តុលាការឧក្រិដ្ឋកម្មអន្តរជាតិសំរាប់រវ៉ាន់ ដាTPIR រាយការណ៍កាលពីថ្ងៃទី២៥ ឧសភា ថា លោក BERNARD MUNYAGISHARI សង្ស័យថា ជាអ្នកទទួលខុសត្រូវសំខាន់ម្នាក់នៃអំពើប្រល័យពូជសាសន៍កាលពីឆ្នាំ១៩៩៤ នៅរវ៉ាន់ដា ត្រូវបានចាប់ខ្លួននៅសាធារណរដ្ឋប្រជាធិបតេយ្យកុងហ្គោ
តុលាការឧក្រិដ្ឋកម្មអន្តរជាតិសំរាប់រវ៉ាន់ ដាTPIR រាយការណ៍កាលពីថ្ងៃទី២៥ ឧសភា ថា លោក BERNARD MUNYAGISHARI សង្ស័យថា ជាអ្នកទទួលខុសត្រូវសំខាន់ម្នាក់នៃអំពើប្រល័យពូជសាសន៍កាលពីឆ្នាំ១៩៩៤ នៅរវ៉ាន់ដា ត្រូវបានចាប់ខ្លួននៅសាធារណរដ្ឋប្រជាធិបតេយ្យកុងហ្គោ។
ចៅក្រម លោក HASSAN BUBACAR JALLOW រដ្ឋអាជ្ញារបស់ TPIR ប្រកាសកាលពីថ្ងៃទី២៥ ឧសភា ពីការចាប់ខ្លួនជននេះនៅសាធារណរដ្ឋប្រជាធិបតេយ្យកុងហ្គោ។ លោក BERNARD MUNYAGISHART អាយុ៥២ឆ្នាំ អតីតប្រធានរបស់ពួកជីវពលហ៊ូទូត្រូវចាប់ខ្លួននៅគីវូខាងជើង។ ទទួលការចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ និងប្រល័យពូជសាសន៍ដោយតុលាការ TPIR ជននេះស្ថិតក្នុងបញ្ជីឈ្មោះពួកជនសង្ស័យដែលតាមរកចាប់ខ្លួនបំផុត ដោយក្រសួងការបរទេសអាមេរិកដែលផ្តល់ប្រាក់៥លានដុល្លារសំរាប់ការចាប់ខ្លួនជននេះ។
រដ្ឋអាជ្ញារូបនេះបានសរសើរចំពោះអាជ្ញាធរសាធារណរដ្ឋប្រជាធិបតេយ្យកុងហ្គោដែលបានរួមសហការក្នុងការអនុវត្តដីកាចាប់ខ្លួនទោះបីជួបការលំបាកក្នុងការស្រាវជ្រាវតាមរកជននេះក៏ដោយ ៕
ចែករំលែកព័តមាននេះ