ពីទីក្រុងឡាអេ ប្រទេសហូឡង់ឯណោះវិញ បាតុកម្មអហិ.ង្សានៅមុខតុលាការអន្តរជាតិទីក្រុងឡាអេ ប្រទេសហូឡង់ ប្រឆាំងនឹងការឈ្លានពានរបស់ប្រទេសថៃលើបូរណភាពទឹកដីនៃប្រទេសកម្ពុជា បានធ្វើឡើងកាលពីរសៀលថ្ងៃសៅរ៍ ទី២៨ ឧសភា ២០១១ ពោលគឺបានធ្វើឡើងតាមការគ្រោងទុក ។ បើតាមសេចក្តីរាយការណ៍បានឱ្យដឹងថា
ពីទីក្រុងឡាអេ ប្រទេសហូឡង់ឯណោះវិញ បាតុកម្មអហិង្សានៅមុខតុលាការអន្តរជាតិទីក្រុងឡាអេ ប្រទេសហូឡង់ ប្រឆាំងនឹងការឈ្លានពានរបស់ប្រទេសថៃលើបូរណភាពទឹកដីនៃប្រទេសកម្ពុជា បានធ្វើឡើងកាលពីរសៀលថ្ងៃសៅរ៍ ទី២៨ ឧសភា ២០១១ ពោលគឺបានធ្វើឡើងតាមការគ្រោងទុក ។ បើតាមសេចក្តីរាយការណ៍បានឱ្យដឹងថា ក្រុមបាតុករជនជាតិខ្មែរប្រមាណជិត១០០នាក់ មកពីបណ្តាប្រទេសនានានៅទ្វីបអឺរ៉ុបបានលើកបដាតវ៉ាដែលមានខ្លឹមសារប្រឆាំងនឹងការឈ្លានពានរបស់ថៃ និងស្នើឱ្យថៃដកកងទ័ពជាបន្ទាន់ចេញពីតំបន់ជុំវិញប្រាសាទព្រះវិហារ និងតំបន់ដីខ្មែរតាមបណ្តោយព្រំដែនកម្ពុជា-ថៃ ។
បាតុករបានស្រែកតវ៉ាប្រឆាំងការឈ្លានពានរបស់ថៃ និងទាមទារឱ្យរដ្ឋាភិបាលថៃគោរពសាលក្រមតុលាការអន្តរជាតិទីក្រុងឡាអេ ដែលបានកាត់ឱ្យកម្ពុជាឈ្នះក្តីលើភាគីថៃ កាលពីឆ្នាំ១៩៦២ ។ នៅម៉ោងប្រហែល១និង៣០នាទី ក្រុមបាតុករបានដង្ហែក្បួនទៅតវ៉ាប្រឆាំងនឹងការឈ្លានពានរបស់ថៃនៅមុខស្ថានទូតថៃ ។ ការធ្វើបាតុកម្មនេះគឺផ្អែកទៅលើច្បាប់ស្តីពីការធ្វើបាតុកកម្មរបស់ប្រទេសហូឡង់ផង និងដើម្បីរក្សានូវសេចក្តីថ្លៃថ្នូរ និងសាមគ្គីជាតិនៃប្រជាជាតិខ្មែរទាំងមូលផង ។ បើតាមសេចក្តីរាយការណ៍បានបញ្ជាក់ទៀតថា បាតុកម្មនេះក្រៅពីប្រជាពលរដ្ឋខ្មែរក៏មានជនជាតិហូឡង់ និងប្រជាពលរដ្ឋភូមាចូលរួមផងដែរ។
គួរបញ្ជាក់ថា បាតុកម្មប្រឆាំងការឈ្លានពានរបស់ថៃនេះ នឹងធ្វើឡើងម្តងទៀតនៅថ្ងៃចន្ទ ទី៣០ ឧសភា វេលាម៉ោង១២និង៣០នាទីនៅមុខតុលាការក្រុងឡាអេ ប្រទេសហូឡង់ គឺនៅចំពេលដែលគណៈប្រតិភូរដ្ឋាភិបាលកម្ពុជា ដឹកនាំដោយលោកឧបនាយករដ្ឋមន្ត្រីហោ ណាំហុង មកកាន់តុលាការយុត្តិធម៌អន្តរជាតិមួយនេះ ដើម្បីស្តាប់ការបកស្រាយសាជាថ្មីលើសាលក្រមកាលពីឆ្នាំ១៩៦២៕
ចែករំលែកព័តមាននេះ