អណ្ដាតភ្លើងឆេះដីព្រៃឬស្សី និងដីចំការស្វាយយ៉ាងសន្ធោសន្ធៅអស់ជាង២០ហិកតា (វីដេអូ)
- កំពត
អណ្ដាតភ្លើងបានឆាបឆេះដីព្រៃឫស្សី និងដីចំការស្វាយមួយកន្លែងយ៉ាងសន្ធោសន្ធៅ បណ្ដាលឱ្យខូចខាតអស់ជាង២០ហិកតា ដោយសង្ស័យថា
អណ្ដាតភ្លើងបានឆាបឆេះដីព្រៃឫស្សី និងដីចំការស្វាយមួយកន្លែងយ៉ាងសន្ធោសន្ធៅ បណ្ដាលឱ្យខូចខាតអស់ជាង២០ហិកតា ដោយសង្ស័យថា
ខេត្តកំពត ៖ អណ្ដាតភ្លើងបានឆាបឆេះដីព្រៃឫស្សី និងដីចំការស្វាយមួយកន្លែងយ៉ាងសន្ធោសន្ធៅ បណ្ដាលឱ្យខូចខាតអស់ជាង២០ហិកតា ដោយសង្ស័យថា អាចមកពីការយកឃ្មុំ បង្កឱ្យមានការភ្ញាក់ផ្អើលកាលពីវេលាម៉ោង៩និង៣០នាទីព្រឹក ថ្ងៃទី១៥ ខែមករា ឆ្នាំ២០២៤ នៅត្រង់ចំណុចអ្នកតាកក្រហម ស្ថិតក្នុងភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ។
លោកវីរៈសេនីយ៍ឯក សូ ប៊ុនធឿន អធិការនគរបាលស្រុកទឹកឈូ បានប្រាប់ឲ្យដឹងថា ក្រោយពីមានហេតុការណ៍ករណីអគ្គិភ័យឆេះព្រៃខាងលើនេះ លោកក៏បានដឹកនាំកម្លាំងចុះអន្តរាគមន៍ភ្លាមៗ និងរាយការណ៍សុំអន្តរាគមន៍ពីការិយាល័យពន្លត់អគ្គិភ័យ នៃស្នងការដ្ឋាននគរបាលខេត្តកំពត។
លោកអធិការនគរបាលស្រុកទឹកឈូ ប្រាប់ឲ្យដឹងបន្តថា ពេលនោះ កម្លាំងការិយាល័យពន្លត់អគ្គិភ័យរបស់កម្លាំងស្នងការដ្ឋាននគរបាលខេត្ត បានបញ្ជូនរថយន្តពន្លត់អគ្គិភ័យចំនួន៣គ្រឿងចុះជួយអន្តរាគមន៍ពន្លត់ភ្លាមៗ។ ជាមួយគ្នានោះដែរ កម្លាំងការិយាល័យពន្លត់អគ្គិភ័យកងរាជអាវុធហត្ថខេត្ត ក៏បានចេញរថយន្ត២គ្រឿងទៀតទៅជួយអន្តរាគមន៍ពន្លត់ភ្លាមៗផងដែរ។
លោកអធិការ បានឲ្យដឹងទៀតថា ការធ្វើអន្តរាគមន៍ពន្លត់ភ្លើងឆាបឆេះព្រៃខាងលើនេះ គឺបានប្រើប្រាស់កម្លាំងពន្លត់អស់រយៈពេល៤ម៉ោង និងអស់ទឹកចំនួន៥រថយន្ត ទើបអណ្ដាតភ្លើងរលត់ទៅវិញជាស្ថាពរ។
លោកអធិការ បានឲ្យដឹងទៀតថា ជុំវិញគ្រោះអគ្គិការឆាបឆេះខាងលើនេះ បានបណ្តាលឲ្យខូចខាត រួមមាន ៖ ឆេះដីចំការ និងដីព្រៃឬស្សីសរុបចំនួន២២ហិកតា ក្នុងនោះខូចខាតស្វាយអស់ចំនួនជាង១០០ដើម ក្រៅពីនោះ គឺឆេះព្រៃឫស្សីទាំងអស់។
តាមការសន្និដ្ឋានរបស់សមត្ថកិច្ចអំពីមូលហេតុនៃករណីភ្លើងឆេះព្រៃនេះដែរ គឺសង្ស័យថា «អាចមកពីមានក្មេងៗទៅដុ.តឃ្មុំនៅក្នុងព្រៃឫស្សី ទើបបណ្ដាលឲ្យមានភ្លើងឆេះរាលដាលតែម្ដង» ប៉ុន្តែនេះគ្រាន់តែជាការសន្និដ្ឋានបឋមរបស់កម្លាំងសមត្ថកិច្ច ដែលចុះជួយអន្តរាគមពន្លត់អគ្គិភ័យខាងលើតែប៉ុណ្ណោះ។
លោកឧត្តមសេនីយ៍ទោ ម៉ៅ ចន្ទ័មធុរិទ្ធ ស្នងការការខេត្ត ក៏បានសំណូមពរតាមរយៈសារព័ត៌មាន សូមឲ្យបងប្អូនប្រជាពលរដ្ឋទូទាំងខេត្ត ឲ្យមានការប្រុងប្រយ័ត្នខ្ពស់ ចំពោះបញ្ហាការបង្កហានិភ័យដែលអាចធ្វើឲ្យគ្រោះអគ្គិភ័យកើតឡើងជាយថាហេតុ ដូចជា ៖ ការដើរព្រៃបង្កាត់ភ្លើងចម្អិនម្ហូបអាហារ, ការដុ.តឃ្មុំ និងករណីផ្សេងៗទៀត។ ហើយត្រូវមានការប្រុងប្រយ័ត្នទាំងអស់គ្នា ពីព្រោះរដូវនេះ គឺជារដូវក្តៅ និងមានខ្យល់ផងដែរ បើសិនជាកើតមានអគ្គិភ័យឆាបឆេះហើយនោះ គឺឆេះគ្មានសល់អ្វីនោះទេ ដូចពាក្យចាស់ពោលថា «ស៊ូស្លា.ប់បាកុំឲ្យស្លា.ប់មេ លិចទូកកណ្តាលទន្លេ កុំឲ្យតែភ្លើងឆេះផ្ទះ»៕
ចែករំលែកព័តមាននេះ