ស្ត្រីទីមួយបារាំង លោកស្រីកាឡា ប្រូនី សាកូហ្ស៊ី កាលពីថ្ងៃទី២៦ ឧសភា បានបង្ហាញខ្លួនជានារីមានផ្ទៃពោះក្នុងចំណោមស្ត្រីទីមួយ របស់បណ្តាប្រទេសជាសមាជិក G-8 ក្នុងឱកាសនៃកិច្ចប្រជុំកំពូល G-8 នៅក្រុង DEAU-VILLE របស់បារាំង ។ ស្ត្រីទីមួយបារាំងបានទទួលភរិយាមេដឹកនាំបរទេសជាច្រើនដែលមកចូលរួមកិច្ចប្រជុំកំពូល G-8 នៅក្រុង DEAUVILLE ពិសេសក្នុងពេលអាហារថ្ងៃត្រង់មួយ
ស្ត្រីទីមួយបារាំង លោកស្រីកាឡា ប្រូនី សាកូហ្ស៊ី កាលពីថ្ងៃទី២៦ ឧសភា បានបង្ហាញខ្លួនជានារីមានផ្ទៃពោះក្នុងចំណោមស្ត្រីទីមួយ របស់បណ្តាប្រទេសជាសមាជិក G-8 ក្នុងឱកាសនៃកិច្ចប្រជុំកំពូល G-8 នៅក្រុង DEAU-VILLE របស់បារាំង ។
ស្ត្រីទីមួយបារាំងបានទទួលភរិយាមេដឹកនាំបរទេសជាច្រើនដែលមកចូលរួមកិច្ចប្រជុំកំពូល G-8 នៅក្រុង DEAUVILLE ពិសេសក្នុងពេលអាហារថ្ងៃត្រង់មួយ ។ ដោយឈរឱ្យគេថតក្នុងការស្លៀកសំពត់រ៉ូបពោះធំ ពណ៌ស លោកស្រីកាឡាប្រូនី មិនលាក់បាំងឡើយពីផ្ទៃពោះរបស់លោកស្រី ។ ទោះបីជាវិមានប្រធានាធិបតីបារាំង ELYSEE នៅពុំទាន់អះអាងជាផ្លូវការពីការមានផ្ទៃពោះរបស់លោកស្រីកាឡាប្រូនីក៏ដោយក៏រូបភាពមួយចំនួនកាលពីថ្ងៃទី២៦ ឧសភា បានបង្ហាញច្បាស់ដោយខ្លួនឯងដែរ ។
ការមានផ្ទៃពោះរបស់លោកស្រីកាឡា ប្រូនី សាកូហ្ស៊ី ត្រូវបានប្រកាសកាលពីថ្ងៃទី១៧ ឧសភា កន្លងមក ដោយលោកប៉ាល់ សាកូហ្ស៊ី ឪពុករបស់ប្រធានាធិបតីបារាំង លោកនីកូឡាស់សាកូហ្ស៊ី ក្នុងបទសម្ភាសន៍មួយជាមួយកាសែត BILD របស់អាល្លឺម៉ង់ ចំណែកឯម្តាយរបស់លោកស្រីកាឡា ប្រូនី ក៏អះអាងរឿងនេះប្រាប់កាសែតអ៊ីតាលីមួយដែរ៕
ចែករំលែកព័តមាននេះ