ខេត្តកំពង់ចាម ៖ ហេតុការណ៍ស្មានមិនដល់មួយបានបង្កឱ្យភ្ញាក់ផ្អើលពេញរោងការដោយសារតែកូនក្រមុំពៅ ធីតា អាយុ២១ឆ្នាំ រស់នៅភូមិស្រក ឃុំស្រក ស្រុកកំពង់សៀម ត្រូវបានគេដឹកមកសង្គ្រោះនៅមន្ទីរពេទ្យខេត្ត កាលពីវេលាម៉ោង៣និង៣០នាទីរសៀលថ្ងៃទី២៦ ឧសភា ដោយសារមានអាការក្អួតចង្អោរមិនឈប់
ខេត្តកំពង់ចាម ៖ ហេតុការណ៍ស្មានមិនដល់មួយបានបង្កឱ្យភ្ញាក់ផ្អើលពេញរោងការដោយសារតែកូនក្រមុំពៅ ធីតា អាយុ២១ឆ្នាំ រស់នៅភូមិស្រក ឃុំស្រក ស្រុកកំពង់សៀម ត្រូវបានគេដឹកមកសង្គ្រោះនៅមន្ទីរពេទ្យខេត្ត កាលពីវេលាម៉ោង៣និង៣០នាទីរសៀលថ្ងៃទី២៦ ឧសភា ដោយសារមានអាការក្អួតចង្អោរមិនឈប់ ។
ម្នាក់ៗបានគេអះអាងជំហានដំបូងថាបណ្តាលមកពីផឹកទឹកបរិសុទ្ធជាហេតុបណ្តាលឱ្យពុលបែបនេះ តែមិនមានលក្ខណៈធ្ងន់ធ្ងរនោះទេ ។ ភ្លាមៗត្រូវបានគ្រូពេទ្យជួយសង្គ្រោះទាន់ពេលវេលាផុតពីគ្រោះថ្នាក់ដល់អាយុជីវិត ។ ទោះបីជាបែបណា នោះជាទឹកថ្នាំប្រោះផ្កាឱ្យនៅស្រស់ដែលគេច្រកក្នុងដបទឹកបរិសុទ្ធប៉ុណ្ណោះ ។
អ្នកស្រីផន នាងអាយុ៤៥ឆ្នាំ ត្រូវជាម្តាយមីងកូនក្រមុំបានប្រាប់ឱ្យដឹងថា ក្មួយស្រីឈ្មោះ ធីតា ជាកូនក្រមុំក្នុងពិធីមង្គលការបានរៀបការជាមួយនឹងកូនកំលោះឈ្មោះ សុក មី អាយុ២៤ ឆ្នាំ ។ ស្រ្តីជាម្តាយមីងបានប្រាប់បន្តថា ក្នុងពេលដែលពិធីរៀបមង្គលការជិតមកដល់ក្មួយស្រី ឈ្មោះធីតា បានរវល់ទៅនេះទៅនោះរយៈពេល២ថ្ងៃមុនចូលរោងការមិនសូវទទួលទានបាយបាននោះទេ ។
ជាក់ស្តែងនៅថ្ងៃមង្គលទី២៦ ឧសភា ក្រោយពិធីកាត់សក់ចប់នៅវេលាម៉ោង១២ថ្ងៃត្រង់ ក្មួយស្រីបានឡើងមកលើផ្ទះយកទឹកបរិសុទ្ធមកផឹក ស្រាប់តែនៅភ្លាមៗនោះបណ្តាលឱ្យចុកពោះនិងក្អួតចង្អោរទន់ដៃទន់ជើង រកកល់នឹងដួល ហើយត្រូវបានអ្នកកំដរកូនក្រមុំនិងក្រុមសាច់ញាតិភ្ញាក់ផ្អើលនិងភិតភ័យនាំគ្នាជួយសង្គ្រោះនៅផ្ទះ ។ បន្ទាប់មកទើបនាំមកកាន់មន្ទីរពេទ្យខេត្តសង្ស័យពុលទឹកបរិសុទ្ធព្រោះនាងផឹកមិញនេះ ។ អ្នកកំដរកូនក្រមុំ ឈ្មោះណាល់ សោភ័ណ្ឌ អាយុ២២ឆ្នាំ បានរៀបរាប់ប្រាប់ឱ្យដឹងដែរថា ក្រោយពិធីកាត់សក់សំពះផ្ទឹមនាថ្ងៃត្រង់កូនក្រមុំបានស្រេកទឹកពេក ទើបទៅបើកធុងទាញយកទឹកសុទ្ធមកផឹកបានតែបន្តិចប៉ុណ្ណោះ ក៏ចាប់ផ្តើមពិបាកក្នុងខ្លួនជាខ្លាំងអស់កម្លាំងទន់ដៃជើងព្រមទាំងក្អួតចង្អោរតិចៗ នាំគ្នាជួយរឹតបែបណាក៏មិនបាត់ទើបនាងជួយគ្រានាំដាក់លើរថយន្តយកមកសង្គ្រោះនៅមន្ទីរពេទ្យខេត្តតែម្តង ។
គ្រូពេទ្យបានប្រាប់ថា ទឹកដែលកូនក្រមុំបានផឹកនោះប្រហែលពី៥ទៅ១០មីលី្លលីត្រ ប៉ុណ្ណោះ ហើយមានក្លិនស្អុយទៀតផង ត្រូវបានគេយកសំបកដបបោះចោលបាត់ហើយ ។ លោកវេជ្ជបណ្ឌិត សៅ វ៉ាន់ឌី អនុប្រធានមន្ទីរពេទ្យមានប្រសាសន៍ឱ្យដឹងថា តាមការសួរនាំកូនក្រមុំត្រូវបាននាងរៀបរាប់ប្រាប់ថា ក្រោយពីបានកាត់សក់រួចនាងបានស្រេកទឹកក៏ទៅបើកធុងដាក់ទឹកទាញយកទឹកសុទ្ធ១ដបមកផឹកបានតែបន្តិចប៉ុណ្ណោះ ជាហេតុបណ្តាលឱ្យមានអាការក្អួតចង្អោរនិងអស់កម្លាំង ។ តាមការស្រាវជ្រាវទឹកនៅក្នុងដបនោះមិនមែនជាទឹកបរិសុទ្ធធម្មតានោះទេ គឺជាទឹកគេលាយជាមួយនឹងថ្នាំសំរាប់ប្រោះផ្កាភ្ញីឱ្យស្រស់បានយូរ នេះ បណ្តាលមកពីការផឹកច្រឡំស្មានតែដបទឹកបរិសុទ្ធ តែមិនមានលក្ខណៈធ្ងន់ធ្ងរនោះទេ ។ ក្រោយពីក្រុមគ្រូពេទ្យធ្វើការសង្គ្រោះតាមបច្ចេកទេសរួចមកកូនក្រមុំអាចនិយាយបានវិញហើយ។ ទោះបីជានាងកូនក្រមុំជួបនូវបញ្ហានេះក្តី មង្គលការក៏នៅតែបន្តដោយគ្មានវត្តមានកូនក្រមុំនៅទទួលភ្ញៀវទេ គឺនៅតែកូនកំលោះ ។ នេះមេរៀនមួយសម្រាប់ការទុកដាក់របស់ផឹកនៅលាយឡំនិងវត្ថុមិនគប្បីយកទៅដាក់នៅក្បែរ ដូចជាដបប្រេងសាំងឬដបថ្នាំនេះជាដើម ៕
ចែករំលែកព័តមាននេះ