រាជធានីភ្នំពេញ ៖ នាថ្ងៃទី០៣ ខែកុម្ភៈ ឆ្នាំ២០២៤ ជាថ្ងៃសែនដកជើងធូប ដោយបងប្អូនមហាជនខ្លះក៏បានដឹង ខ្លះក៏មិនសូវបានដឹង ដូច្នេះតើការសែនដកជើងធូបក្នុងថ្ងៃនោះ តើត្រូវធ្វើអ្វីខ្លះសម្អាតកន្លែងណាខ្លះទៅ?ហើយអ្វីដែលនឹងអោយលោកអ្នកនឹងកាន់តែប្រសើរនោះ?…
រាជធានីភ្នំពេញ ៖ នាថ្ងៃទី០៣ ខែកុម្ភៈ ឆ្នាំ២០២៤ ជាថ្ងៃសែនដកជើងធូប ដោយបងប្អូនមហាជនខ្លះក៏បានដឹង ខ្លះក៏មិនសូវបានដឹង ដូច្នេះតើការសែនដកជើងធូបក្នុងថ្ងៃនោះ តើត្រូវធ្វើអ្វីខ្លះសម្អាតកន្លែងណាខ្លះទៅ?ហើយអ្វីដែលនឹងអោយលោកអ្នកនឹងកាន់តែប្រសើរនោះ? ដោយលោកត្រូវសម្អាតៗ នូវកន្លែងទាំងនេះ របស់ទាំងនោះ លោកពិតជាទទួលបានមង្គលល្អ ជាក់ជាមិនខាន ។ តើរបស់អ្វីខ្លះទៅដែលត្រូវសម្អាត? របស់ណាគួរទុក? របស់ណាខ្លះមិនគួរទុកនោះ?
តាមប្រសាសន៍លោកគ្រូ អ៊ាង គង្គា ហៅលោកគ្រូមហាជុំ អោយដឹងថា ក្នុងសែនដកជើងធូបនេះ ត្រូវសម្អាតគ្រប់កន្លែងទាំងអស់នៅជុំវិញផ្ទះ ដោយក្នុងត្រូវសម្អាតបន្ទាប់ទឹក កន្លែងគេង សម្លៀកបំពាក់ត្រូវតែស្អាតជានិច្ច ជម្រះស្មៅនៅបរិវេណជុំវិញផ្ទះ សម្អាតកន្លែងគេង ដើម្បីអោយមង្គលចូលមក និងកើតកាលវាលគុម្ពមានដល់លោកអ្នកក្នុងថ្ងៃនោះផងដែរ ។
បន្ថែមពីនេះទៀត លោកគ្រូបានចោទសួរថា ហេតុអ្វីបានជាគេមាន គេចេះតែមាននោះ ពោលមកពីគេសម្អាតទើបបានជាគេមាន ហើយការសម្អាតស្អាតនោះនាំអោយមានសិរីសួរស្តី សេចក្តីសុខ ភាពសប្បាយមានដល់លោកអ្នក ។ តើការសម្អាតអ្នកតា ឬកន្លែងផ្សេងនោះ គួរសម្អាតពេលណា?
បើតាមប្រសាសន៍របស់លោកមហាជុំអោយដឹងបន្តថា មិនមែនសម្អាតតាំងពីថ្ងៃទី២នោះទេ ឬមុនថ្ងៃនោះឡើយ ពោលទេវតាមិនទាន់ទៅឋានលើផង មិនទាន់សែនសុំការអនុញាតផង ម្តេចក៏ទៅសម្អាតមុនថ្ងៃ ដូច្នេះហាមដាច់ខាតសម្អាតមុនថ្ងៃ ត្រូវសម្អាតបន្ទាប់ពីសែន រួម គឺនៅថ្ងៃទី៣ ខែកុម្ភៈ ដូច្នេះទើបអាចរុះរើស ឬបោសសម្អាតបាន ។ បន្ទាប់ពីសែនរួចយើងត្រូវសម្អាតបាន ហើយរបស់របដែលបែកបាក់ ដូចជាចានឆ្នាំង ឬរបស់បែកបាក់ផ្សេង អាចយកបោះចោលបាន ហើយត្រូវបោសសម្អាតអោយបានស្អាតល្អទើបមង្គលសម្រាប់លោកអ្នក ។
បើចំពោះកំប៉ុងជើងធូប លោកគ្រូថា ជាព្រលឹងទេវតា ដូច្នេះពេលដែលរៀបកំប៉ុងជើងធូបថ្មី គួរដាក់ដី៥ធាតុ ដែលជាដីធាតុទាំង៥ ជាដីហុងស៊ុយ នាំសំណាងល្អដល់លោកអ្នក ពោលដីប្រាំធាតុជាដីដែលកម្រ មិនមែនជាអង្កាំ ត្បូង ឬរបស់ចំនួនដែលគេលក់តាមទីផ្សារនោះឡើយ ។
លោកគ្រូមហាជុំបានបន្តថា ដីប្រាំធាតុនេះទៀតសោត ពេលលោកអ្នកបានដាក់កំប៉ុងជើងធូបហើយ គឺដាក់ចុះដុះឡើង ត្រជាក់ត្រជុំរកស៊ីមានបានដល់លោកអ្នកផងដែរ ។ បើងាកមកចំពោះដង្វាយវិញ គឺនំអ៊ីជារបស់ដែលល្អបំផុតក្នុងការសែន តែប្រសិនបើលោកអ្នកគ្មាននំអ៊ី លោកអ្នកអាចមានត្រឹមផ្លែឈើ និងស្ករគ្រាប់ ពោលស្ករគ្រាប់មានរសជាតិផ្អែមដូចនំអ៊ី ដូច្នេះគេអាចយកស្ករជំនួសនំអ៊ីបាន ។
គួរបញ្ជាក់ដែរថា ថ្ងៃសែនដកជើងធូប មិនមែនសម្អាតតែអ្នកតា ជំនាងផ្ទះប៉ុណ្ណោះទេ ពោលត្រូវសម្អាតគ្រប់កន្លែង ហើយរបស់បែកបាក់ គួរប្រមូលបោះចោល សម្លៀកបំបាក់មុងខ្នើយភួយក៏ត្រូវសម្អាតដូចគ្នា ដូច្នេះទើបរឿងល្អ មង្គលនឹងកើតមានចំពោះលោកអ្នកយ៉ាងពិតប្រាកដ ៕ ដោយលីហួ គីមឆាយ
ចែករំលែកព័តមាននេះ