យោងតាមអ្នកនាំពាក្យម្នាក់របស់អូតង់នៅក្រុងប្រ៊ុចស៊ែលថា មជ្ឈមណ្ឌលត្រួតពិនិត្យនិងជាទីបញ្ជាការដ្ឋានមួយជាកន្លែងដែលជួនកាលលោកកាដាហ្វី ស្នាក់នៅទីនោះក្នុងទីក្រុងទ្រីប៉ូលី កាលពីថ្ងៃទី២៨ ឧសភា រងការវាយប្រហារតាមអាកាសរបស់អូតង់ ។ មេដឹកនាំលីប៊ីពុំមែនជាគោលដៅនៃការវាយប្រហារឡើយ ហើយគេក៏ពុំដឹងថា
យោងតាមអ្នកនាំពាក្យម្នាក់របស់អូតង់នៅក្រុងប្រ៊ុចស៊ែលថា មជ្ឈមណ្ឌលត្រួតពិនិត្យនិងជាទីបញ្ជាការដ្ឋានមួយជាកន្លែងដែលជួនកាលលោកកាដាហ្វី ស្នាក់នៅទីនោះក្នុងទីក្រុងទ្រីប៉ូលី កាលពីថ្ងៃទី២៨ ឧសភា រងការវាយប្រហារតាមអាកាសរបស់អូតង់ ។ មេដឹកនាំលីប៊ីពុំមែនជាគោលដៅនៃការវាយប្រហារឡើយ ហើយគេក៏ពុំដឹងថា លោកកាដាហ្វីស្ថិតនៅទីនោះដែរ ឬយ៉ាងណាឡើយ ។
ប្លុកអគារនិវេសនដ្ឋាន BAB AL-AZIZIYAH ក្នុងរដ្ឋធានីលីប៊ី រងការវាយប្រហារកាលពីព្រឹកថ្ងៃទី២៨ ឧសភា ។ ទីតាំងដដែលនោះធ្លាប់រងការខូចខាតធ្ងន់ធ្ងររួចហើយ ដោយសារការទម្លាក់គ្រាប់បែករបស់កងយន្តហោះអាមេរិកកាលពី២៥ឆ្នាំមុនជាការសងសឹកចំពោះការវាយប្រហារមួយដែលបណ្តាលឱ្យទាហានអាមេរិក២នាក់ស្លាប់ក្នុងហាងឌីស្កូមួយនៅទីក្រុងប៊ែរឡាំង ប្រទេសអាល្លឺម៉ង់ ។ កន្លែងទុករថយន្តមួយក្នុងតំបន់នេះដែរ រងការវាយប្រហារនាវេលាម៉ោង១០ម៉ោងសាកលថ្ងៃទី២៨ ឧសភា ។
ការវាយប្រហារនេះរបស់អូតង់ធ្វើឱ្យខ្ទ័រដល់កញ្ចក់នៅក្រុងទ្រីប៉ូលី ហើយគេឃើញពពក ផ្សែងហុយចេញ។ កាលពីថ្ងៃទី២៧ ឧសភា កន្លងមកនេះ ក្នុងកិច្ចប្រជុំកំពូលរបស់ G-8 នៅក្រុង DEAU-VILLE ប្រទេសបារាំងប្រមុខរដ្ឋ និងប្រមុខរដ្ឋាភិបាលរបស់ប្រទេសមហាឧស្សាហកម្មទាំង៨ក្នុងសេចក្តីថ្លែងការណ៍ចុងក្រោយអះអាងថា លោកកាដាហ្វីពុំមានអនាគតណាមួយក្នុងប្រទេសលីប៊ីប្រជាធិបតេយ្យ និងសេរីឡើយ ហើយត្រូវចាកចេញ ៕
ចែករំលែកព័តមាននេះ