បន្ទាប់ពីការពិគ្រោះយោបល់គ្នាអស់រយៈពេល៣ថ្ងៃ នៅទីក្រុងប៉ារីស ប្រទេសបារាំង រវាងកម្ពុជា និងថៃ ស្តីពី បញ្ហាអភិរក្សប្រាសាទព្រះវិហារ ដែលបានបញ្ចូលក្នុងបញ្ជីបេតិកភណ្ឌពិភពលោក អគ្គនាយិកាអង្គការយូណេស្កូ លោកជំទាវអ៊ីរីណា បូកូវ៉ា បានអបអរសាទរចំពោះការពិគ្រោះយោបល់នេះ និងបានសម្តែងការពេញចិត្តដែល
បន្ទាប់ពីការពិគ្រោះយោបល់គ្នាអស់រយៈពេល៣ថ្ងៃ នៅទីក្រុងប៉ារីស ប្រទេសបារាំង រវាងកម្ពុជា និងថៃ ស្តីពី បញ្ហាអភិរក្សប្រាសាទព្រះវិហារ ដែលបានបញ្ចូលក្នុងបញ្ជីបេតិកភណ្ឌពិភពលោក អគ្គនាយិកាអង្គការយូណេស្កូ លោកជំទាវអ៊ីរីណា បូកូវ៉ា បានអបអរសាទរចំពោះការពិគ្រោះយោបល់នេះ និងបានសម្តែងការពេញចិត្តដែលឃើញភាគីទាំង២អះអាងពីឆន្ទៈថែរក្សាប្រាសាទនេះ ក៏ប៉ុន្តែលោកជំទាវមានការខកចិត្ត ព្រោះតែពុំសម្រេចបានកិច្ចព្រមព្រៀងណាមួយ ។
គណៈប្រតិភូកម្ពុជាដឹកនាំដោយលោកឧបនាយករដ្ឋមន្ត្រីសុខ អាន និងគណៈប្រតិភូថៃដឹកនាំដោយរដ្ឋមន្ត្រីធនធានធម្មជាតិ និងបរិស្ថាន លោកស៊ូវីត ឃុនគីទិ ។ ការប្រជុំពិគ្រោះយោបល់នេះប្រព្រឹត្តទៅមុនកិច្ចប្រជុំលើកទី៣៥ របស់គណៈកម្មាធិការបេតិកភណ្ឌពិភពលោក ដែលត្រូវធ្វើនៅទីស្នាក់ការអង្គការយូណេស្កូ ក្នុងទីក្រុងប៉ារីស ពីថ្ងៃទី១៩ ដល់២៩ មិថុនា ខាងមុខ ហើយដែលក្នុងសម័យប្រជុំនោះការអភិរក្សប្រាសាទព្រះវិហារ នឹងត្រូវលើកយកមកពិភាក្សា ។
ដោយសម្តែងការខកចិត្ត ព្រោះពុំសម្រេចបានកិច្ចព្រមព្រៀងណាមួយស្តីពីវិធានការជាក់ស្តែងទាំងឡាយ លោកជំទាវអ៊ីរីណា បូកូវ៉ា បានអំពាវនាវដល់ប្រទេសទាំង២ ឱ្យបន្តការខិតខំប្រឹងប្រែងដើម្បីសម្រេចឱ្យបានកិច្ចព្រមព្រៀងមួយមុនសម័យប្រជុំរបស់គណៈកម្មាធិការបេតិកភណ្ឌពិភពលោក នាខែមិថុនា ក្នុងស្មារតីនៃកិច្ចសហប្រតិបត្តិការ និងចរចាប្រកបដោយការស្ថាបនា ។
យោងតាមអង្គការយូណេស្កូថា ការពិគ្រោះយោបល់ទាំងឡាយដែលប្រព្រឹត្តទៅក្នុងបរិយាកាសបើកចំហនៃការចរចា និងកិច្ចសហប្រតិបត្តិការគឺសំដៅសម្រួលការយោគយល់គ្នាលើបញ្ហាទាំងឡាយ ដែលទាក់ទងនឹងបេតិកភណ្ឌពិភពលោក ហើយឱ្យសម្រេចបានកិច្ចព្រមព្រៀងមួយ ដើម្បីកែលំអការអភិរក្សប្រាសាទព្រះវិហារ និងការគំរាមកំហែងនាពេលថ្មីៗនេះ ។
កាលពីខែកុម្ភៈកន្លងមកនេះ លោកជំទាវអ៊ីរីណា បូកូវ៉ា ធ្លាប់បានសម្តែងការព្រួយបារម្ភរបស់លោកជំទាវ ក្រោយពីការប៉ះទង្គិចគ្នាដោយអាវុធនៅជុំវិញប្រាសាទព្រះវិហារ ហើយគូសបញ្ជាក់ថា បេតិកភណ្ឌពិភពលោកដាច់ខាត មិនត្រូវជាប្រភពនៃជម្លោះឡើយ ៕
ចែករំលែកព័តមាននេះ