ខេត្តកំពត ៖ អាជ្ញាធរស្រុកបន្ទាយមាស កាលពីរសៀលថ្ងៃទី២៤ មករា បានបែងចែកកម្លាំងជំនាញខាងរ៉ែ និងមន្ត្រីនគរបាលចុះធ្វើកំណត់ហេតុគ្រឿងចក្ររបស់ក្រុមហ៊ុនចំនួន៥កន្លែងផ្សេងៗគ្នាពាក់ ព័ន្ធយកគ្រឿងចក្រកាយដីស្ដារប្រឡាយចាស់យកអាចម៍ដីលក់ និងកាយព្រែក បឹងយកអាចម៍ដីលក់…
ខេត្តកំពត ៖ អាជ្ញាធរស្រុកបន្ទាយមាស កាលពីរសៀលថ្ងៃទី២៤ មករា បានបែងចែកកម្លាំងជំនាញខាងរ៉ែ និងមន្ត្រីនគរបាលចុះធ្វើកំណត់ហេតុគ្រឿងចក្ររបស់ក្រុមហ៊ុនចំនួន៥កន្លែងផ្សេងៗគ្នាពាក់ ព័ន្ធយកគ្រឿងចក្រកាយដីស្ដារប្រឡាយចាស់យកអាចម៍ដីលក់ និងកាយព្រែក បឹងយកអាចម៍ដីលក់ ។
ជាក់ស្ដែង នៅឃុំស្ដេចគង់ខាងលិច ក្នុងស្រុកបន្ទាយមាសនេះ មានគំរោងស្ដារបឹងជាង១គីឡូ ម៉ែត្រយកអាចម៍ដីចូលរោងចក្រខេ ដែលមានក្រុមហ៊ុនបូនី សក្កិជាដឹកជញ្ជូនដី ប៉ុន្តែកងនគរបាលមូលដ្ឋានឃុំក៏ដូចជានគរបាលស្រុកបានចុះមកធ្វើកំណត់ហេតុឱ្យក្រុមហ៊ុនផ្អាកការដឹកជញ្ជូនដីសិន ដើម្បីរង់ចាំមន្ត្រីខាងរ៉ែ និងថាមពលចុះពិនិត្យថា តើមានច្បាប់ដឹកជញ្ជូនដីដែរឬអត់?
ចំណែកឯគ្រឿងចក្រដែលដាក់ដង្ហែគ្នាកាយដីព្រែកចាប់ពីព្រៃក្រឡារហូតដល់ស្រែកទា ស្ថិតក្នុងឃុំទូកមាសខាងកើតក៏ត្រូវឱ្យផ្អាកការកាយដីទាំងអស់ ព្រោះថាការធ្វើអាជីវកម្មកាយដីបឹងព្រែកលក់ និងដឹកជញ្ជូនចូលរោងចក្រធ្វើឱ្យប៉ះពាល់ដល់ដីបឹងដែលប្រជាពលរដ្ឋធ្លាប់អាស្រ័យផលហើយក្រុមហ៊ុនយករូបភាពថា ស្ដារបឹងធ្វើពលរដ្ឋបាត់ទំនុកចិត្តលើអាជ្ញាធរមិនបានផ្សព្វផ្សាយប្រាប់ពលរដ្ឋ ។
ចែករំលែកព័តមាននេះ