ប្រផ្នូល! ត្រីរាប់លានក្បាលមកទើរឆ្នេរសមុទ្រ២ថ្ងៃមុន ពេលនេះហ្វីលីពីនជួបគ្រោះរញ្ជួយដី
ហ្វីលីពីន ៖ ទីភ្នាក់ងារស្ទាបស្ទង់ភូមិសាស្ត្រអាមេរិក (USGS) បានប្រកាសថា គ្រោះរញ្ជួយដីកម្រិត ៦.៧
ហ្វីលីពីន ៖ ទីភ្នាក់ងារស្ទាបស្ទង់ភូមិសាស្ត្រអាមេរិក (USGS) បានប្រកាសថា គ្រោះរញ្ជួយដីកម្រិត ៦.៧
ហ្វីលីពីន ៖ ទីភ្នាក់ងារស្ទាបស្ទង់ភូមិសាស្ត្រអាមេរិក (USGS) បានប្រកាសថា គ្រោះរញ្ជួយដីកម្រិត ៦.៧ ដល់ ៧.១តាមរង្វាស់រ៉ិចទ័រ បានវាយប្រហារនៅមហាសមុទ្រប៉ាស៊ីហ្វិក នៅមុនពេលថ្ងៃរះ ថ្ងៃអង្គារ ទី៩ ខែមករា នៅឯឆ្នេរសមុទ្រហ្វីលីពីនភាគខាងត្បូង។ នេះបើយោងតាមការចុះផ្សាយរបស់សារព័ត៌មាន Vietnam Plus ទីភ្នាក់ព័ត៌មានបារាំង AFP និងសារព័ត៌មានចិន ស៊ិនហួរ នៅថ្ងៃនេះ។ គួររំលឹកថា រឿងល្អ ឬអាក្រក់? ត្រីរាប់សិបតោនបោកបក់មកទើរនៅឆ្នេរប្រទេសហ្វីលីពីន
គួរកត់សម្គាល់ថា គ្រោះរញ្ជួយដីនេះ បានកើតឡើងដូចទៅនឹងការទស្សទាយព្រួយបារម្ភរបស់ប្រជាពលរដ្ឋហ្វីលីពីន ក្រោយប្រទះឃើញត្រីសាឌីនរាប់តោនបានហែលឡើងគោក មកទើពាសពេញឆ្នេរសមុទ្រក្នុងស្រុកMaasim នៃដែនកោះ Mindanao កាលពីព្រឹកព្រលឹមថ្ងៃទី៧ ខែមករា ឆ្នាំ២០២៤ ពោលគឺរំលងបានតែ២ថ្ងៃប៉ុណ្ណោះ ក៏កើតមានគ្រោះរញ្ជួយដី។
ទីភ្នាក់ងារស្ទាបស្ទង់ភូមិសាស្ត្រអាមេរិក (USGS) ប្រកាសថា ការរញ្ជួយដីមិនបានបង្កឱ្យមានការជូនដំណឹងអំពីរលកយក្សស៊ូណាមិនោះទេ។ យោងតាមប្រព័ន្ធព្រមានពីរលកយក្សស៊ូណាមិរបស់សហរដ្ឋអាមេរិក បញ្ជាក់ថា ហេតុការណ៍រញ្ជួយដី បានកើតឡើងនៅម៉ោង៤និង៤៨នាទីព្រឹក ដែលមានជម្រៅ៧០គីឡូម៉ែត្របានកើតឡើងក្នុងចម្ងាយប្រហែល១០០គីឡូម៉ែត្រពីភាគខាងត្បូងនៃកោះMindanao ហើយរួមទាំងការរញ្ជួយដីនៅផ្នែកខ្លះនៃទីក្រុង Sarangani។ គ្រោះរញ្ជួយដីកម្រិត ៦.៨រ៉ិចទ័រមួយទៀតក៏បានវាយប្រហារតំបន់ Kepulauan Talaud របស់ប្រទេសឥណ្ឌូនេស៊ី នៅថ្ងៃជាមួយគ្នា ជម្រៅ ៩១គីឡូម៉ែត្រ។
ក្រោយរងគ្រោះពីការរញ្ជួយដីកម្រិត 6.7 រ៉ិចទ័របាននាព្រឹកព្រលឹមថ្ងៃអង្គារ លោកវរសេនីយ៍ទោ Ian Roy Balandan ប្រធានការិយាល័យប៉ូលីសខេត្ត Sarangani នៅលើកោះ Mindanao បាននិយាយថា «ដោយសារព្រះគុណរបស់ព្រះជាម្ចាស់ វាមិនមានកម្លាំងខ្លាំងនៅក្នុងខេត្តរបស់យើងនោះទេ។ លោក Ian បានប្រាប់ AFP ថា មិនមានរបាយការណ៍អំពីការស្លាប់និងរបួសឬការខូចខាតហេដ្ឋារចនាសម្ព័ន្ធ ឬផ្ទះសម្បែងទេ។គាត់បាននិយាយថា «វាពិតជាស្រាលណាស់។ មនុស្សស្ទើរតែមិនមានអារម្មណ៍វា»
ដោយឡែកលោក Harly Sauro មន្ត្រីគ្រោះមហន្តរាយប្រចាំខេត្តSarangani បាននិយាយថា ការរញ្ជួយដីមិនបណ្តាលឱ្យមានការខូចខាត ឬរបួសនោះទេ ប៉ុន្តែ «បានរំខានមនុស្សមួយចំនួនពីការដេករបស់ពួកគេ»។
វិទ្យាស្ថានបន្ទុះភ្នំភ្លើង និងរញ្ជួយដីហ្វីលីពីន បានបញ្ជាក់ថា ដោយសារតែទីតាំងរបស់ហ្វីលីពីនស្ថិតនៅតាមបណ្តោយខ្សែក្រវាត់ភ្លើងប៉ាស៊ីហ្វិក Ring of Fire ដែលជាផ្នែកនៃការរញ្ជួយដី និងសកម្មភាពភ្នំភ្លើងខ្លាំង ដែលលាតសន្ធឹងពីប្រទេសជប៉ុនឆ្លងកាត់អាស៊ីអាគ្នេយ៍ និងឆ្លងកាត់អាងប៉ាស៊ីហ្វិក។ ការរញ្ជួយដីគឺស្ទើរតែកើតឡើងជារៀងរាល់ថ្ងៃនៅក្នុងប្រទេសហ្វីលីពីន ដោយភាគច្រើនជាការរញ្ជួយតិចតួច ប៉ុន្តែក៏មានការរញ្ជួយខ្លាំងមួយចំនួនដែលអាចបណ្តាលឱ្យខូចខាតផងដែរ។ កាលពីខែមុន ការរញ្ជួយដីកម្រិត ៧,៦ រ៉ិចទ័របានវាយប្រហារលើកោះ Mindanao ក្នុងរយៈខ្លីម្តងហើយម្តងទៀត ហើយបានបង្កឱ្យមានការព្រមានអំពីរលកយក្សស៊ូណាមិ ដែលកាលនោះ យ៉ាងហោចណាស់មនុស្សបីនាក់បានស្លាប់ ។
ហេតុការណ៍រញ្ជួយដីដែលបានកើតឡើងនេះ រឹតតែធ្វើអោយមនុស្សជុំវិញពិភពលោកជឿជាក់ថា ត្រីពិតជាញាណពិសេសថា នឹងមានគ្រោះមហន្តរាយធម្មជាតិពិតប្រាកដមែន៕
(ដោយ ៖ អោម ចែតច័ន្ទណារ៉ា)
ចែករំលែកព័តមាននេះ