ខេត្តព្រះសីហនុ ៖ នៅព្រឹកថ្ងៃទី៣០ មករា ឆ្នាំ២០២៤ នេះ តាមសេចក្តីរាយការណ៍របស់ប្រជាពលរដ្ឋដែលសុំមិនបង្ហាញអត្តសញ្ញាណបានឲ្យដឹងថា កាលពីថ្ងៃចុងសប្តាហ៍កន្លងមកថ្មីៗនេះ សង្កេតឃើញមានបងប្អូនប្រជាពលរដ្ឋពពាក់ពពូនរហូតមកទល់ពេលនេះ នាំគ្នាចូលទៅកាប់ទន្ទ្រានបំផ្លិចបំផ្លាញដើមឈើអាកាស្យាដែលរដ្ឋបាលខេត្តបានដាំជាច្រើនឆ្នាំមកហើយ ក្នុងគោលបំណងរំលោភយកដីក្នុងដែនប្រើប្រាស់ទៅធ្វើជាកម្មសិទ្ធិឯកជន ។
ទាក់ទិនករណីខាងលើ លោកសាមុត សុធារិទ្ធ ប្រធានមន្ទីរបរិស្ថានខេត្តព្រះសីហនុបានឲ្យដឹងតាមទូរស័ព្ទកាលពីរសៀលថ្ងៃទី៣០ ខែមករា ឆ្នាំ២០២៤ នេះថា ចំពោះសកម្មភាពខាងលើ លោកមិនទាន់ទទួលបានព័ត៌មាននៅឡើយទេ តែលោកនឹងចាត់ឲ្យមន្ត្រីជំនាញចុះទៅពិនិត្យជាក់
ស្តែង ។
លោកប្រធានបានបញ្ជាក់ឲ្យដឹងបន្ថែមទៀតថា «ទីតាំងខាងលើស្ថិតក្នុងតំបន់ប្រើប្រាស់ច្រើនយ៉ាងទឹកស្អាតជំរាលក្បាលឆាយចែកចេញជាច្រើនតំបន់មើលទៅតាម( GPS )របស់មន្ត្រីជំនាញមានតំបន់ខ្លះអាចតាំងលំនៅឋានបានដែរ ក៏ប៉ុន្តែត្រូវមានគោលការណ៍ច្បាប់អនុញ្ញាតចេញដោយក្រសួងបរិស្ថាន។
លោកប្រធានមន្ទីរបរិស្ថានបានបញ្ជាក់ជាចុងក្រោយថា លោកនិងចាត់មន្ត្រីជំនាញឲ្យចុះទៅត្រួតពិនិត្យនៅកន្លែងទីតាំងដែលកំពុងតែធ្វើសកម្មភាព បើករណីរកឃើញថា មិនមានច្បាប់អនុញ្ញាតចេញពីក្រសួងបរិស្ថាទេនោះ លោកនឹងសុំគោលកាណ៍ទៅអយ្យការអមសាលាដំបូងខេត្តព្រះសីហនុ ដើម្បីធ្វើការឃាត់ខ្លួនយកទៅអនុវត្តទៅតាមនិតិវិធីច្បាប់ ដោយមិនលើកលែងឡើយ ។
ចែករំលែកព័តមាននេះ