កូរ៉េខាងត្បូងហាមពលរដ្ឋខ្លួនកុំឱ្យទៅកាន់តំបន់ត្រីកោណមាសនៅឡាវ
ប្រទេសកូរ៉េខាងត្បូង ៖ តាម YONHAP ថា ប្រទេសកូរ៉េខាងត្បូងសម្រេចហាមឃាត់ចាប់ពីខែកុម្ភៈ
ប្រទេសកូរ៉េខាងត្បូង ៖ តាម YONHAP ថា ប្រទេសកូរ៉េខាងត្បូងសម្រេចហាមឃាត់ចាប់ពីខែកុម្ភៈទៅ ពលរដ្ឋខ្លួនធ្វើដំណើរទៅកាន់តំបន់ត្រីកោណមាសនៅប្រទេសឡាវ ជាតំបន់ល្បីខាងសកម្មភាពឧក្រិដ្ឋដែលកើតមាននៅទីនោះ។ នេះជាការគូសបញ្ជាក់កាលពីថ្ងៃទី១១មករារបស់ក្រសួងការបរទេសកូរ៉េខាងត្បូង។ ការហាមឃាត់នេះត្រូវចាប់ផ្ដើមពីថ្ងៃទី១ កុម្ភៈទៅ។
តំបន់សេដ្ឋកិច្ចពិសេសត្រីកោណមាសឡាវស្ថិតក្នុងខេត្តឡាវបូកែវជាប៉គ្នាតំបន់ត្រីកោណមាសថៃនិងមីយ៉ាន់ម៉ា។ តំបន់ត្រីកោណមាសនោះល្បីតាំងពីយូរមកហើយថាជាតំបន់រត់ពន្ធគ្រឿងញៀនអាភៀន ដោយសារលក្ខណៈភូមិសាស្ត្រអំណោយផល តែពេលនេះមកល្បីខាងរត់ពន្ធមនុស្សនិងអាវុធ។ នាពេលថ្មីៗនេះមានជនជាតិកូរ៉េខាងត្បូងមួយចំនួនត្រូវគេចាប់បង្ខាំងទុកទើបដោះស្រាយរួច។ នៅទីនោះពួកឧក្រិដ្ឋជនបានអូសទាញឲ្យធ្វើការក្នុងសហគ្រាសមូលដ្ឋានមួយ បន្ទាប់មកចាប់បង្ខំពួកគេឲ្យប្រព្រឹត្តអំពើឧក្រិដ្ឋដូចជាឆរបោកតាមទូរស័ព្ទឬឲ្យបម្រើខាងផ្លូវភេទ។ បើហ៊ានប្រកែកពួកគេត្រូវរងការធ្វើបាបលើរាងកាយ ៕
ចែករំលែកព័តមាននេះ