ខេត្តកំពត ៖ ប្រជាពលរដ្ឋរាប់រយគ្រួសារ ដែលមានលំនៅឋានអមសងខាងផ្លូវជាតិលេខ33 ស្ថិតនៅភូមិភ្នំសាឡី ភូមិអូរច្រនៀង និងភូមិកណ្ដាលទួល ឃុំកំពង់ត្រាចខាងលិច ស្រុកកំពង់ត្រាច ខេត្តកំពត…
ខេត្តកំពត ៖ ប្រជាពលរដ្ឋរាប់រយគ្រួសារ ដែលមានលំនៅឋានអមសងខាងផ្លូវជាតិលេខ33 ស្ថិតនៅភូមិភ្នំសាឡី ភូមិអូរច្រនៀង និងភូមិកណ្ដាលទួល ឃុំកំពង់ត្រាចខាងលិច ស្រុកកំពង់ត្រាច ខេត្តកំពត កាលពីព្រឹកថ្ងៃទី១៦ មករា ២០២៤ បានលើកគ្នាចេញមកបិទផ្លូវដោយយករនាំងបាំងរោងការមកដាក់ទទឹងផ្លូវមិនអោយធ្វើចរាចរណ៍បាន ។
ពលរដ្ឋរស់នៅអមសងខាងផ្លូវបាននិយាយថា ពួកគាត់អត់ទ្រាំយូរខែមកហើយ ព្រោះហុយដីខ្លាំងពេកទើបពួកគាត់ទ្រាំលែងបាន ក៏នាំគ្នាចេញមកបិទផ្លូវតែម្ដង ដើម្បីអោយម្ចាស់ក្រុមហ្ន៊នស្ថាបនាផ្លូវចេញមកដោះស្រាយ។
បន្ទាប់ពីមានការបិទផ្លូវជាតិលេខ33 កំពង់ត្រាច ទៅដល់ព្រំទល់ខេត្តកែប គេឃើញលោកនាយករដ្ឋបាលសាលាស្រុកកំពង់ត្រាច រួមទាំងលោកចាន់ថា អភិបាលរងខេត្តកំពត ក្នុងនោះក៏មានតំណាងអោយក្រុមហ៊ុនចិនចូលរួមធ្វើការសម្រួលជាមួយប្រជាពលរដ្ឋ និងអាជ្ញាធរស្រុកកំពង់ត្រាចនៅឯសាលាឃុំកំពង់ត្រាច។
លោកចាន់ថា អភិបាលរងខេត្តបានអោយក្រុមហ៊ុនស្ថាបនាផ្លូវបាញ់ទឹកស្រោចផ្លូវកំពុងស្ថាបនាអោយបាន6ដងក្នុងមួយថ្ងៃ ចៀសវាងមិនឱ្យបាញ់ទឹកធ្វើអោយមានការផលប៉ះពាល់ដល់សុខភាពរបស់ពលរដ្ឋទូទៅ ។ ចំណែកឯខាងក្រុមហ៊ុនក៏យល់ព្រមតាមការសំណូមពររបស់លោកចាន់ថា អភិបាលរងខេត្តកំពតធ្វើយ៉ាងណា កុំអោយមានបញ្ហាកើតសារជាថ្មី ។
ចែករំលែកព័តមាននេះ