រាជធានីភ្នំពេញ ៖ រថយន្តដឹកឥដ្ឋមួយគ្រឿងបានក្រឡាប់ចូលទៅក្នុងប្រឡាយទឹកស្អុយបណ្តាលឱ្យកម្មករពីរនាក់រងរបួសស្រាល ឯរថយន្តនោះចាក់ឥដ្ឋចោលអស់ និងខូចខាតផងដែរ។ ឧប្បត្តិហេតុនោះកើតឡើងកាលពីវេលាម៉ោង១ និង៣០នាទីរសៀល ថ្ងៃទី២៩ ឧសភា ឆ្នាំ២០១១ នៅខាងលិចរង្វង់មូលថ្នល់បំបែកចោមចៅ
រាជធានីភ្នំពេញ ៖ រថយន្តដឹកឥដ្ឋមួយគ្រឿងបានក្រឡាប់ចូលទៅក្នុងប្រឡាយទឹកស្អុយបណ្តាលឱ្យកម្មករពីរនាក់រងរបួសស្រាល ឯរថយន្តនោះចាក់ឥដ្ឋចោលអស់ និងខូចខាតផងដែរ។ ឧប្បត្តិហេតុនោះកើតឡើងកាលពីវេលាម៉ោង១ និង៣០នាទីរសៀល ថ្ងៃទី២៩ ឧសភា ឆ្នាំ២០១១ នៅខាងលិចរង្វង់មូលថ្នល់បំបែកចោមចៅ ក្នុងភូមិថ្នល់បំបែក សង្កាត់ចោមចៅ ខណ្ឌដង្កោ រាជធានីភ្នំពេញ។
រថយន្តនោះម៉ាកហ៊ីណូពណ៌ខៀវពាក់ស្លាកលេខភ្នំពេញ៣A៣៦៣៣ បើកបរដោយបុរសមិនស្គាល់។ តាមប្រភពព័ត៌មានឱ្យដឹងថា រថយន្តនោះធ្វើដំណើរក្នុងទិសដៅពីកើតទៅលិចដឹកឥដ្ឋពេញពីឡនៅឃុំព្រែកអញ្ចាញ ស្រុកមុខកំពូលទៅដាក់ឱ្យម៉ូយនៅម្តុំសង្កាត់ចោមចៅ។ ពេលទៅដល់ត្រង់ចំណុចកើតហេតុរថយន្តនោះបានបើកចូលតាមផ្លូវរណបអែបផ្លូវជាតិលេខ៤ តែដោយសារដឹកធ្ងន់ និងបើកមាត់ប្រឡាយបណ្តាលឱ្យបាក់ដីក្រឡាប់ចូលប្រឡាយតែម្តង។
ប្រភព័ត៌មានបន្តថា ក្នុងរថយន្តនោះមានកម្មករ៤ទៅ៥នាក់ តែបានរួចផុតពីគ្រោះថ្នាក់ដល់ជីវិត គ្រាន់តែរងរបួសស្រាល២នាក់ប៉ុណ្ណោះ។ ក្រោយពេលកើតហេតុកម្មករបាននាំគ្នារើយកឥដ្ឋចេញ រួចជួលរថយន្តស្ទូចយករថយន្តនោះចេញពីក្នុងប្រឡាយទឹកស្អុយ៕
ចែករំលែកព័តមាននេះ