ចេញពីរៀន! សិស្សសាលាបឋម១ក្រុម ណាត់គ្នាទៅលេ.ងទឹក ស្រាប់តែជួបគ្រោះអកុស.លម្នាក់
- ភ្នំពេញ
រាជធានីភ្នំពេញ៖ ក្មេងប្រុសអាយុ១៣ឆ្នាំម្នាក់ ក្នុងចំណោមក្មេង៣នាក់ បាននាំគ្នាទៅលេងទឹក
រាជធានីភ្នំពេញ៖ ក្មេងប្រុសអាយុ១៣ឆ្នាំម្នាក់ ក្នុងចំណោមក្មេង៣នាក់ បាននាំគ្នាទៅលេងទឹក
រាជធានីភ្នំពេញ៖ ក្មេងប្រុសអាយុ១៣ឆ្នាំម្នាក់ ក្នុងចំណោមក្មេង៣នាក់ បាននាំគ្នាទៅលេងទឹកប្រឡាយមេ ហើយលោតចុះក្នុងទឹក តែអកុសល ក៏បានជាប់ក្បាលនឹងភក់ បណ្តាលឱ្យឈ្ល.ក់ទឹកស្លា.ប់ បង្កឱ្យមានការភ្ញាក់ផ្អើលកាលពីវេលាម៉ោងប្រមាណ១និង៣០នាទីរសៀលថ្ងៃទី៣០ ខែមករា ឆ្នាំ២០២៤ នៅទឹកប្រឡាយមេមួយកន្លែង ស្ថិតក្នុងភូមិសំរោងទាវ សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
ក្មេងប្រុសរូបនោះឈ្មោះ ហេ ឡេងហេង អាយុ១៣ឆ្នាំ ជាសិស្សថ្នាក់ទី៥ នៃសាលាបឋមសិក្សាសែនសុខ មានទីលំនៅភូមិសំរោង សង្កាត់ឃ្មួញ ខណ្ឌសែនសុខ រាជធានីភ្នំពេញ។
តាមប្រភពព័ត៌មានបានអោយដឹងថា នៅមុនពេលកើតហេតុ មានក្មេងប្រុសទាំងអស់៣នាក់ បានណាត់គ្នាជិះកង់ទៅលេងទឹកស្រះនៅកន្លែងកើតហេតុ ។ ខណៈពេលលេងទឹក ក្មេងប្រុសរងគ្រោះក៏បានលោតទឹកហែលលេង តែជាអកុសល ពេលលោតចុះចំទឹករាក់និងមានភក់ល្បាប់ហើយក៍បានជាប់ក្បាលឈ្ល.ក់ទឹកស្លាប់លិចបាត់។
តាមព័ត៌មានអោយដឹងទៀតថា ខណៈនោះក្មេងប្រុស២នាក់ភ័.យស្លន់ស្លោ ក៏បានរត់ទៅប្រាប់អ្នកភូមិក្បែរនោះនឹងអង្វរអោយជួយរាវរកហើយប្រទះឃើញសពក្មេងរងគ្រោះដែលក្បាលជាប់ភក់ រួចនាំគ្នាសែងឡើងគោក ហើយប្រាប់ដល់ឪពុកម្តាយ ។
តាមក្មេងប្រុសដែលនាំគ្នាទៅលេងទឹកជាមួយគ្នាបានអោយដឹងថា នៅវេលាព្រឹកថ្ងៃកើតហេតុនេះ ខ្លួននឹងមិត្តភក្តិ៣នាក់ ក៏បានណាត់គ្នា ពេលចេញពីរៀនខ្មែរនាំគ្នាទៅលេងទឹក ហើយជនរងគ្រោះ ដែលជាប់រៀនអង់គ្លេសវេនថ្ងៃមិនបានទៅរៀន ក៍នាំគ្នាទៅលេងទឹកដែរក៏បានជួបគ្រោះអកុសលបែបនេះតែម្តង ។ បន្ទាប់ពីធ្វើការត្រួតពិនិត្យរួច ស.ពក្មេងរងគ្រោះត្រូវបានសមត្ថកិច្ចប្រគល់អោយគ្រួសារនាំយកទៅធ្វើបុណ្យតាមប្រពៃណី ៕
ចែករំលែកព័តមាននេះ