មនុស្សច្រើនរយពាន់នាក់ធ្វើបាតុកម្មប្រឆាំងក្រុមស្ដាំនិយមជ្រុលនៅអាល្លឺម៉ង់
ប្រទេសអាល្លឺម៉ង់ ៖ ពលរដ្ឋអាល្លឹម៉ង់ច្រើនរយពាន់នាក់លើកគ្នាធ្វើបាតុកម្ម ពេញមួយចុងសប្ដាហ៍
ប្រទេសអាល្លឺម៉ង់ ៖ ពលរដ្ឋអាល្លឹម៉ង់ច្រើនរយពាន់នាក់លើកគ្នាធ្វើបាតុកម្ម ពេញមួយចុងសប្ដាហ៍ប្រឆាំងពួកស្ដាំនិយមជ្រុលក្រុមAFDក្នុងប្រទេសមួយដែលកំពុងជួបប្រទះនឹងនិន្នាការស្ដាំនិយមជ្រុលរបស់គណបក្សនោះ។
បាតុកម្មចាប់ផ្ដើមពីថ្ងៃទី១៩ មករា មក នៅក្នុងទូទាំងប្រទេសដោយមានការប្រមូលផ្ដុំមនុស្សសរុបប្រមាណជាង១,៤លាននាក់។ នៅក្រុងមុយនិកប៉ូលិសរាយការណ៍ពីបាតុករ១០០.០០០នាក់។ ពួកបាតុករបានលើកប៉ង់កាតដែលសរសេរថាពួកណាហ្សុីចេញទៅ និងពាក្យថាដាច់ខាតមិនត្រូវមានបែបនេះឡើយចាប់ពីពេលនេះទៅ។
ដោយសារភាពយឺតយ៉ាវនៃសេដ្ឋកិច្ចនិងអតិផរណា គណបក្សដែលប្រឆាំងអន្តោប្រវេសន៍នោះ កាន់តែមានប្រជាប្រិយភាពក្នុងប្រទេស។ នេះបើតាមការស្ទាបស្ទង់មតិនានា។ ខណៈសល់ពេល៦ខែទៀតដល់ការបោះឆ្នោតសភាសហភាពអឹរ៉ុប ប្រទេសជាច្រើននៃសហភាពអឺរ៉ុបកំពុងប្រឈមមុខនឹងការរីកធំធាត់នៃលទ្ធិស្ដាំនិយមជ្រុល ដែលអាចឲ្យបាត់លំនឹងរបស់សភាអឺរ៉ុប ៕
ចែករំលែកព័តមាននេះ