ទីភ្នាក់ងារព័ត៌មានបារាំង AFP នៅថ្ងៃទី២៧ ឧសភា ចេញផ្សាយដោយដកស្រង់សម្តីប្រធានាធិបតីហ្វ៊ីលីពីន លោកបេនីញ៉ូ អាគីណូ ដែលថ្លែងកាលពីថ្ងៃទី២៦ ឧសភា ថា ប្រទេសរបស់លោកពេលនេះបានត្រៀមខ្លួនរួចជាស្រេច ដើម្បីអន្តរាគមន៍ជួយដោះស្រាយបញ្ហាជម្លោះដ៏ជូរចត់រវាងប្រទេសកម្ពុជា និងប្រទេសថៃ
ទីភ្នាក់ងារព័ត៌មានបារាំង AFP នៅថ្ងៃទី២៧ ឧសភា ចេញផ្សាយដោយដកស្រង់សម្តីប្រធានាធិបតីហ្វ៊ីលីពីន លោកបេនីញ៉ូ អាគីណូ ដែលថ្លែងកាលពីថ្ងៃទី២៦ ឧសភា ថា ប្រទេសរបស់លោកពេលនេះបានត្រៀមខ្លួនរួចជាស្រេច ដើម្បីអន្តរាគមន៍ជួយដោះស្រាយបញ្ហាជម្លោះដ៏ជូរចត់រវាងប្រទេសកម្ពុជា និងប្រទេសថៃ ។ លោកបេនីញ៉ូ បានលើកឡើងដូច្នេះក្នុងអំឡុងពេលលោកកំពុងបំពេញទស្សនកិច្ចក្នុងទីក្រុងបាងកក រាជធានីថៃ។
លោកបេនីញ៉ូ ថ្លែងថា ហ្វ៊ីលីពីនបានត្រៀមខ្លួនរួចជាស្រេចដើម្បីបញ្ជូនអ្នកសង្កេតការណ៍ដើម្បីជួយក្នុងកិច្ចខិតខំប្រឹងប្រែងកាត់បន្ថយកំដៅជម្លោះដែលបង្កឱ្យមានការប៉ះទង្គិចគ្នា បណ្តាលឱ្យស្លាប់ ទាហាននៃភាគីទាំងសងខាង កាលពីខែមុន ប្រសិនបើប្រទេសទាំងពីរត្រូវការ។ លោកប្រធានាធិបតីបេនីញ៉ូ ថ្លែងប្រាប់អ្នកកាសែតក្រោយពីជួបពិភាក្សាជាមួយនាយករដ្ឋមន្ត្រីចាំផ្ទះថៃ លោកអាប់ភីស៊ីត វ៉េចាជីវ៉ា ថា «ប្រសិនបើភាគីទាំងពីរថៃ និងកម្ពុជា ចាប់អារម្មណ៍ហ្វ៊ីលីពីនត្រៀមខ្លួនរួចជាស្រេចដើម្បីជួយ ។
លោកបេនីញ៉ូ បានអញ្ជើញទៅកាន់ប្រទេសថៃ កាលពីរសៀលថ្ងៃទី២៦ ឧសភា កន្លងមក ហើយនឹងចាកចេញពីក្រុងបាងកកត្រឡប់ទៅកាន់ក្រុងម៉ានីលវិញនៅរសៀលថ្អៃទី២៧ ឧសភា៕
ចែករំលែកព័តមាននេះ