កូនប្រុសលោកចូ បៃដិន អះអាងថា គ្មានកំហុស ពេលឡើងតុលាការរឿងបន្លំពន្ធ
សហរដ្ឋអាមេរិក ៖ កូនប្រុសលោកចូ បៃដិន គឺលោកហ៊ុនធ័រ បៃដិន ដែលទទួលការចោទប្រកាន់
សហរដ្ឋអាមេរិក ៖ កូនប្រុសលោកចូ បៃដិន គឺលោកហ៊ុនធ័រ បៃដិន ដែលទទួលការចោទប្រកាន់កាលពីខែធ្នូ រឿងបន្លំពន្ធ១,៤លានដុល្លារ សម្រាបដំណាក់កាលបង់ពន្ធពីឆ្នាំ២០១៦ទៅ២០១៩ ពេលនេះកំពុងប្រឈមមុខនឹងបទចោទប្រកាន់ដល់ទៅ៩ ។ រួចកាលពីថ្ងៃទី១១ មករា នៅតុលាការក្រុងឡូសអេនចឺឡេស លោកបានអះអាងថា លោកគ្មានកំហុសឡើយក្នុងឱកាសនៃសវនាការរយៈពេលខ្លីមួយ។
ក្នុងសវនាការនោះលោកហ៊ុនធ័របៃដិន បានបដិសេធការចោទប្រកាន់ទាំ៩ករណីនោះ។ បទចោទប្រកាន់ទាំងនេះប្រឆាំងកូនប្រុសលោកបៃដិន គឺជាគោលដៅមួយក្នុងចំណោមគោលដៅ វាយប្រហាររបស់ពួកអ្នកសាធារណរដ្ឋសំដៅឪពុកលោកដែលនៅឈរឈ្មោះជាបេក្ខជនប្រធានាធិបតីសម្រាប់អាណត្តិទី២។ ពេលនេះកូនប្រុសរូបនោះរបស់លោកបៃដិននៅមានសេរីភាពក្រោមការតាមដានរបស់តុលាការ ដែលហាមឃាត់ជាពិសេសមិនឲ្យលោកមានអាវុធ មិនឲ្យផឹកស្រាឬសេពគ្រឿងញៀន។ លោកត្រូវកំណត់ឲ្យចូលខ្លួនក្នុងតុលាការជាថ្មីនាថ្ងៃទី២៧ មីនា៕
ចែករំលែកព័តមាននេះ