មេដឹកនាំក្រុមប្រឆាំងលីប៊ីកាលពីថ្ងៃទី២៨ ឧសភា កន្លងមក បានប្រាប់អ្នកកាសែតថា លោកស្វាគមន៍ចំពោះគោលជំហររបស់រុស្ស៊ីដែលអំពាវនាវឱ្យលោកមូអាម៉ា កាដាហ្វី លាលែងចេញពីតំណែង ។ ប្រធានាធិបតីរុស្ស៊ី លោកឌីមីទ្រី ម៉េដវេដេវ កាលពីថ្ងៃទី២៨ ឧសភា កន្លងមក បានអំពាវនាវឱ្យលោកកាដាហ្វី បោះបង់ចោលអំណាចតាមរយៈ
មេដឹកនាំក្រុមប្រឆាំងលីប៊ីកាលពីថ្ងៃទី២៨ ឧសភា កន្លងមក បានប្រាប់អ្នកកាសែតថា លោកស្វាគមន៍ចំពោះគោលជំហររបស់រុស្ស៊ីដែលអំពាវនាវឱ្យលោកមូអាម៉ា កាដាហ្វី លាលែងចេញពីតំណែង ។ ប្រធានាធិបតីរុស្ស៊ី លោកឌីមីទ្រី ម៉េដវេដេវ កាលពីថ្ងៃទី២៨ ឧសភា កន្លងមក បានអំពាវនាវឱ្យលោកកាដាហ្វី បោះបង់ចោលអំណាចតាមរយៈសេចក្តីថ្លែងការណ៍មួយ ។ សេចក្តីថ្លែងការណ៍នេះរបស់លោកម៉េដវេដេវ ធ្វើឡើងសំដៅគាំទ្រជំហររបស់មេដឹកនាំអាេមរិក និងអឺរ៉ុប ដែលហាក់ដូចជាបិទប្រឡោះផ្នែកការទូតសម្រាប់មេដឹកនាំផ្តាច់ការលីប៊ីដែលកាន់អំណាចជាយូរមកហើយ ។
ប្រធានក្រុមប្រឹក្សាជាតិបណ្តោះអាសន្នលីប៊ី លោក Mustafa Abdul Jalil និយាយថា លោកបានផ្តល់ការលើកលែងទោសដល់ពួកអ្នកគាំទ្រលោកកាដាហ្វី ដែលផ្តាច់ខ្លួនចេញមុនពេលរបបរបស់លោកកាដាហ្វី ត្រូវផ្តួលរំលំ ប៉ុន្តែលោកបានអះអាងបញ្ជាក់សាជាថ្មីម្តងទៀតថា នឹងពុំមានការចរចាឡើយ រហូតទាល់តែលោកកាដាហ្វី បោះបង់ចោលអំណាច ។ លោក Jalil និយាយទៀតថា ប្រសិនបើលោកកាដាហ្វី យល់ព្រមលាលែងចេញពីតំណែងមែននេះ ការបោះប្រជាមតិលើរដ្ឋធម្មនុញ្ញមួយ និងការបោះឆ្នោតនឹងត្រូវរៀបចំ ឡើងក្នុងរយៈពេលមួយឆ្នាំ ៕
ចែករំលែកព័តមាននេះ