន្លេបិទ ស្រុកត្បូងឃ្មុំ មានគ្រោះថ្នាក់ចរាចរណ៍កើតឡើងជាបន្តបន្ទាប់ចំនួន២ករណី ហេតុបណ្តាលឱ្យស្លា.ប់ម្នាក់ និងរងរបួសម្នាក់ត្រូវគេដឹកតាមរថយន្តសាមុយយកទៅសង្គ្រោះនៅគ្លីនិកឯកជន «១១៥» នៅក្រុងកំពង់ចាម
ខេត្តកំពង់ចាម ៖ គ្រាន់តែនៅរសៀលថ្ងៃទី២៩ ឧសភា ២០១១ នៅលើផ្លូវជាតិលេខ៧ ស្ថិតនៅភូមិទន្លេបិទលើ ឃុំទន្លេបិទ ស្រុកត្បូងឃ្មុំ មានគ្រោះថ្នាក់ចរាចរណ៍កើតឡើងជាបន្តបន្ទាប់ចំនួន២ករណី ហេតុបណ្តាលឱ្យស្លាប់ម្នាក់ និងរងរបួសម្នាក់ត្រូវគេដឹកតាមរថយន្តសាមុយយកទៅសង្គ្រោះនៅគ្លីនិកឯកជន «១១៥» នៅក្រុងកំពង់ចាម ។
លោកអនុសេនីយ៍ឯកសូ សារ៉ាត់ អធិការរងនគរបាលស្រុកត្បូងឃ្មុំទទួលផែនសណ្តាប់ធ្នាប់ប្រាប់ឱ្យដឹងថា ករណីទី១ នៅវេលារសៀលក្បែរផ្ទះរបស់លោកប្រធានភូមិទន្លេបិទលើដោយម៉ូតូ១គ្រឿងម៉ាកវ៉េវ ពណ៌ខៀវ មិនពាក់ស្លាកលេខ និងអ្នកជិះឈ្មោះសាង ចិន្តា អាយុ២៧ឆ្នាំ ស្នាក់នៅភូមិពើក ឃុំថ្មពេជ្រ ស្រុកត្បូងឃ្មុំ ត្រូវរថយន្តដឹកអេស្កាវ៉ាទ័រ១គ្រឿង ពណ៌ខៀវ ពាក់ស្លាកលេខ ក្រុងព្រះសីហនុ 3A-0392 កិនក្បាលស្លាប់ភ្លាមៗ ។
លោកអធិការរងប្រាប់បន្តថា តាមការពិនិត្យនៅកន្លែងកើតហេតុ និងការបំភ្លឺពីសាក្សីថា ម៉ូតូជិះពីលិចទៅកើត លុះទៅដល់ត្រង់ម្តុំផ្ទះប្រធានភូមិ ស្រាប់តែត្រូវរថយន្តកិនម៉ូតូខ្ទេច និងកិនក្បាលអ្នកជិះទៀតផង ។ ក្រោយពីកិនមនុស្សស្លាប់ ហើយរថយន្តដឹកអេស្កាវ៉ាទ័របើកចូលទៅក្នុងការដ្ឋានកាយដីមួយជារបស់ក្រុមហ៊ុនឈ្មោះម៉ាប់ ។ អ្នកបើកបររថយន្តបានគេចខ្លួនបាត់ឯវត្ថុតាងត្រូវបានយកទៅរក្សាទុកនៅអធិការដ្ឋាននគរបាលស្រុកត្បូងឃ្មុំដើម្បីដោះស្រាយតាមច្បាប់ ។
ចំពោះករណីទី២ តាមអ្នករត់ម៉ូតូឌុបម្នាក់ ឈ្មោះហ៊ូវ ផល្លី ភេទប្រុស អាយុ៤១ឆ្នាំ រស់នៅ ភូមិជីរោរទី១ ឃុំជីរោរទី១ ស្រុកត្បូងឃ្មុំប្រាប់ថា នៅម៉ោងប្រហែលជា២ និង៣០នាទី រសៀលថ្ងៃទី២៩ ឧសភា រថយន្តម៉ាកកូរ៉ូឡា ពណ៌ស១គ្រឿងពាក់ស្លាកលេខភ្នំពេញ 2A-2271 បើកចុះពីលើស្ពានឆ្ពោះទៅត្រើយ ខាងកើតយ៉ាងលឿនលុះដល់ត្រង់មុខក្រុមហ៊ុនលក់គ្រឿងបន្លាស់ ហើយគ្រឿងចក្រមួយ ស្រាប់តែលាន់ចាប់ហ្រ្វាំងអូស ។ រថយន្តនោះរអិលធ្លាក់ចូលទៅក្នុងជំរាលផ្លូវជាតិលេខ៧ តែមិនក្រឡាប់ ខូចចំហៀងខាងស្តាំ ឯអ្នកបើកបររថរងរបួស ហើយទំនងជាស្រវឹងស្រាផង ។
អ្នករត់ម៉ូតូឌុបនេះបញ្ជាក់ថា គេបានដឹកអ្នកបើកបររងរបួសរូបនោះយកទៅសង្រ្គោះនៅគ្លីនិកឯកជន ។ លោកអនុសេនីយ៍សូ សារ៉ាត បញ្ជាក់ថា អ្នកបើកបររថយន្តកូរូឡាឈ្មោះជឹង ងន់ឡេង ភេទប្រុស អាយុ៣២ឆ្នាំ រស់នៅភូមិអង្គួញដី ឃុំក្រឡា ស្រុកកំពង់សៀម ត្រូវបាននាំទៅសង្គ្រោះនៅគ្លីនិកឯកជន «១១៥» ក្រុងកំពង់ចាមរថយន្ត ។ បុរសនេះសំណូមពរស្ទូចរថយន្ត យកទៅជួសជុលដោយខ្លួនឯង ៕
ចែករំលែកព័តមាននេះ