ខេត្តកែប ៖ ដោយសារអត់ទ្រាំនូវទង្វើហិង្សាពីប្តីដែលវាយមកលើខ្លួនម្តងៗពេលដែលផឹកស្រាស្រវឹងជោកជាំនោះ ស្ត្រីជាប្រពន្ធក៏សម្រេចចិត្តលើកដៃវាយសម្លាប់ប្តីតែម្តង។ ជាក់ស្តែង ហេតុការណ៍រន្ធត់នេះ បានកើតឡើងទៅលើបុរសម្នាក់ឈ្មោះអិន សាត អាយុ៤៤ឆ្នាំ រស់នៅភូមិកំពង់ត្រឡាច…
ខេត្តកែប ៖ ដោយសារអត់ទ្រាំនូវទង្វើហិង្សាពីប្តីដែលវាយមកលើខ្លួនម្តងៗពេលដែលផឹកស្រាស្រវឹងជោកជាំនោះ ស្ត្រីជាប្រពន្ធក៏សម្រេចចិត្តលើកដៃវាយសម្លាប់ប្តីតែម្តង។
ជាក់ស្តែង ហេតុការណ៍រន្ធត់នេះ បានកើតឡើងទៅលើបុរសម្នាក់ឈ្មោះអិន សាត អាយុ៤៤ឆ្នាំ រស់នៅភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប មានប្រពន្ធឈ្មោះគឹម គួន អាយុ៤៣ឆ្នាំ បច្ចុបន្ន សមត្ថកិច្ចសាកសួរអធិការដ្ឋាននគរបាលខេត្តកែប ។
គួរបញ្ជាក់ថា ហេតុការណ៍ឃាតកម្មកើតឡើងកាលពីវេលាម៉ោង០៨យប់ថ្ងៃទី២៨ មករា ឆ្នាំ២០២៤ ស្ថិតនៅនឹងផ្ទះជនរងគ្រោះតែម្ដង ដោយប្រពន្ធបានប្រើវត្ថុរឹងវាយបណ្ដាលអោយជាំ និងរបួសនៅលើរាងកាយប្ដីជាច្រើនកន្លែង។
មុនពេលកើតេហេតុ បន្ទាប់ពីមានដំណឹងថា មានករណីសម្លាប់មនុស្ស កម្លាំងនគរបាលក្រុងកែប រួមទាំងព្រះរាជ្ញារងអមសាលាខេត្តកែប រួមទាំងគ្រូពេទ្យចុះទៅដល់លំនៅឋានជនរងគ្រោះ ហើយបើតាមការពិនិត្យសពបុរសជាប្ដី ទើបធ្វើឱ្យមានការសង្ស័យជាច្រើនទៅលើស្ត្រីប្រពន្ធជាអ្នកសម្លាប់ទើបឈានដល់ការឃាត់ខ្លួនស្ត្រីជាប្រពន្ធនាំមកកាន់ស្នងការនគរបាលខេត្តកែបតែម្តង ។
បើតាមចម្លើយសារភាពរបស់ស្ត្រីជាប្រពន្ធបាននិយាយប្រាប់សមត្ថកិច្ចថា មូលហេតុនៃការវាយសម្លាប់ប្ដី គឺមកពីខឹងប្ដីផឹកស្រាស្រវឹងរាល់ថ្ងៃ និងតែងរករឿងវាយតប់មកលើរូបគាត់ ទើបអត់ទ្រាំលែងបាន ពេលដែលប្ដីស្រវឹងខ្លួនក៏ធ្វើសកម្មភាពវាយសម្លាប់តែម្ដងទៅ ។
ទោះជាចម្លើយបែបនេះក៏ដោយ នគរបាលដែលចុះធ្វើកោសល្យវិច័យបុរសរងគ្រោះនៅផ្ទះខ្លួនកាលពីព្រឹកថ្ងៃទី២៩ ខែមករា និងប្រមូលវត្ថុតាងផ្សេងៗទៀត ដើម្បីចាត់ការទៅតាមនិតិវិធីច្បាប់ ។
ចែករំលែកព័តមាននេះ