កូរ៉េខាងជើងបា.ញ់សាកមីស៊ីលលឿនជាងសំឡេង
ប្រទេសកូរ៉េខាងជើង ៖ ប្រទេសកូរ៉េខាងជើងរាយការណ៍នាថ្ងៃទី១៥ មករា ថា បានបា.ញ់សាកល្បង
ប្រទេសកូរ៉េខាងជើង ៖ ប្រទេសកូរ៉េខាងជើងរាយការណ៍នាថ្ងៃទី១៥ មករា ថា បានបាញ់សាកល្បងប្រកបដោយជោគជ័យ មីស៊ីលបាលីស្ទិកថ្មីបំពាក់ក្បាលគ្រាប់លឿនជាងសំឡេងដែលជាបច្ចេកវិទ្យាគ្រឿងសព្វាវុធឈានមុខមួយ។
ការបាញ់មីស៊ីលបាលីស្ទិកលឿនជាងសំឡេងបាញ់បានចម្ងាយមធ្យមប្រើប្រេងឥន្ធនៈរឹងលើកដំបូងនេះដោយកូរ៉េខាងជើង ត្រូវចាប់ឃើញដោយកងទ័ពកូរ៉េខាងត្បូងកាលពីរសៀលថ្ងៃទី១៤មករា។
យោងតាមទីភ្នាក់ងារព័ត៌មានផ្លូវការកូរ៉េខាងជើងKCNAថា មីសីុលប្រើប្រេងឥន្ធនៈរឹងនោះ មានផ្ទុកក្បាលគ្រាប់លឿនជាងសំឡេងដែលអាចបញ្ជាពីចម្ងាយ។ ការបាញ់សាកល្បងនោះសំដៅត្រួតពិនិត្យសមត្ថភាពនៃការហោះហើរ ព្រមទាំងប្រសិទ្ធភាពម៉ូទ័រថ្មីប្រើឥន្ធនៈរឹង ដែលមានអានុភាពរុញច្រានខ្ពស់។ ការបាញ់សាកនេះជាលើកដំបូងនាដើមឆ្នាំ២០២៤នេះ មិនបង្កការប៉ះពាល់ដល់សន្តិសុខប្រទេសជិតខាងហើយក៏មិនទាក់ទិនជាមួយសភាពការណ៍តំបន់ដែរ។
ការបាញ់សាកល្បងនោះកើតមាន ពេលកំពុងមានការព្រួយបារម្ភជុំវិញការពង្រឹងជំហររបស់ក្រុងព្យុងយ៉ាង។ ក្រសួងការពារប្រទេសកូរ៉េខាងត្បូង បានថ្កោលទោសការបង្ហោះនោះ និងអះអាងថា វានឹងនាំឲ្យមានការឆ្លើយតបវិញយ៉ាងមឺុងម៉ាត់ ក្នុងករណីមានការបង្កហេតុដោយផ្ទាល់របស់ក្រុងព្យុងយ៉ាង៕
ចែករំលែកព័តមាននេះ