ខេត្តសៀមរាប ៖ មន្ត្រីអាជ្ញាធរជាតិអប្សរាពីរនាក់ ដែលព្រួតគ្នាប្រើហិ.ង្សាលើកុមារលក់អណ្តើកមុខអង្គរវត្ត ។ នេះបើយោងតាមការបញ្ជាក់អោយដឹងពីស្នងការដ្ឋាននគរបាល ខេត្តសៀមរាប នៅព្រឹកថ្ងៃទី១៣ ខែមករា ឆ្នាំ២០២៤។…
ខេត្តសៀមរាប ៖ មន្ត្រីអាជ្ញាធរជាតិអប្សរាពីរនាក់ ដែលព្រួតគ្នាប្រើហិ.ង្សាលើកុមារលក់អណ្តើកមុខអង្គរវត្ត ។ នេះបើយោងតាមការបញ្ជាក់អោយដឹងពីស្នងការដ្ឋាននគរបាល ខេត្តសៀមរាប នៅព្រឹកថ្ងៃទី១៣ ខែមករា ឆ្នាំ២០២៤។
ស្នងការដ្ឋាននគរបាលខេត្តសៀមរាប បានបង្ហោះសារតាមរយៈផេកហ្វេសប៊ុកនៅព្រឹកនេះថា ៖ ស្នងការដ្ឋាននគរបាលខេត្តសៀមរាបថា៖ នាពេលកន្លងទៅថ្មីៗនេះ ពាក់ព័ន្ធនឹងការប្រើហិ.ង្សារបស់បុគ្គលិកសណ្ដាប់ធ្នាប់នៃអាជ្ញាធរជាតិអប្សរា ទៅលើកុមារដើរលក់កូនសត្វអណ្ដើកចល័ត នៅបរិវេណកសិន្ធុមុខប្រាសាទអង្គរវត្ត ករណីនេះកម្លាំងសមត្ថកិច្ច នៃស្នងការដ្ឋាននគរបាលខេត្តសៀមរាប បានធ្វើការឃាត់ខ្លួនជនសង្ស័យចំនួន ០២នាក់ ជាបណ្តោះអាសន្ន ដើម្បីបន្តអនុវត្តនីតិវិធី ។
គួរកត់សម្គាល់ថា ការប្រើអំពើហិ.ង្សាលើកុមារ ជាបទល្មើសព្រហ្មទណ្ឌ បែជាខាងអង្គភាព អាជ្ញាធរជាតិអប្សរា ត្រឹមណែនាំ ពិន័យ រដ្ឋបាល និងសូមទោស ធ្វើអោយផ្ទុះការិះគន់យ៉ាងខ្លាំងពីសំណាក់មហាជនលើបណ្តាញសង្គម ទីបំផុតឈានដល់ចំណាត់ការសមត្ថកិច្ច ស្នងការដ្ឋាននគរបាលខេត្តសៀមរាប ឃាត់ខ្លួនជនសង្ស័យតាមនីតិវិធី ។
ជុំវិញរឿងនេះ ផ្តើមដំបូង មហាជនគ្រប់ស្រទាប់វណ្ណៈផ្ទុះកំហឹ.ង និងថ្កោលទោសជាខ្លាំងទៅលើការប្រើហិ.ង្សារបស់បុគ្គលិកសណ្ដាប់ធ្នាប់នៃអាជ្ញាធរជាតិអប្សរា ទៅលើកុមារដើរលក់កូនសត្វអណ្ដើកចល័ត នៅបរិវេណកសិន្ទុអង្គរវត្ត កាលពីថ្ងៃទី១១ ខែមករា បន្ទាប់ពីវីដេអូត្រូវបានចែកចាយ យ៉ាងផុសផុលលើបណ្តាញសង្គមនៅថ្ងៃទី១២ ខែមករា។
ប៉ុន្តែអ្វីដែលមហាជនកាន់តែមិនពេញចិត្តទៀតនោះ គឺចំណាត់ការអាជ្ញាធរជាតិអប្សរា លើមន្ត្រីរូបនោះ ដែលគ្រាន់តែសម្រេចដាក់ពិន័យរដ្ឋបាល និងតម្រូវឱ្យចុះហត្ថលេខាលើកិច្ចសន្យាទទួលស្គាល់កំហុស និងបញ្ឈប់នូវរាល់សកម្មភាពហិង្សា និងបានណែនាំឱ្យបុគ្គលិករូបនេះ ទៅសុំទោសឪពុក ម្តាយ និងកុមាររូបនេះដោយផ្ទាល់ដើម្បីបញ្ចប់រឿង។
ជុំវិញចំណាត់បញ្ចប់រឿងត្រឹមដាក់ពិន័យរដ្ឋបាល ធ្វើកិច្ចសន្យា និងត្រឹមការសូមទោស លើមន្ត្រីដែលប្រើហិង្សារូបនេះ បញ្ចេះកំហឹ.ងមហាជន កាន់តែខ្លាំងទ្វេដង ដោយពួកគាត់អះអាងថា ក្នុងនាមខ្ញុំជាប្រជាពលរដ្ឋខ្មែរ ពួកគាត់មិនអាចទទួលយកនូវចំណាត់ការបស់ អាជ្ញាធរជាតិអប្សរា ដោយគ្រាន់ធ្វើកាព្រមានហើយសុំទោសហើយរួចខ្លួននោះទេ គួតែមានវិធានកាធ្ងន់ជាងនេះព្រោះជនដែលប្រើហឹង្សាលើកុមា មិនសមជាអ្នកធ្វើកាក្នុងវិស័យនេះទេវានាំអោយអ៉ាម៉ាស់ដល់មន្ត្រីដទៃល្អៗជាច្រើន ដោយសំណូមពរអោយមានវិធានកាធ្ងន់ជាងនេះឬដក់ចេញពីក្របខណ្ឌតែម្តង។ មហាជនភាគច្រើនចង់ឃើញស្ថាប័នមានសមត្ថកិច្ច និងអង្គារសិទ្ធកុមារនឹងលូកដៃរកយុត្តិធម៌ ជូនកុមាររងគ្រោះ៕ ដោយ៖អោម ចែតច័ន្ទណារ៉ា
ចែករំលែកព័តមាននេះ