ខឹងម្ចាស់ចម្ការដេញឈប់ឱ្យធ្វើការ លួ.ចដុ.តដើមកៅស៊ូឆេះអស់ច្រើនដើម
- ស្ទឹងត្រែង
ខេត្តស្ទឹងត្រែង ៖ តាមសេចក្តីរាយការណ៍បានឲ្យដឹងថា កាលពីរសៀលថ្ងៃទី២២ ខែមករា ឆ្នាំ២០២៤
ខេត្តស្ទឹងត្រែង ៖ តាមសេចក្តីរាយការណ៍បានឲ្យដឹងថា កាលពីរសៀលថ្ងៃទី២២ ខែមករា ឆ្នាំ២០២៤
ខេត្តស្ទឹងត្រែង ៖ តាមសេចក្តីរាយការណ៍បានឲ្យដឹងថា កាលពីរសៀលថ្ងៃទី២២ ខែមករា ឆ្នាំ២០២៤ កម្លាំងសមត្ថកិច្ចនគរបាលការិយាល័យជំនាញព្រហ្មទណ្ឌកម្រិតស្រាលខេត្តស្ទឹងត្រែង បានធ្វើការស្រាវជ្រាវ និងឃាត់ខ្លួនជនសង្ស័យម្នាក់ ពាក់ព័ន្ធករណីធ្វើឲ្យខូចខាតដោយចេតនា«លួចដុតចំការកៅស៊ូឆេះអស់ជាច្រើនដើម» និងប្រើប្រាស់នូវសារធាតុញៀ.ន ។
ជនសង្ស័យឈ្មោះ ជួន វីរៈ ភេទប្រុស អាយុ២៥ឆ្នាំ រស់នៅភូមិរាជានុកូល២ សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ។
សេចក្តីការណ៍បានឲ្យដឹងទៀតថា កាលពីវេលាម៉ោងប្រមាណ១១ព្រឹកថ្ងៃទី២១ ខែមករា ឆ្នាំ២០២៤ ជនសង្ស័យបានធ្វើសកម្មភាពលួចដុ.តចម្ការកៅស៊ូរបស់ឈ្មោះ ជួ លាងហួរ ភេទស្រី អាយុ៦២ឆ្នាំ រស់នៅភូមិត្រពាំងព្រីង សង្កាត់. ក្រុងស្ទឹងត្រែង បណ្តាលឲ្យខូចខាតដើមកៅស៊ូអស់ជាច្រើនដើម ដោយមូលហេតុជនសង្ស័យខឹងម្ចាស់ចម្ការ ដេញឈប់ឱ្យធ្វើការតទៅទៀត ។
បន្ទាប់ពីដុតចំការកៅស៊ូឆេះអស់ជាច្រើនដើមរួច ជនសង្ស័យបានរត់គេចខ្លួនដែរ ប៉ុន្តែក្រោមការយកចិត្តទុកដាក់ពីសំណាក់លោកឧត្តមសេនីយ៍ទោស្នងការនគរបាលខេត្តស្ទឹងត្រែង និងដឹកនាំបញ្ជារលោកឧត្តមសេនីត្រីស្នងការរងទទួលផែនការងារនគរបាលព្រហ្មទណ្ឌ បានសហការជាមួយលោកអធិការ នៃអធិការដ្ឋាននគរបាលក្រុងស្ទឹងត្រែង ចុះស្រាវជ្រាវរហូតឈានដល់ការឃាត់ខ្លួនជនសង្ស័យតែម្តង ។
ក្រោយឃាត់ខ្លួន ជនសង្ស័យបានសារភាពទទួលស្គាល់ថា ខ្លួនពិតជាបានដុតចម្ការកៅស៊ូនោះមែន និងយោងទៅលើពាក្យបណ្តឹងរបស់ជនរងគ្រោះ សមត្តកិច្ចបានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី ៕
ចែករំលែកព័តមាននេះ