រាជធានីភ្នំពេញ ៖ រថយន្តមួយគ្រឿងម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2N-2434 បើកបរដោយជនមិនស្គាល់អត្តសញ្ញាណម្នាក់បានបើកចូលក្នុងផ្ទះសំណាក់មួយកន្លែងដែលមានយីហោម៉ារ៉ាឌី ស្ថិតនៅជាប់គល់ស្ពានស្ទឹងមានជ័យ ជ្រុងខាងជើងក្នុងភូមិសាស្ត្រសង្កាត់ទំនប់ទឹក ខណ្ឌចំការមន បណ្តាលឱ្យធ្លាក់ចូលដល់
រាជធានីភ្នំពេញ ៖ រថយន្តមួយគ្រឿងម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2N-2434 បើកបរដោយជនមិនស្គាល់អត្តសញ្ញាណម្នាក់បានបើកចូលក្នុងផ្ទះសំណាក់មួយកន្លែងដែលមានយីហោម៉ារ៉ាឌី ស្ថិតនៅជាប់គល់ស្ពានស្ទឹងមានជ័យ ជ្រុងខាងជើងក្នុងភូមិសាស្ត្រសង្កាត់ទំនប់ទឹក ខណ្ឌចំការមន បណ្តាលឱ្យធ្លាក់ចូលដល់មាត់ប្រឡាយលូបង្ហូរទឹកសំអុយ ដោយសារតែម្ចាស់បើកចូលផ្ទះសំណាក់ខុសផ្លូវ ។ ហេតុការណ៍នេះបានកើតមានឡើងកាលពីវេលាទៀបភ្លឺថ្ងៃទី៣០ ឧសភា ២០១១ ពុំបណ្តាលឱ្យមានមនុស្សណាម្នាក់រងរបួសឡើយ ហើយរថយន្តក៏ពុំខូចខាតធ្ងន់ធ្ងរអ្វីដែរ ។ ជាងនេះទៅទៀត ទ្រព្យសម្បត្តិសាធារណៈនៅម្តុំកន្លែងកើតហេតុនោះ ក៏ពុំទទួលរងការខូចខាតអ្វីធំដុំដែរ ។
ក្រោយហេតុការណ៍កើតឡើង នៅវេលាព្រឹកថ្ងៃទី៣០ ឧសភា ២០១១ ម្ចាស់រថយន្តបានជួលរថយន្តស្ទូចមកស្ទូចយករថយន្តរបស់ខ្លួនទៅជួសជុលដោយខ្លួនឯងមិនរំខានដល់សមត្ថកិច្ចឡើយ ។ តាមប្រភពព័ត៌មាននៅកន្លែងកើតហេតុទាក់ទិននឹងឧប្បត្តិហេតុគ្រោះថ្នាក់ចរាចរណ៍ខាងលើនេះ បានឱ្យដឹងថា មុនពេលកើតហេតុ គេបានសង្កេតឃើញរថយន្តខាងលើត្រូវម្ចាស់បើកបរធ្វើដំណើរឆ្លងស្ពានស្ទឹងមានជ័យ ពីត្បូងទៅជើង ឆ្លងផុតគល់ស្ពានខាងជើងក៏បត់ទៅស្តាំបំណងចូលផ្ទះសំណាក់ម៉ារ៉ាឌី ប៉ុន្តែដោយសារចុះខុសច្រកចូលផ្ទះសំណាក់ ក៏រអិលធ្លាក់ប្រឡាយលូបង្ហូរទឹកសំអុយតែម្តងទៅ ។ ប្រភពដដែលបានបន្តថា មូលហេតុដែលរថយន្តខាងលើនេះបើកធ្លាក់ចូលប្រឡាយលូដោយសារនៅទីនោះមានច្រកពីរស្របគ្នា គឺច្រកទី១ចូលទៅកន្លែងចតរថយន្តរបស់ផ្ទះសំណាក់ម៉ារ៉ាឌី ហើយច្រកមួយទៀតចូលប្របមាត់ប្រឡាយបង្ហូរទឹកសំអុយក៏ជ្រុលធ្លាក់តែម្តងទៅ៕
ចែករំលែកព័តមាននេះ