បណ្តាប្រមុខរដ្ឋ និងប្រមុខរដ្ឋាភិបាលរបស់សហភាពអាហ្វ្រិកបានជួបប្រជុំគ្នាវិសាមញ្ញកាលពីថ្ងៃទី២៥ ឧសភា ដោយមានវត្តមានរបស់អគ្គលេខាធិការអ.ស.ប លោកបាន គីមូន ដែលកំពុងបំពេញទស្សនកិច្ចនៅក្រុងអាឌីស អាបេបា ប្រទេសអេត្យូពីជាមួយនឹងរបៀបវារៈសភាពការណ៍សន្តិភាព និងសន្តិសុខនៅអាហ្វ្រិក
បណ្តាប្រមុខរដ្ឋ និងប្រមុខរដ្ឋាភិបាលរបស់សហភាពអាហ្វ្រិកបានជួបប្រជុំគ្នាវិសាមញ្ញកាលពីថ្ងៃទី២៥ ឧសភា ដោយមានវត្តមានរបស់អគ្គលេខាធិការអ.ស.ប លោកបាន គីមូន ដែលកំពុងបំពេញទស្សនកិច្ចនៅក្រុងអាឌីស អាបេបា ប្រទេសអេត្យូពីជាមួយនឹងរបៀបវារៈសភាពការណ៍សន្តិភាព និងសន្តិសុខនៅអាហ្វ្រិក។ កិច្ចប្រជុំរយៈពេល២ថ្ងៃនេះ គឺសំដៅពិនិត្យសភាពការណ៍សន្តិភាព និងសន្តិសុខនៅអាហ្វ្រិកក្នុងក្របខណ្ឌនៃការប្រឈមទាំងឡាយ និងវិបត្តិនានាដែលទ្វីបនេះកំពុងតែប្រឈមមុខ។
ប្រមុខរដ្ឋ និងប្រមុខរដ្ឋាភិបាលរបស់អេត្យូពីហ្គាបុង ម៉ូរីតានី អ៊ូហ្គង់ដា ម៉ាលី តង់ហ្សានី ហ្គីណេអេក្វាទ័រ សេណេហ្គាល់ និងហ្ស៊ីមបាវេ ព្រមទាំងរដ្ឋមន្ត្រីការបរទេស និងតំណាងរបស់រដ្ឋាភិបាលដទៃៗទៀតបានចូលរួមក្នុងកិច្ចប្រជុំនេះ។ កិច្ចប្រជុំកំពូលនេះប្រព្រឹត្តទៅ ខណៈកើតមានព្រឹត្តិការណ៍នាពេលថ្មីៗនេះនៅអេហ្ស៊ីប ទុយនីស៊ី និងលីប៊ី។ ប្រធានរបស់សហភាពអាហ្វ្រិក ប្រធានាធិបតីហ្គីណេអេក្វាទ័រ លោក TEODORO NGUEMA MBASOGO ថ្លែងថា សភាពការណ៍នៅលីប៊ីគឺធ្ងន់ធ្ងរមកពីចំនួនជនរងគ្រោះមានច្រើន និងដោយការប្រើប្រាស់កម្លាំងរបស់អូតង់ ប្រឆាំងកងទ័ពរដ្ឋាភិបាល និងការបំផ្លាញធ្ងន់ធ្ងរដល់សម្ភារ និងហេដ្ឋារចនាសម្ព័ន្ធចាំបាច់ទាំងឡាយសំរាប់ជីវភាពរបស់ប្រជាជន។ អាស្រ័យហេតុនេះហើយបានជាសហភាពអាហ្វ្រិកស្វែងរកដំណោះស្រាយមួយសំរាប់ស្តារសន្តិភាព និងបញ្ឈប់ជាបន្ទាន់នូវការប្រទូស្តរ៉ាយ ៕
ចែករំលែកព័តមាននេះ