ក្រុមហាម៉ាស់ថាចំណាប់ខ្មាំ.ងជាច្រើនស្លា.ប់នាពេលថ្មីៗនេះ
សង្គ្រាមអីុស្រាអែលនិងហាម៉ាស់ ៖ សាខាប្រដាប់អាវុធរបស់ក្រុមហាម៉ាស់អះអាងនាថ្ងៃទី១៤មករាថា
សង្គ្រាមអីុស្រាអែលនិងហាម៉ាស់ ៖ សាខាប្រដាប់អាវុធរបស់ក្រុមហាម៉ាស់អះអាងនាថ្ងៃទី១៤មករាថា
សង្គ្រាមអីុស្រាអែលនិងហាម៉ាស់ ៖ សាខាប្រដាប់អាវុធរបស់ក្រុមហាម៉ាស់អះអាងនាថ្ងៃទី១៤មករាថា មកដល់ថ្ងៃទី១០០នៃសង្គ្រាមរវាងអីុស្រាអែលនិងក្រុមហាម៉ាស់ ចំណាប់ខ្មាំងជាច្រើនអាចស្លាប់នាពេលថ្មីៗនេះ។
លោកអាប៊ូអូបីដាអ្នកនាំពាក្យក្រុមប្រដាប់អាវុធរបស់ហាម៉ាស់ ក្នុងសង្កថាតាមទូរទស្សន៍មួយថ្លែងថា វាសនារបស់ចំណាប់ខ្មាំងជាច្រើននាក់ គេមិនដឹងឡើយចាប់តាំងពីប៉ុន្មានសប្ដាហ៍ថ្មីៗនេះ ហើយចំណាប់ខ្មាំងឯទៀតៗបានចូលទៅក្នុងរូងក្រោមដី។ អ្នកនាំពាក្យរូបនេះបន្តថា ក្នុងចំណោមចំណាប់ខ្មាំង ច្រើននាក់ ប្រហែលទើបស្លាប់នាពេលថ្មីៗនេះហើយចំណាប់ខ្មាំងដទៃៗទៀតកំពុងស្ថិតក្នុងគ្រោះថ្នាក់ខ្លាំងបំផុត ហើយគឺមេដឹកនាំរបស់សត្រូវនិងកងទ័ពរបស់ពួកគេ ជាអ្នកទទួលខុសត្រូវលើរឿងនោះ។
ម្យ៉ាងវិញទៀតក្រុមហាម៉ាស់បានចេញផ្សាយវីដេអូមួយ បង្ហាញចំណាប់ខ្មាំងអីុស្រាអែល៣នាក់គឺបុរស២នាក់និងនារីម្នាក់ ដែលនៅមានជីវិត។ វីដេអូនោះមិនមានការបញ្ជាក់ណាមួយលើកាលបរិច្ឆេទនៃការថតឡើយ។ ចំណាប់ខ្មាំងទាំង៣នាក់នោះបាននិយាយជាភាសាអីុស្រាអែល ស្នើដល់អាជ្ញាធរប្រទេសនេះឲ្យមានប្រតិកម្មដើិម្បីឲ្យពួកគេអាចត្រូវបានដោះលែង។
យោងតាមអីុស្រាអែលថា មកទល់ពេលនេះចំណាប់ខ្មាំង១៣២នាក់ ស្ថិតនៅជ្រោយហ្គាហ្សានៅឡើយ។ នាថ្ងៃទី១៤មករាជាថ្ងៃគម្រប់១០០ថ្ងៃនៃសង្គ្រាមរវាងអីុស្រាអែលនិងក្រុមហាម៉ាស់ ពលរដ្ឋអីុស្រាអែលច្រើនរយពាន់នាក់ បាននាំគ្នាធ្វើកូដកម្ម១០០នាទី រំឭកដល់កាលបរិច្ឆេទជានិម្មិត្តរូបនោះ។
ម្យ៉ាងទៀតបាតុកម្មនានាត្រូវបានធ្វើលើពិភពលោកទាមទារឲ្យដោះលែងជាបន្ទាន់ចំណាប់ខ្មាំងទាំងអស់។ មនុស្សប្រមាណជា២៥០នាក់បានត្រូវចាប់ជាចំណាប់ខ្មាំង ក្នុងឱកាសនៃការវាយលុកនាថ្ងៃទី៧តុលា របស់ពួកហាមា់ស់លើអីុស្រាអែល ហើយចំណាប់ខ្មាំង១៣២នាក់កំពុងស្ថិតនៅហ្គាហ្សានៅឡើយ ក្នុងនោះយ៉ាងតិច២៥នាក់ស្លាប់។ នេះបើតាមការអះអាងរបស់អាជ្ញាធរអីុស្រាអែល។ ចំណាប់ខ្មាំង១០០នាក់ត្រូវបានដោះលែង ពេលមានកិច្ចព្រមព្រៀងឈប់បាញ់គ្នាកាលពីដំណាច់ខែវិច្ឆិកា៕
ចែករំលែកព័តមាននេះ